Cancunapaj huahuacuna Jehová Diospaj ñaupajpi alli ricurichun, yachajcuna cachunca tandanacuicunami ayudan. Chaicunapi ima ricushca, ima uyashca, paicuna ima comentashcami Jehová Diosmanta ashtahuan yachachun, paipaj amigocuna tucuchunpish ayudanga (Dt 31:​12, 13). Pero cancunapaj huahuacuna tucui tandanacuicunamanta beneficiarichunca, ¿imatataj rurana canguichij?

• Tandanacuicunaman en persona ringapaj esforzarichij (Sl 22:22).

• Cancunapaj huahuacuna manaraj tandanacui callarijpi o tandanacui qꞌuipa huauqui panicunahuan parlachunmi ayudana canguichij (Heb 10:25).

• Tandanacuicunapi cada uno paipaj propio publicacioncunata charichunmi ricuna canguichij.

• Paicuna ima intindishcata comentachunmi ayudana canguichij (Mt 21:​15, 16).

• Tandanacuicunaman rina alli cashcata nichij. Shinallataj chaipi yachashcacunamanta parlanacuichij.

• Tandanacuna Huasita pꞌichachun, mayorlla huauqui panicunahuan parlachun animaichij.

Yaya mamacuna, cancunapaj huahuacuna Jehová Diosman cꞌuchuyachunmi achcata esforzarina canguichij. Chaita ruranaca mana jahuallachu canga. Chaimantami huaquinpica ashata sustaringuichij. Pero Jehová Dios cancunata ayudanapimi tucui shunguhuan confiana canguichij (Isa 40:29).

YAYA MAMACUNA, JEHOVAMI CANCUNAMANCA FUERZATA CUNGA NISHCA VIDEOTA RICUSHCA QꞌUIPACA CAI CATIJ TAPUICUNATA CUTICHI:

• ¿Cai yaya mamaca shaicushca cashcamantaca ima jarcaicunatataj charircacuna?

  Respuesta

• ¿Yaya mamacunaca imamantataj Jehová Diospaj ayudata mashcana canguichij?

  Respuesta

• ¿Videopi ricurij yaya mamaca Jehová Dios ayudachunca imatataj rurarcacuna?

  Respuesta