Pulaktum tuku nakamakgtaya minkamanankan xlakata lakgskgalalan nawankgo kxlakatin Jehová, wa komo nakamakgtayayatit xlakata nalitamakgtayakgo tamakxtumit. Tuku akxilhkgo ktamakxtumit, tuku kgaxmatkgo chu takgalhtin nema mastakgo tlan nakamakgtaya tlakg nalakgapaskgo Jehová chu x’amigojkan nalitaxtukgo (Dt 31:12, 13). Pero ¿la nakamakgtayaya minkamanan tlakg nalitamakgtayakgo tamakxtumit?

• Kaliskujti xlakata ankgalhin napina ktamakxtumit (Sl 22:22).

• Kakamakgpuwantini minkamanan pi kakatachuwinankgolh natalan akxni nina tsuku tamakxtumit o akxni sputnita (Heb 10:25).

• Kaʼakxilhti pi putum mifamilia nalinkgo likgalhtawakga (xakapsnat o xa’electrónico) nema natamaklakaskin ktamakxtumit.

• Kakamakgtaya minkamanan nalakkaxwilikgo tuku nakgalhtinankgo ktamakxtumit, pero ni kaj nalikgalhtawakgakgo (Mt 21:15, 16).

• Ankgalhin tlan kalichuwinanti la tlawakan tamakxtumit chu tuku masiyakan anta.

• Kakamakgtaya minkamanan namakgkaxakakgo kPukgalhtawakga chu nakatachuwinankgo natalan tiku linkgoya kata.

Akxni lilakpuwana putum tuku militlawat xlakata nakamakgtayaya minkamanan natalakatsuwinikgo Jehová, max makgatsiya pi tuwa nakitaxtuniyan. Pero liwana kakatsi pi ni mi’akstu katitlawa uma taskujut, Jehová namakgtayayan (Is 40:29).

AKXNI AKXILHNITATA NAWAN VIDEO NATLATNI, KALIPAWANTIT PI JEHOVÁ NAKAMAXKIYAN LITLIWAKGA, KAKGALHTI UMAKGOLH TAKGALHSKININ:

• Xlakata lu xtlakgwankgonit, ¿tuku nitlan xkakitaxtunima Miguel chu Lidia?

  Mintakgalhtin

• ¿Tuku xlakata natlatni xliskinitkan litliwakga Jehová?

  Mintakgalhtin

• ¿La putsakgolh Miguel chu Lidia xtamakgtay Jehová?

  Mintakgalhtin