ወለዲ፡ ደቆም ኣምላኻዊ ጥበብ ምእንቲ ኺረኽቡ ዚሕግዙሉ ሓደ ብሉጽ መገዲ፡ ካብ ክርስትያናዊ ኣኼባታት ኪጥቀሙ ብምግባር እዩ። መንእሰያት ዚርእይዎ፡ ዚሰምዕዎ፡ ኣብ ኣኼባታት ዚህብዎ ሓሳባት ብዛዕባ የሆዋ ኺፈልጡን ናይ ቀረባ ፈተውቱ ኪዀኑን ኪሕግዞም ይኽእል እዩ። (ዘዳ 31:12, 13) ወላዲ እንተ ዄንካ፡ ውሉድካ ኻብ ኣኼባታት ብዝያዳ ምእንቲ ኺጥቀም፡ ብኸመይ ክትሕግዞ ትኽእል፧

• ኣብ ኣኼባታት ብኣካል ክትእከብ ልባዊ ጻዕሪ ግበር።—መዝ 22:22

• ቅድሚ ኣኼባን ድሕር ኣኼባን ምስ ኣሕዋትካን ኣሓትካን ኣብ ኣዳራሽ መንግስቲ ኣምላኽ ግዜ ኣሕልፍ።—እብ 10:25

• ነፍሲ ወከፍ ኣባል ስድራ ቤትካ፡ ኣብ ጉባኤ ዚጽናዕ ዲጂታዊ ወይ ብወረቐት እተሓትመ ሕታም ከም ዘለዎ ኣረጋግጽ

• ንውሉድካ ብናይ ርእሱ ኣበሃህላ ሓሳብ ኪህብ ኣዳልዎ።—ማቴ 21:15, 16

• ብዛዕባ ኣኼባታትን ብዛዕባ እቲ ኻብኡ ዚርከብ ትምህርትን ብኣወንታ ተዛረብ

• ንደቅኻ ኣብ ጽሬት ኣዳራሽ መንግስቲ ኣምላኽ ኪካፈሉን ብዕድመ ምስ ዝደፍኡ ኣብ ጉባኤ ምስ ዘለዉ ኼዕልሉን ሓግዞም

ንደቅኻ ናብ የሆዋ ኪቐርቡ ምሕጋዝ ብዙሕ ጻዕሪ ኺሓትት ይኽእል እዩ፣ ሓድሓደ ግዜ ዓቕምኻ ዚጽንቅቕ ኪኸውን ይኽእል እዩ። እንተዀነ ግና፡ የሆዋ ኸም ዚሕግዘካ ርግጸኛ ኽትከውን ትኽእል ኢኻ።—ኢሳ 40:29።

ነታ ከም ወላዲ መጠን፡ ኣብ የሆዋን ኣብ ብርታዐኡን ተወከል ዘርእስታ ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• ንዛክን ንሊያን ሓይሎም ኪጽንቀቕ ዝገበሮም እንታይ እዩ፧

  መልስኻ

• ወለዲ ብርታዐ ንምርካብ ኣብ የሆዋ ኺውከሉ ዘለዎም ስለምንታይ እዮም፧

  መልስኻ

• ዛክን ሊያን ሓገዝ ንምርካብ በየናይ መገዲ እዮም ኣብ የሆዋ ተወኪሎም፧

  መልስኻ