Lenye indlela lekahle batali labangasita ngayo bantfwana babo kutsi batfole kuhlakanipha lokuvela kuNkulunkulu, kutsi babasite bazuze emihlanganweni yebuKhristu. Loko bantfwana labakubonako, labakuvako kanye nalabakushoko nabaphendvula emihlanganweni kungabasita kutsi bafundze ngaJehova baphindze babe bangani bakhe. (Dut 31:12, 13) Nangabe ungumtali, ungamsita njani umntfwanakho kutsi azuze ngalokugcwele emihlanganweni?

• Yenta konkhe lokusemandleni akho kutsi ube khona eHholweni leMbuso.​—Hl 22:22

• Ciniseka kutsi ucitsa sikhatsi nebazalwane nabodzadze eHholweni leMbuso ngaphambi kwekutsi kucale umhlangano nangemva kwawo.​—Heb 10:25

• Ciniseka kutsi lilunga ngalinye lemndeni linato tincwadzi letifundvwako emhlanganweni, kungaba nguletisentfweni yebuchwephesha nobe letishicilelwe

• Sita umntfwanakho kutsi alungiselele imphendvulo ngemavi akhe.​—Mat 21:15, 16

• Khuluma kahle ngemihlangano kanye naloko lesikufundzako kuyo

• Sita bantfwana bakho kutsi babe nencenye emisebentini leyentiwako, njengekuhlanta liHholwa leMbuso kanye nekucoca nebazalwane nabodzadze lasebakhulile

Kusita bantfwana bakho kutsi basondzelane naJehova kudzinga kutikhandla futsi kungahle kube matima ngaletinye tikhatsi. Nobe kunjalo, ungaciniseka kutsi Jehova utakusita.​—Isa 40:29.

BUKELANI I-VIDEO LETSI BATALI, YETSEMBELANI KUJEHOVA KANYE NASEMANDLENI AKHE, BESE NIPHENDVULA LEMIBUTO LELANDZELAKO:

• Kuhlala bakhatsele kwabatsintsa njani boZack naLeah?

  Your answer

• Kungani batali kufanele bacele Jehova kutsi abaphe emandla?

  Your answer

• Ngutiphi tindlela boZack naLeah labatsembele ngato kuJehova kute abasite?

  Your answer