Idjerhe ọvo ro me yovwin rẹ emiọvwọn sa vwọ chọn emọ rayen uko vwo vwo aghwanre ro nẹ obọ rẹ Ọghẹnẹ rhe, ọyen rẹ ayen vwọ chọn ayen uko vwọ mrẹ erere vwo nẹ emẹvwa rẹ Inenikristi cha. Oborẹ emọ mrẹ vẹ oborẹ ayen nyo je ta vwẹ ẹkpahọnphiyọ rayen vwẹ emẹvwa sa chọn ayen uko vwo yono kpahen Jihova je dia ugbeyan rọyen. (Urh 31:​12, 13) Wọ da dia ọmiọvwọn, mavọ wọ sa vwọ chọn ọmọ wẹn uko vwọ mrẹ erere vọnvọn vwo nẹ emẹvwa rhe?

• Davwẹngba wo vwo kpo emẹvwa vwẹ Ọguan Ruvie.—Un 22:22

• Nabọ nene iniọvo eya vẹ eshare ghwọrọ ọke kugbe vwẹ Ọguan Ruvie tavwen a kẹ ton emẹvwa phiyọ yẹrẹ ọke re de kuphiyọ nu.—Hib 10:25

• Jo muwẹro nẹ ihwo rẹ orua wẹn eje vwo ọbe re che yono vwẹ emẹvwa na tẹ ọ dia ọ rẹ a teyenphia yẹrẹ ọ rẹ ifonu

• Chọn ọmọ wẹn uko vwo muegbe rẹ ẹkpahọnphiyọ rẹ onọ vwẹ ota romobọ rọyen.—Mt 21:​15, 16

• Ta omamọ rẹ ota kpahen emẹvwa rẹ avwanre vẹ odjekẹ ra vwọphia vwẹ oboyin

• Chọn emọ wẹn uko vwo vwobọ vwẹ iruo kerẹ orufon rẹ Ọguan Ruvie kugbe ayen vwo nene ihwo re kpakore vwẹ ukoko na ta ota kuẹgbe

Wọ vwọ chọn emọ wẹn uko vwo sikẹrẹ Jihova guọnọ ẹgbaẹdavwọn ọgangan, ofu ji se dje we mamọ ọkiọvo. Ẹkẹvuọvo, jo muwẹro nẹ Jihova cha chọn wẹ uko.—Aiz 40:29.

NI IVIDIO NA EMIỌVWỌN, OVWAN VWẸROSO JIHOVA VẸ ẸGBA RỌYEN, RERE WỌ KPAHENPHIYỌ ENỌ NANA:

• Mavọ yen oma ẹghwọrọ djobọte Zack vẹ Leah wan?

  Your answer

• Diesorọ o vwo fo nẹ emiọvwọn yare ogangan mie Jihova?

  Your answer

• Idjerhe vọ yen Zack vẹ Leah vwọ vwẹroso Jihova vwọ kẹ ukẹcha?

  Your answer