О дада тай о дая ащи те помагинен пе чшавенге те керен о букя, колато сикльовен таро Йехова, като помагинен ленге те сикльовен по-бут букя таро събрания. О букя, колато о терне шунен тай дикхен ко събрания тай о букя, колато пхенен, кана ден отговоря, ащи те помагинен ленге те сикльовен е Йеховаске тай те ачшовен лачше амала леса. (Вт 31:12, 13) Ако синян дад или дай, сар ащи те помагинес те чшавеске те сикльовел по-бут букя таро събрания?

• Де всичко тутар, за те жан ко събрания на живо (Пс 22:22)

• Дикхен те жан ко събрания хари по-рано тай те на сигярен те жан туменге веднага, за те ащи те хоратинен е пхраленца тай е пхениенца (Ев 10:25)

• Дикх секо йекх таро семейство те лел песке или те ухлявел песке о лила, колато изучинен пес ко събрание

• Помагине те чшавеске те подготвинел отговори за ко събрание, ковато те пхенел пере думенца (Мт 21:15, 16)

• Хоратине шукар букя е събраниенге тай е букиенге, колато сикльовас ленде

• Помагине те чшавенге он-да те помагинен, кана чистинел пес и Зала е Царствоскери тай те хоратинен е по-пхуре пхраленца тай пхениенца

За те помагинес те чшавенге те ачшовен лачше амала е Йеховаса, требе те дес всичко тутар, тай подекхана ащи те мислинес, кай нанай те справинес тут. Ама ащи те овес сигурно, кай о Йехова ка помагинел туке. (Иса 40:29)

ДИКХ О КЛИПИ „РОДИТЕЛИ, РАЗЧИТАЙТЕ НА ЙЕХОВА ЗА СИЛИ“ ТАЙ ОТГОВОРИНЕ КАЛКЕ ВЪПРОСИЕНГЕ:

• Со ачшило е ромеса тай е ромняса, ашал далкхеске кай сине бут измориме?

  То отговори

• Соске о дада тай о дая требе те молинен е Йеховас те дел лен силес?

  То отговори

• Сар о Зак тай и Лия мукле пес е Йеховаске андо васта?

  То отговори