Yelidaageeti bantta naati Xoossaa aadhdhida eratettaa demmanaadan maaddana danddayiyo keehi loˈˈo ogee, gubaaˈe shiiqotuppe eti loytti goˈettanaadan oottiyoogaa. Yelagati shiiqotun bantta qofaa yootiyogee, loytti beˈiyogeenne ezggiyogee eti Yihoowabaa tamaaranaadaaninne ayyo mata dabbo gidanaadan maaddees. (Zaa 31:12, 13) Intte yelidaageeta gidikko, intte naˈi shiiqotuppe loytti goˈettanaadan waati maaddana danddayeetii?

• SHiiquwa Addaraashaa biidi shiiqanawu intteyyo danddayettida ubbabaa oottite.—Maz 22:22

• SHiiqoy doommanaappe kase woy wuri simmin ishanttuuranne michchonttuura wodiya aattite.—Ibr 10:25

• SHiiquwan xannaˈiyo xuufee elektiroonike meran woy attamettidaagee intte so asawu ubbawu deˈiyakkonne akeekite.

• Intte naˈi zaariyo wode xuufiyappe nabbabidi gidennan, wozanappe yootanawu giigettanaadan maaddite.—Maa 21:15, 16.

• SHiiqotubaanne yan tamaariyobaa xeelliyagan loˈˈobaa haasayite

• Intte naati SHiiquwa Addaraashaa geeshshanaadaaninne layttan cimidaageetuura haasayanaadan maaddite.

Intte naati Yihoowaara dabbotaa minttanaadan maaddiyogee keehi deexxiyaba intteyyo milatana danddayees. SHin Yihooway inttena maaddanaagaa ammanettana danddayeeta.—Isi 40:29

YELIDAAGEETOO, YIHOOWANINNE I IMMIYO MINTTETTUWAN AMMANETTITE GIYA BIIDUWA BEˈITE; YAATIDI KAALLIDI DEˈIYA OYSHATA ZAARITE:

• Daafuray Zaakanne Liyo waati qohidee?

  Ne zaaruwa

• Yelidaageeti minttettuwa demmanawu Yihoowa woossana koshshiyoy aybissee?

  Ne zaaruwa

• Yihoowan ammanettiyogee Zaakanne Liyo ayba ogetun maaddidee?

  Ne zaaruwa