Awofo betumi afa akwan bebree so aboa wɔn mma ama wɔde nea wɔsua fi Yehowa hɔ no ayɛ adwuma na wɔanya nyansa. Baako a edi mu akoten ne sɛ wɔbɛboa wɔn ama wɔanya Kristofo nhyiam so mfaso. Sɛ mmofra no kɔ adesua a, nneɛma a wɔhu, nsɛm a wɔte, ne mmuae a wɔma no betumi aboa wɔn ama wɔasua Yehowa ho ade, na wɔne no afa adamfo denneennen. (De 31:​12, 13) Sɛ woyɛ agya anaa ɛna a, wobɛyɛ dɛn aboa wo ba na sɛ ɔkɔ adesua a, wanya so mfaso paa?

• Yɛ nea wubetumi biara sɛ wobɛkɔ asafo nhyiam wɔ Ahenni Asa so.—Dw 22:22

• Mokɔ adesua a, munnya bere ne anuanom mmɔ nkɔmmɔ; mubetumi ayɛ saa ansa na adesua no afi ase anaa bere a moapɔn.—Heb 10:25

• Nhoma a yɛresua no adesua ase no, hwɛ hu sɛ obiara a ɔwɔ abusua no mu wɔ bi; sɛ́ ɛyɛ nea yɛaprente anaa nea ɛwɔ fon anaa tablɛt so

• Sɛ moresua nea yebesua wɔ adesua ase no a, boa wo ba ma onsua sɛnea ɔde ɔno ara ne nsɛm bɛma mmuae. —Mt 21:​15, 16

• Adesua a yɛkɔ ne nkyerɛkyerɛ a yenya fi hɔ no, ka ho asɛmpa

• Sɛ yɛresiesie Ahenni Asa so a, ma wo mma no nyɛ bi. Afei ma wɔne anuanom a wɔn ani afi mmɔ nkɔmmɔ

Egye adwumaden paa na woatumi aboa wo mma ama wɔatwe abɛn Yehowa. Ɛtɔ da mpo a, wubetumi ate nka sɛ ɛboro wo so. Nanso nya awerɛhyem sɛ, Yehowa bɛboa wo.—Yes 40:29.

HWƐ VIDEO A YƐATO DIN AWOFO, MOMFA MO HO NTO YEHOWA SO. WUWIE A, BUA NSƐMMISA A EDIDI SO YI:

• Ɔbrɛ a na abɛtɔ Zack ne Leah so no, ɔhaw bɛn na ɛkɔfa brɛɛ wɔn?

  Kyerɛw wo mmuae hyɛ ha

• Adɛn nti na ɛsɛ sɛ awofo hwehwɛ mmoa fi Yehowa hɔ?

  Kyerɛw wo mmuae hyɛ ha

• Dɛn na Zack ne Leah yɛ de kyerɛe sɛ wɔrehwehwɛ mmoa afi Yehowa hɔ?

  Kyerɛw wo mmuae hyɛ ha