Gbenda u vesen u mbamaren vea fatyô u wasen ônov vev u zuan a kwaghfan u a dugh hen Aôndo la yô, ka u wasen ve sha er vea hen akaa a injaa shighe u ve ze mkombo u Mbakristu yô. Kwagh u mbayev ve nengen shin ve ungwan shin ve ôron shighe u ve lu nan ikyar ken mkombo la ka a wase ve u fan kwagh u Yehova shi ve ya ijende a na kôôsôô kpaa. (Dut 31:12, 13) Aluer u ngu ormaren yô, ka nyi u er ve u wase wan wou nana hemba henen akaa a injaa ken mbamkombo?

• Nôngo kpoghuloo zaan mkombo ken Iyou i Tartor.—Ps 22:22

• Cii man mkombo a hii yô, tôô shighe lam a anmgbianev mba nomso man mba kasev gayô er nahan shighe u i dugh la.—Heb 10:25

• Nôngo hanma or u hen tsombor wou nana lu a kôpi u takeda u i lu henen la, a lu sha anar kpaa

• Wase wanye wou nana hen u nan mlumun ken mkaanem ma nan.—Mt 21:15, 16

• Ôron akaa a doon sha kwagh u mbamkombo shi lamen sha akaa a dedoo a u hen ker la kpaa

• Tese mbayev ou u sôron Iyou i Tartor shi ve lamen a anmgbianev mba ken tiônnongo mba ve ze ayange la

Gba u u er tom kpoghuloo ve u wase mbayev ou vea kporom ikyua a Yehova ye, man kwagh ne ka tom u kiriki ga cii. Nahan kpa, lu a vangertiôr wer Yehova una wase u.—Yes 40:29.

NENGE VIDIO I NE MBAMAREN, SUUR NEN SHA YEHOVA MAN SHA AGEE A NA LA, MAA NA MLUMUN SHA MBAMPIN MBA VE DONDO NE:

• Yange tume Zack man Leah iyol nahan lu nyi i due kere?

  Mlumun wou

• Doo u mbamaren vea suur sha Yehova ér a na ve agee sha ci u nyi?

  Mlumun wou

• Ka sha igbenda i nyi nahan Zack man Leah ve suur sha Yehova ér a wase ve?

  Mlumun wou