MAKHALELO A MAKRISTU
Asitiithi—Mwaakhavihere anamwane anyu okhalano miruku sinkhuma wa Yehova
Moota asitiithi eneeraaya yaakhavihereke anamwane aya okhalano miruku sinkhuma wa Yehova, ori waakhavihera ottottela mureerelo ehuhu ya mithukumano. Sootheene amiravo enoonaaya, eniiwaaya, enuulumaaya ehuhu ya mithukumano, mukhalelo mmoha wa oxuttera woohima sa Yehova ni okhala nthamwenaawe. (Ol 31:12, 13) Nyuwo mwaareene tiithi naari maaye, munaakhavihere hayi aniinyu ottottela mureerelo omithukumanoni?
-
Mpakeke ele munweraanyu weera moonele mithukumano. — Nsa 22:22
-
Mwiihiyereke etempu weera mutthekule ni asinna muthukumano wa mala naari ohinaaye opatxera. — Aheb 10:25
-
Moonexexeke weera atthu ootheene a veemusini vanyu aakhalano iliivuru sinvariheliwa muteko omithukumanoni
-
Mwaakhavihereke anamwane anyu oreherera ikomentaariyu saya. — Mt 21:15, 16
-
Muulumeke nnene woohima sa mithukumano ni itthu muxutenraanyu
-
Nwooperereke aniinyu ovara muteko Empa ya Omwene, ntoko okwesa ni otthekula ni asinna oowunnuwelavo a mmulokoni
Waakhavihera anamwane okhala asinthamwene a Yehova ontthuneya wiilipihera nnaamweera oreene wookhulumula. Mene nyuwo nvekeleke weera Yehova ookhavihereni. — Yes 40:29
MOONELE EVIIDIYU ENEERA ASITIITHI, MMUROROMELEKE YEHOVA NI IKURU SAWE, AVINYAKA MWAAKHULE MAKOHO:
-
Mwaha wa okhulumuwa wa ntheli nne na nviidiyuni eheeni yaakhumelenle?
-
Mwaha wa heeni asitiithi entthuneyaaya ovekela nikhavihero wa Yehova?
-
Moota heeni asitiithi a nviidiyuni yaamuroromenlaaya Yehova weera itthu saakhumele nnene?
