WI KRESTEN LIBI
Papa nanga mama—Yepi den pikin fu yu fu fiti san den e leri fu Yehovah
Wan fu den moro bun fasi fa papa nanga mama kan yepi den pikin fu den fu fiti den sani di den e leri fu Yehovah, na te den e yepi den fu kisi wini fu den Kresten konmakandra. Den sani di den pikin e si èn e yere na den konmakandra èn den piki di den e gi, kan yepi den fu leri sabi Yehovah èn fu tron wan bun mati fu en (De 31:12, 13). Efu yu na wan papa noso mama, dan fa yu kan yepi yu pikin fu leri moro na den konmakandra?
-
Du ala san yu man fu go na den konmakandra na ini a Kownukondre zaal.—Ps 22:22
-
Meki ten fu taki nanga den brada nanga sisa ini a Kownukondre zaal fu gi den deki-ati. Yu kan du disi fosi a konmakandra noso baka a konmakandra.—Heb 10:25
-
Sorgu taki ibri sma fu yu osofamiri abi den publikâsi di wi e studeri na a konmakandra. Disi kan de tapu cel noso tablet, noso wan papirawan
-
Yepi yu pikin fu sreka wan piki nanga en eigi wortu.—Mt 21:15, 16
-
Taki bun fu den konmakandra nanga den sani di wi e leri drape
-
Yepi yu pikin fu teki prati te unu e krin a Kownukondre zaal èn yepi den taki nanga owru brada nanga sisa fu a gemeente
Papa nanga mama musu du furu muiti fu yepi den pikin fu tron bun mati fu Yehovah. Son leisi a kan gersi leki a sani disi muilek tumusi. Ma unu kan de seiker taki Yehovah o yepi unu.—Yes 40:29.
LUKU A FELEM PAPA NANGA MAMA, FRUTROW TAPU YEHOVAH DI E MEKI UNU KON TRANGA. BAKA DATI PIKI DEN AKSI DISI:
-
Sortu krakti a weri di Zack nanga Leah ben e weri ben abi tapu den?
-
Fu san ede papa nanga mama musu suku krakti na Yehovah?
-
Fa Zack nanga Leah sori taki den e frutrow tapu Yehovah?
