Jekh taro najšukar načinija sar šaj o roditelija te pomožinen pumare čhavenge te ovel len i mudrost taro Devel tano agjaar so ka pomožinen lenge te ovel len korist taro sostanokija. Adava so dikhena hem šunena ko sostanokija hem adava so vakerena ko pumare komentarija šaj te pomožinel lenge te sikljoven bašo Jehova hem te oven lea paše amala (5Mo 31:12, 13). Ako sian roditeli, sar šaj te pomožine tle čhavenge te ovel len kobor so šaj pobari korist taro sostanokija?

• De tutar sa te ove prisutno ko sostanokija ki dvorana (Ps 22:22).

• Odvojn vreme te kere lafi hem te ohrabrine tut e phralencar hem e phenjencar angleder hem palo sostanokija ki dvorana (Ev 10:25).

• Sekole tari familija neka ovel le plo primerok taro publikacie kola so proučinena pe ko sostanokija, bizi razlika dali ko pečatimo ili ko elektronsko formati.

• Pomožin tle čhavenge te spreminen komentari ple lafencar (Mt 21:15, 16).

• Ker pozitivno lafi bašo sostanokija hem bašo upatstvija so dobinaja len ki lende.

• Pomožin tle čhavenge te učestvujnen keda čistinela pe i dvorana, a isto agjaar te keren lafi e pophure phralencar hem phenjencar taro sobranie.

Valjani but te trudine tut te šaj tle čhavenge te pomožine te oven paše e Jehovaja. Ama, ponekogaš šaj ka misline kaj nane tut dovolno sila bašo adava. Sepak, šaj te ove sigurno kaj o Jehova ka pomožinel tuke (Isa 40:29).

DIKH O KLIPI SAR RODITELIJA, SIKAVEN DOVERBA KO JEHOVA HEM OV KA DEL TUMEN SILA, A PALO ADAVA ODGOVORIN KO AKALA PUČIBA:

• Sar o umor vlijajngja upro Zak hem i Lija?

  Tlo odgovor

• Soske o roditelija valjani te roden sila taro Jehova?

  Tlo odgovor

• Sar o Zak hem i Lija sikavgje doverba ko Jehova?

  Tlo odgovor