Εκ κατά πο λατσσέ τρόπους για τι τθερέν ο τσσαβέ ι σοφία ι Ντεβλέσκι ισί κάνα ο νταντά ντα ο νταγιά βοηθίνενα-λεν τι ωφελίντιβεν κατά συναθροίσεις. Οντουλά σο ντικχένα ντα ασουνένα ο τσσαβέ κο συναθροίσεις ντα επίσης ο απαντήσεις σο ντένα μπορίνενα τι βοηθίνεν-λεν τι σικλιόν ι Ιεχωβάσκε ντα τι αβέν λατσσέ αμαλά λέσαρ. (Δευ 31:​12, 13) Άμα τθερένα τσσαβέν, σαρ μπορίνενα τι βοηθίνεν-λεν τι ωφελίντιβεν καζόμ πο μπουτ αβέλα-πες κατά συναθροίσεις;

• Κερέν σο νακχέλα τουμαρέ βαστένταρ για τι παρακολουθίνεν ο συναθροίσεις πασάλ.​—Ψλ 22:22

• Κερέν παρέα ι πφραλέντζαρ ντα ι πφενίντζαρ κι Αίθουσα Βασιλείας πριν ή σοράν κατά συναθροίσεις.​—Εβρ 10:25

• Τι αβέν σίγουροι ότι σαρέ κι φαμιλί τθερένα ο έντυπα σο διαβάνασα κι συνάθροιση, είτε κι ηλεκτρονική συσκευή είτε τυπωμέ

• Βοηθίνεν τουμαρέ τσσαβές ή τσσαγιά τι ετοιμάνελ εκ απάντηση ντα τι βακερέλ-λα πιρέ λαφίντζαρ.​—Ματ 21:​15, 16

• Τι βακερέν λατσσέ πράγματα ι συναθροισιένγκε ντα οντουλένγκε σο σικλιόνα οτθέ

• Βοηθίνεν τουμαρέ τσσαβέν τι κερέν καθαριότητα κι Αίθουσα Βασιλείας ντα τι κερέν λάφι ι πφουρέντζαρ κι κχανγκιρί

Ισί μπουτ δύσκολος ντα μπάζιμα κχινιόνα καζόμ βοηθίνενα τουμαρέ τσσαβέν τι πλησιάνεν ι Ιεχωβάς. Όμως μπορίνενα τι αβέν σίγουροι ότι ο Ιεχωβά κα βοηθίνελ-τουμέν.​—Ησ 40:29.

ΝΤΙΚΧΕΝ Ο ΒΙΝΤΕΟΣ ΝΤΑΝΤΑΛΕΝ ΝΤΑ ΝΤΑΓΙΑΛΕΝ, ΤΙ ΣΤΗΡΙΝΤΙΒΕΝ ΚΟ ΙΕΧΩΒΑ ΝΤΑ ΛΕΣΚΕ ΖΟΡΙΑΤΕ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ επηρεασάλε ο Ζακ ντα η Λία επειδή ισινέ κχινέ;

  Τι απάντηση

• Σόσκε ο νταντά ντα ο νταγιά πρέπει τι στηρίντιβεν κο Ιεχωβά για τι λεν ζορ;

  Τι απάντηση

• Καλέ τροπόντζαρ στηρίντιβενας κο Ιεχωβά ο Ζακ ντα Λία για τι ντεν-λεν πέρα;

  Τι απάντηση