KURARAMA KE CIKRISTU
Abereki—Betserai Ana Enyu kuti Agare no Ungwaru Unobva Kuna Mwari
Umwe we mushobo ungaseenzeswa no abereki kuti abetsere ana awo kuti agare no ungwaru unobva kuna Mwari nge we kuabetsera kuti abetsereke no misangano ye Cikristu. Zvinooniwa, zvinozwiwa uye zvinorekethwa no madjaha mu mhinduro dzawo pa misangano, zvingaabetsera kufunda ngezva Djehovha uye kugara no ushamwari we padhuze naye. (Dhe 31:12, 13) Kana imwimwi muri baba kana mai, mungabetsera kudini mwana wenyu kuti abetsereke no misangano?
-
Petai masimba no mwoyo wese kuti mupinde misangano yese.—Pis 22:22
-
Psvakai nguwa kuti mubambise amweni mu Nyumba yo Umambo musangano usati watanga uye waawapera.—Ahe 10:25
-
Ngwarirai kuti umwe na umwe we mu mhuri menyu agare no mabhuku arikuseenzeswa pa musangano, angaita akadhindwa kana e mu terefoni
-
Betserai mwana wenyu kuti agadzirire kupasa mhinduro ku musangano eciseenzesa masoko ake kamare.—Mt 21:15, 16
-
Bhuyai zvakanaka ngezve musangano uye zvamunofundiswa kweneyo
-
Betserai ana enyu pa kubatikana no mabasa anocokuita no kucenesa Nyumba ye Umambo uye kureketa no anhu akakura mu ungano
Kubetsera ana enyu kuti agare no ushamwari we padhuze na Djehovha kunodikana kupeta masimba uye nguwa dzimweni zvingatorembesa. Asi imwimwi mungagonda no rubetso ra Djehovha.—Isa 40:29.
ONAI VHIDHIYO YAKAZWI ABEREKI GONDAI DJEHOVHA UYE SIMBA RINOBVA KAARI, PEDZEPO DAIRAI MIBVUNZO INOTEERA:
-
Nhenda ye kuremba-remba yaibata-bata kudini Zack na Leah?
-
Ngei abereki anodikana kukumbira Djehovha rubetso kuti aone simba?
-
Zack na Leah akagonda Djehovha nge mushobo upi kuti anyase kubudirira?
