MAHANYELA YA WUKRISTU
Vapswali — vhunani vana va n’wina a ku kuma wutlhari ga Nungungulu
A yin’we ya tindlela ta ti nene ta ku a vapswali va vhuna vana vabye a ku kuma wutlhari ku va gondzisa ku vhuneka hi mitlhangano ya wuKristu. Lezvi a vaswa va zvi wonako, va zvi zwako, va tlhela va wula a cikhati va hlamulako mitlhanganweni, zvi nga va vhuna ku tiva Jehovha va tlhela va maha wunghana go tiya naye. (Deut. 31:12, 13) Loku u hi mupswali, zvini u nga mahako kasi a vana va wena va vhuneka khwatsi hi mitlhangano?
-
Maha zvontlhe u zvi kotako kasi muya ka mitlhangano ya nghohe ni nghohe. — Lis. 22:22
-
Hatlisani mu chikela kasi muva ni cikhati ca ku bhula ni vamakabye a mitlhangano na yi nga se sangula ni loku yi mbhelile. — Mah. 10:25
-
Zama ku vontlhe vava ni bhuku legi gi gondziwako, go gandliwa kutani ga lomu ka michini
-
Vhuna n’wana wa wena a ku longisela kasi a ya hlamula hi magezu yakwe. — Mat. 21:15, 16
-
Wulawula zva zvi nene hi mitlhangano ni lezvi hi gondzako ka yona
-
Vhuna vana va wena a ku va maha mitiro laha bandleni, yo kota ku basisa Salawu ya Mufumo ni ku bhula ni vamakabye va kulileko hi tanga
A ku vhuna vana lezvaku vava ni wunghana go tiya na Jehovha zvi lava ku tira u dzunuka, niku ka zvikhati zvin’wani zvi nga ku khwatsi zva karata. Kanilezvi, a wu wece, u na na Jehovha kasi a ku vhuna. — Isa. 40:29.
SIXTIRA VHIDHIO VAPSWALI, TSUMBANI JEHOVHA NI NTAMU WAKWE, U GUMESA U HLAMULA ZVIWUTISO LEZVI:
-
A kukarala zvi mu khumbisile kuyini Zack na Leah?
-
Hikuyini a vapswali va faneleko ku tsumba Jehovha kasi a va nyika ntamu?
-
Zack na Leah va mu tsumbisile kuyini Jehovha kasi zvi va fambela khwatsi?
