KAKʼTIK TA ILEL TE JCHʼUUNOJTIK DIOSE
Meʼil tatiletik, ya xjuʼ ya sta spʼijil yoʼtanik te awal anichʼnabike
Jun te bin-utʼil ya xjuʼ ya akoltay te awal anichʼnab ta stael spʼijil yoʼtanik, jaʼ te ya anojptesik ta smulanel te tsoblejetike. Te bin ya yilik, ya yaʼiyik sok te bin ya spasik comentar ta tsoblejetik, ya xkoltayotik yuʼun ya snopikxan ta stojol te Jehová sok te yakuk yamigoinike (Dt 31:12, 13). Pero, ¿bin-utʼil ya xjuʼ ya akoltay te awal anichʼnab ta smulanel te tsoblejetike?
-
Pasa tulan yuʼun ya xkʼoat ta tsoblejetik ta sNail Tsoblej (Sl 22:22).
-
Pasa tulan yuʼun ya skʼases tiempo te awal anichʼnab sok te hermanoetik te kʼalal mato jajchem-a te tsoblej o te kʼalal lajemix-ae (Heb 10:25).
-
Pasa tulan te ayuk yuʼunik te afamilia te publicación te yak yichʼbel nopel ta tsoblej, jaʼ chikan teme ta celular, tablet o te pasbil imprimir.
-
Koltaya te awal anichʼnab yuʼun ya yakʼ te scomentarioik ta skʼopiknix (Mt 21:15, 16).
-
Lekukme te bin ya awal ta swenta te tsoblejetik sok te bin ya yichʼ alel tey-ae.
-
Koltaya te awal anichʼnab yuʼun yakuk spasik aʼteliletik, jich bitʼil te skusel te sNail Tsoblej sok te ya xkʼopoj sok te hermanoetik te ayix yaʼbilalike.
Jich bitʼil te meʼil tatilex, ayniwan wokol ya awaʼiyik spasel te aʼtelil smakoj te skoltayel te awal anichʼnabik yuʼun ya xnoptsajik ta stojol te Jehová. Pero ma jichuk xa awaʼiy aba, melel ya skoltayat te Jehová (Is 40:29).
KʼALAL LA AWILIX-A TE VIDEO MEʼIL TATILETIK, JAʼME YA YAKʼBEYEX AWIPIK TE JEHOVÁ, AKʼBEYA SUJTIB TE JOJKʼOYELETIKE:
-
Te bitʼil lujben ya yaʼiy sbaik te Miguel sok te Lidia, ¿bintik-a te ma xjuʼix yuʼunik spasele?
-
¿Bin yuʼun mukʼ skʼoplal te ya skʼanbeyik koltayel Jehová te meʼil tatiletike?
-
¿Bin la spasik te Miguel sok te Lidia yuʼun ya sleik te koltayel yuʼun te Jehová?
