Nthowa yimoza yo apapi angawovye ŵana ŵawu kuti aje ndi zeru zakutuliya kwaku Chiuta, nkhuŵawovya kuti ayanduwengi ndi maunganu ngachikhristu. Vo ŵana awona, kuvwa kweniso kumuka pa maunganu, vingaŵawovya kusambira vaku Yehova ndipu angaja nayu pa ubwezi wakukho. (Dt 31:12, 13) Asani ndimwi mupapi, kumbi mungamuwovya wuli mwana winu kuti wayanduwengi ndi maunganu?

• Muyesesengi kusanirika ku maunganu.​—Sl 22:22

• Muchezengi ndi abali ndi azichi pa Nyumba ya Ufumu maunganu ngechendayambi kweniso asani ngamala.​—Ah 10:25

• Muwonesesengi kuti weyosi pa banja linu we ndi mabuku ngo mugwiriskiya ntchitu pakusambira kumaunganu kwali ngakuchita kusindikiza pamwenga pavipangizu va mazuŵa nganu

• Muwovyengi ŵana ŵinu kunozgeke ndemanga kuti akamuki mu mazu ngawu ndi ngawu.—Mt 21:15, 16

• Mukambengi vinthu vamampha vakukwaskana ndi maunganu kweniso fundu zo tisambira ku maunganu

• Wovyani ŵana ŵinu kuti agwirengeku ntchitu zinyaki, nge kutowesa pa Nyumba ya Ufumu kweniso kuti akambiskanengi ndi abali ndi azichi akukota mumpingu

Mukhumbika phamphu kuti muwovyi ŵana ŵinu kuti aje paubwezi wakukho ndi Yehova chinanga kuti nyengu zinyaki ndi ntchitu yikulu. Kweni mukhumbika kuthemba Yehova kuti wakuwovyeni.—Yes 40:29.

WONERIYANI VIDIYO YAKUTI APAPI, MUTHEMBENGI YEHOVA KWENISO NTHAZI ZAKI, NDIPU MUKANI MAFUMBU YANGA:

• Kumbi kuvuka kunguchitiska kuti Zack ndi Leah akumani ndi suzgu wuli?

  Your answer

• Ntchifukwa wuli apapi akhumbika kupempha Yehova kuti waŵapaski nthazi?

  Your answer

• Kumbi ndi vinthu wuli vo vilongo kuti Zack ndi Leah athembanga Yehova kuti waŵawovyi?

  Your answer