Juñunakuyninchiskunan wawakunataqa yanapan aswan yachayniyoq kanankupaq. Juñunakuypi imachus rikusqanku, imachus uyarisqanku, tapuykunaman kutichisqanku iman paykunataqa yanapan Jehová Diosta astawan reqsinankupaq, paywan amigontin kanankupaq ima (Deut. 31:​12, 13). Ichaqa tayta-mamakuna, ¿imakunatan ruwawaqchis juñunakuykuna wawaykichista astawan yanapananpaq?

• Tukuy atisqaykichista kallpachakuychis juñunakuna wasiman rinaykichispaq (Sal. 22:22).

• Tukuy atisqaykichista ruwaychis manaraq juñunakuy qallarishaqtin otaq juñunakuy tukuytapas wawaykichiskuna hermanokunawan rimanankupaq (Heb. 10:25).

• Juñunakuypi ima qelqakunatachus estudiakushan chaytan sapankaykichis jap’inaykichis, chayqa kanman celularpi otaq papelpi.

• Manaraq juñunakuyman rishaspa wawaykichista yanapaychis entiendesqankuman jinalla tapuykunaman kutichinankupaq (Mat. 21:​15, 16).

• Sumaqtan juñunakuykunamanta chaypi yachachikusqanmantapas rimanaykichis.

• Wawaykichista yachachiychis juñunakuna wasi pichaypi yanapakuyta. Chaymantapas kallpachaychis kuraq hermanokunawan rimanankupaq.

Tayta-mamakuna, yaqapaschá wawaykichis Dioswan amigontin kanankupaq imaymana ruwanaykichista yachaspa mana atinaykichispaq jina qhawarikuwaqchis. Ichaqa manan sapallaykichischu kashankichis, Jehová Diosmi yanapasunkichis (Isa. 40:29).

TAYTA-MAMAKUNA, JEHOVÁ DIOSPI CONFIAYCHIS PAYMI KALLPATA QOSUNKICHIS NISQA VIDEOTA QHAWASPA, KAY TAPUYKUNATA KUTICHIY:

• ¿Imakunatan Miguelpas Lidiapas manaña ruwayta atisharqankuñachu sayk’usqa kasqankurayku?

  Kutichiy:

• ¿Imaraykun tayta-mamakuna Diospa yanapayninta mañakunanku?

  Kutichiy:

• ¿Imatan Miguelpas Lidiapas ruwarqanku Jehová Dioswan yanapachikunankupaq?

  Kutichiy: