Churi-wawaykichik yachayniyuq kaspa Diospa allin qawasqan kananpaqqa, yanapanaykichikmi huñunakuykunapi yachachikuykunata allinta uyarinankupaq. Chay huñunakuykunapi qawasqan, uyarisqan hinaspa rimarisqankuman yanapanqa Jehova Diosmanta astawan yachananpaq hinaspa paywan kuyachikunanpaq (Dt 31:​12, 13). Hinaspapas, ¿imaynataraqmi yanapawaqchik churi-wawaykichikkunata huñunakuykunapi astawan yachanankupaq?

• Kallpanchakuyá sapa huñunakuypi huñunakuna wasiman rinaykipaq (Sl 22:22).

• Churi-wawaykichikkuna iñiqmasinchikkunawan hukllawakunanpaqqa tiempowanyá huñunakuyninchikkunaman riychik, huñunakuy tukuruptinpas amayá chayllaqa kutikuychikchu (Heb 10:25).

• Tayta-mamakuna huñunakuyninchikpi yachanapaq qillqanchikkunaqa llapaykichikpaqmi kanan papelpi, celularpi utaq tabletpi kaspapas.

• Yanapaychik churi-wawaykichikkuna huñunakuykunapi kikinkumanta rimarinankupaq (Mt 21:​15, 16).

• Allintayá rimay huñunakuykunamantawan chaypi yachachikuykunamanta.

• Churi-wawaykichiktayá yanapaychik huñunakuna wasita pichanankupaq hinaspapas niychiktaqyá yuyaq iñiqmasinchikkunawan rimanankupaq.

Taytakuna, churikichik Diosman sunqu kananpaq yanapayqa manam facilchu. Chayraykum hukmanyasqa, preocupasqa tarikunkichik. Chayna tarikuptikichikqa Jehova Diosmi yanapasunkichik, amayá chaymantaqa iskayrayaychikchu (Is 40:29).

TAYTA-MAMAKUNA JEHOVA DIOSMI KALLPATA QUSUNKICHIK, SUTIYUQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imakunatam manaña ruwayta atirqakuñachu Miguelwan Lidiaqa pisipasqa kasqankurayku?

  Qillqanapaq

• ¿Imanasqataq tayta-mamakunaqa Jehova Diosta mañakunanku hinalla kallpata qunanpaq?

  Qillqanapaq

• ¿Imatam ruwarqaku Miguelwan Lidiaqa Jehova Diospi hapipakunankupaq?

  Qillqanapaq