Mweyo nya dzindziya edzi vavelegi va nga phasago khidzo sanana sawe gu mana guti ga Nungungulu khu gu si kutsa gu phasega khu mitshangano nya Wukristo. Esi vaphya va si wonago, gu sipwa ni mihlamulo va yi ningeyago mitshanganoni si nga va phasa gu hevbula nya singi khu Jehovha ni gu khala dzipari dzaye. (Dhet 31:12, 13) Abari gu u muvelegi u nga phasa kharini sanana sagu gu phasega mitshanganoni?

• Gira satshavbo u si kodzago gasi u manega mitshanganoni. — Ndz 22:22

• Vbedza tepo ni vandriyathu Salawuni nya Mufumu, na yi si pheye mitshangano ni hwane nya gu ba yi vbede. — Heb 10:25

• Tiyisega gu khuwe vatshavbo drangani gwago, va na ni mabhuku gasi gu hevbula khayo mitshanganoni, gani khumo nya telefoni mwendro nyo ghandlwe

• Phasa gyanana gyago gasi gu donga gyabune mihlamulo mwendro gu donga mihlamulo khu gu thumisa malito yagyo — Mt 21:15, 16

• Ganeya gwadi khu mitshangano ni esi hi si hevbulago

• Phasa sanana sago gu patega umo nya mithumo nya nga gu agisa Salawu nya Mufumu ni gu bhula ni vandriyathu va dandridego khu tanga libandlani

Gu phasa sanana sago gu manega ni wupari nyo tiye ni Jehovha, so lomba gu dzi garadza ngudzu nigu dzimbe dzitepo si ngu vbedza tshivba. Ambari ulolo, u nga tiyisega gu khuwe Jehovha a na gu phasa. — Isa 40:29.

YEYEDZA VHIDHYU YI GU KHIYO VAVELEGI, TUMBANI JEHOVHA NI TSHIVBA YAYE, KHU GU LANDREYA GIRA SIWUDZISO SESI:

• Khu gu ba Zack ni Leah va garade si va kuhide kharini?

  Hlamulo wago

• Khu ginani vavelegi va yedego gu lomba tshivba ga Jehovha?

  Hlamulo wago

• Zack ni Leah va tumbide kharini Jehovha gasi va si kodza gu dugeleya?

  Hlamulo wago