E daj o dad kamen, kaj lengere čhave te dochuden le Devleskeri goďi. Nekfeder, so šaj keren, hin, hoj phirena le čhavenca pre dojekh zhromažďeňe a pomožinena lenge, kaj olestar te dochuden so nekbuter. Oda, so o čhave dikhen, šunen the phenen andro komentara, lenge pomožinela te sprindžarel le Jehovas a te ačhen leskere lačhe prjaťeľa. (5Mo 31:12, 13) Te sal daj, dad, sar pomožineha tire čhavenge te dochudel so nekbuter olestar, so hin pro zhromažďeňe?

• Keren sa, kaj te na en pripojimen ča kheral, aľe te aven pre dojekh zhromažďeňe andro kher, kaj pes zdžas. (Ža 22:22)

• Aven sigeder pro zhromažďeňe the na džan sig het. Avka šaj en buter le phralenca pheňenca. (Heb 10:25)

• Sakones andre fameľija mi en o publikaciji, save pes rozkidena pro zhromažďeňe. Šaj en andro tabletos, mobilos abo vitlačimen.

• Pomožinen le čhavorenge te odphenel peskere lavenca. (Mat 21:15, 16)

• Vakeren šukares pal o zhromažďeňa the pal oda, so odoj sikhľuvas.

• Ľidžan le čhavoren ke oda, kaj te pomožinen te pratinel pal o zhromažďeňe the kaj te na daran te vakerel le phralenca the pheňenca, so hine andro berša.

Nane oda lokes, te pomožinel le čhavenge, kaj te ačhen lačhe prjaťeľa le Jehovaha. Varekana šaj peske mišľinen, hoj nane tumen pre ada zor. Aľe na bisteren, hoj o Jehovas hin andre oda tumenca. (Iz 40:29)

DIKHEN O VIDEJO DAJALE DADALE, MUKHEN TUMEN PRO JEHOVAS THE PRE LESKERI ZOR A PAĽIS VAKEREN JEKHETANE:

• O phral la pheňaha na birinenas. Ke soste oda ľidžalas?

  Sar odpheneha

• Soske le dajenge dadenge kampel te mukhel pes pro Jehovas?

  Sar odpheneha

• Sar o Zack the e Leah sikade, hoj pes mukhen pro Jehovas?

  Sar odpheneha