TORÜ MAÜ̃ I CRISTURÜÜ̃ IĨÜ̃
Papagü rü mamagü peacügüü̃ perüngü̃ẽẽ na nanayaugüü̃caꞌ i Yeuwaarü cuaꞌ
Wüi nacüma i meü̃ na papagü rü mamagü naacügüü̃ narüngü̃ẽẽ na nüü̃́ ngẽmagüü̃caꞌ i Tupanaarü cuaꞌ rü nanaweꞌ na nhuãcü meã nayoniẽ i torü ngutaqueꞌegü niĩ. Guü̃ma i taꞌacü i ngetüꞌü̃gü rü paü̃gü nüü̃ taĩnüẽ, nüü̃ tadaugü rü inaunagüü̃ i ngutaqueꞌegüwa rü wüi nacüma niĩ na yeera Yeuwatchigaü̃ tacuaꞌgüü̃ rü namaã taãmücügüü̃. (Deut 31:12, 13) Tchi cuma papa rüeꞌna mama quiĩgu, nhuãcü cuacüü̃ rüngü̃ẽẽ na meã nayoniẽü̃caꞌ i ngutaqueꞌegü?
-
Cugü naporaẽẽ na ngutaqueꞌepataü̃wa cuũü̃caꞌ. — Sal 22:22
-
Ínaüütchi i tempu naü̃pa rüeꞌna nawena i ngutaqueꞌe na taenegümaã quideaü̃caꞌ. — Ebr 10:25
-
Nüna naã a wüitchigü i cupatacü̃ãꞌ wüi poperagü i ngutaqueꞌecaꞌ.
-
Cuacüü̃ rüngü̃ẽẽ na nanameẽẽü̃caꞌ i wüi unagü i norütama i deamaã. — Mat 21:15, 16
-
Meã natchiga idea i torü ngutaqueꞌegü rü norü nguꞌẽẽtaegü.
-
Rü cuacügüü̃ nataãẽẽẽ na ínanapiü̃caꞌ i ngutaqueꞌepataü̃ rü namaã nideaü̃caꞌ i taenegü i yaẽ.
Peacügüü̃ perüngü̃ẽẽ na Yeuwamaã naãmücügüü̃caꞌ tama natautcha rü nhuguãcü nagu perüĩnüẽ na natauma i pora na ngẽma peügüü̃caꞌ. Notürü, Yeuwa peü̃ narüngü̃ẽẽ tá. — Isa 40:29
NÜÜ̃ NADAU I VÍDEO: PAPAGÜ RÜ MAMAGÜ NAGU PEYAÕGÜÜ̃ I YEUWA RÜ NORÜ PORA. YICAMA NANGÃÜ̃:
-
Nhaa vídeowa, taene rü taeya nipaü̃tchi. Nhuãcü ngẽma rü nüü̃ nanagutchaü̃ẽẽ?
-
Tüꞌcüü̃ papagü rü mamagü nawaꞌe Yeuwaarü ngü̃ẽẽcaꞌ nacagü?
-
Nhuãcü taene rü taeya vídeowa Yeuwagu nayaõgü rü meãma nayanguẽẽ i papaarü rü mamaarü puracü?