Taitamamacuna, quiquingunapa huahuacuna Jehovapa ali yachaita charichunga reuniongunapi ali yachajuchun ayudapaichi. Huahuacuna reuniongunapi huauquipanicunata ricushpa, uyashpa paicunallata comentashpami Jehová Diosmanda ashtahuan yachajushpa paihuan ali amigopash tucuita ushanga (Dt 31:​12, 13). Shinapash, huahuacuna reuniongunapi ali yachajuchunga ¿imashinata ayudaita ushapangui?

• Reuniongunaman en persona ringapaj esforzaripangui (Sl 22:22).

• Quiquinba huahuacuna reunión nara callarijpillata, reunión jipapash huauquipanicunahuan parlashpa tiempoguta yalichun ricuriapangui (Heb 10:25).

• Familiapi tucuicunallata tandanajuipi yachajuna publicaciongunata charichun ayudapangui.

• Quiquingunapa huahuacuna paicunapa propio shimicunapillata comentachun ayudapangui (Mt 21:​15, 16).

• Reunionguna y chaipi yachachishcacuna imamanda ali cashcata siempre parlapangui.

• Quiquingunapa huahuacuna Salón del Reinopi limpiezata rurashpa ayudachun y mayorlla huauquipanicunahuan parlachun ayudapangui.

Taitamamacunaca, huahuacuna Jehová Dioshuan ali amigo cachun ayudangapaca ashtaca cosascunatami rurana capanguichi. Chaita ruranapi pensarishpallatami talvez ninan estresado o preocupado sintiripanguichi. Shinapash Jehová quiquingunata ayudanataca seguromi caita ushapanguichi (Is 40:29).

TAITAMAMACUNA QUIQUINGUNAMANGA JEHOVÁ DIOSMI FUERZATA CARASHPA AYUDANGA NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Miguel y Lidia, shaijushca sintirinajushcamandaca ¿imata pasajurca?

  Respuesta

• ¿Imamandata taitamamacunaca Jehová Dios fuerzata carachun mañana can?

  Respuesta

• Jehová Diospi confiangapaca Miguel y Lidiaca ¿imatata rurarca?

  Respuesta