Odikyɛ awofoɛ boka bɛ mmamɔ maa bɛfa Bible nu dwirɛ bɛyɛ adwuma, kyɛbɔ ɔkɔyɛ a bekonwu nworɛ ɔ. Nikyee kõ bɔ ɔkɔboka bɛ yeɛ ole asafo nhyiamu. Sɛ ngwalaa kɔ asafo nhyiamu a, edwirɛ bɔ bɛte, bɔ benwu ye wɔ berɛ, ɔne mmuayɛɛ bɔ bɛma ne, ɔboka bɛ maa besũa Yehowa nwo nikye, na bɛfa ye adamvoa. (Deu 31:​12, 13) Yede, ɛkɔyɛ sɛɛ na aboka wɔ mmamɔ, na bɛkɔ asafo nhyiamu a basũa nningyein pẽe wɔ berɛ?

• Bɔ mmɔden kɔ asafo nhyiamu wɔ Ahennie Asa so.—Edw 22:22

• Ɛne aliemaamɔ bɔ ngɔmmɔ kora na bahyɛ adesũa bo, na ɛmɔ pɔnõ koso a, yɛ sɔ ala.—Heb 10:25

• Nwomaa bɔ yesũa ye wɔ asafo nhyiamu bo ne, nea kyɛ ngwalaa nemɔ nu biala le bie

• Boka ɛwa ne ma ɔfa ye bɔbɔ ye dwirɛ ɔma mmuayɛɛ. —Mat 21:​15, 16

• Má wɔ mmamɔ nwu kyɛ wɔnye gye asafo nhyiamu, ɔne nningyein bɔ yesũa ye wɔ berɛ nanwo

• Sɛ besiesie Ahennie Asa so a, boka wɔ mma nemɔ ma bɛyɛ bie. Afei bɛbɔ b’afoɛ ahɔ anyunu ne koso, má bɛne bɛbɔ ngɔmmɔ

Ɔllase koraa kyɛ ɛkɔboka wɔ mmamɔ maa bɛkɔfa Yehowa adamvoa ɔ, nakoso nya gyidie kyɛ Yehowa kɔboka wɔ. —Yes 40:29.

NEA VIDIO BƆ YEƐ OLE, AWOFOƐ, ƐMƆFA ƐMƆ NWO BƐTO YEHOWA SO, NA YE NZƐMMISA HEMƆ NOA:

• Ɔhaw beni yeɛ ɔɔtɔle Zack ne Leah so ɔ?

  Tworɔ wɔ mmuayɛɛ ne wura wa

• Nzuati yeɛ odikyɛ awofoɛ pena mmokalɛ fi Yehowa berɛ ɔ?

  Tworɔ wɔ mmuayɛɛ ne wura wa

• Zack ne Leah fale bɛnwo bɛtole Yehowa so ne, sɛɛ yeɛ ɔbokale bɛ ɔ?

  Tworɔ wɔ mmuayɛɛ ne wura wa