BUIKAZI BWA MUKRISTU
Mwe Baviazi—Bakwasie Baana Beenu Baaluke ni Mulangue Ufumine Kuli Leeza
Kubakwasia baana banoonkelemo mu kulonghaana kwa Kikristu, i nzila imo pakati ka nzila iweeme saana ya kubakwasia baana bapate mulangue ufumine kuli Leeza. Beelia bili byamona balumendo ni bakaziana, kunvua ni kwasukapo ku kulonghaana, kunti byabakwasia basambilile palwakue Yehova ni kwaluka babibuza bakue ba peepi. (Mal Miz 31:12, 13) Kine uli muviazi, kunti wakita ki eevi umukwasie muana obe apatilemo saana faida mu kulonghaana?
-
Kita saana maka eevi uye waya ku kulonghaana ku Nsesi ya Bukolo.—Malum 22:22
-
Uye wapisia musita pamo ni balupua ni bankazi bobe ku Nsesi ya Bukolo mwakoseleziana, ntaanzi ni kisia kulonghaana.—Baeb 10:25
-
Sininkizia nangue kila muntu mu lupua lobe ali ni mpapulo ya kusambililamo ku kulonghaana, iye yali ya kielektronike ao ya mapapie
-
Mukwasie muana obe ateanie kyasuko eevi aye aasukepo mu milandu yakue muine.—Mat 21:15, 16
-
Landa bintu biweeme palua kulonghaana ni masambilizio aweeme auli wapata ku kulonghaana
-
Bakwasie baana bobe baye bakwasiako kukita busaka ku Nsesi ya Bukolo ni kuya balanziana ni bantu bakotele ba mu kilonghaano
Kubakwasia baana bobe bamupalame Yehova, ni miilo ikata kabili nsita inge kunti yamoneka kuya yatopiizie. Inzi, uye wali ni kisinka nangue Yehova wakaba kukukwasia.—Is 40:29.
MONE VIIDEO ILANDILE MWE BAVIAZI, MUSWAPILE YEHOVA NI MAKA AKUE. KISIA, ASUKE BIIPUZIO BILI PAAPA PENSINA:
-
Kutopa kwaalengiizie ba Zack ni Leah bakite ki?
-
Juu ya ki baviazi bapalile kumuloomba Yehova abakwasie?
-
Ba Zack ni Leah baalangiliile siani nangue baamuswapiile Yehova abakwasie kusuunga baana?
