Tena hanampy ty anany hana fahendrea baka amy Ndranahary ty ray aman-dreny laha manampy an-drozy handramby soa amy fivoria. Hanampy ani-ajà reo hahay mikasiky ani-Jehovah noho ho namany ty raha hitany, reny, noho ty valin-teny ameany am-pivoria any. (De 31:​12, 13) Laha ray aman-dreny iha, akory ty azonao anampea ty anakinao handramby soa amy fivoria?

• Miezaha hanatriky fivoria mivanta.—Sl 22:22

• Mifampahereza amy rahalahy noho anabavy reo aloha na afarani-fivoria.—He 10:25

• Anovo azo antoky hoe mana fitaova ianara am-pivoria any nareo kiraidraiky, na vita pirinty zay na elektroniky

• Ampeo ty anakinao mba hanoma valin-teny amy fivolanany.—Mt 21:​15, 16

• Resaho ty raha mampahery tam-pivoria any noho ty raha nianaranao tany

• Ampeo ty anakinao mba handramby anjara amy fanadiova Efitrano Fanjakà noho hiresaky amy rahalahy noho anabavy be tao amy fiangona eo

Tsy mora ty hoe manampy ty anakinao hifandramby marìny amy Jehovah sady atao raha tsy ho vita raha zay kindraiky. Fe afaky matoky iha fa hanampy anao Jehovah.—Isa 40:29.

HENTEO TY VIDEO HOE NAREO BABA NOHO RENY: MIANTEHERA AMY JEHOVAH NOHO TY HERINY, BAKEO VALEO FANONTANEA RETOA:

• Ino ty vokany lafa nivozaky Haja noho Lea?

  Valin-teninao

• Manino ty ray aman-dreny ro tokony hangataky hery baka amy Jehovah?

  Valin-teninao

• Tena nanampy ani-Haja noho Lea ty fiantehera amy Jehovah. Ino iaby ty nataon-drozy?

  Valin-teninao