One of the best way wey papa and mama fit help their children to get the better sense wey de come from Jehovah, na to help them so that them go fit de gain from the things wey them de teach for meeting. The things wey young people de see, de hear, and their own comment for meeting fit help them learn about Jehovah and be im tight friend. (De 31:12, 13) If you be papa or mama, how you fit help your pikin so that e go fit de gain well-well from the things wey them de teach for meeting?

• Try your best to de go face to face meeting.—Ps 22:22

• Try to de spend time with brothers and sisters before meeting start and when meeting close.—Heb 10:25

• Make sure say everybody for your family get the books wey them go use for meeting, whether na for phone or na the one wey them write for book

• Help your pikin to fit prepare comment from im heart.—Mt 21:15, 16

• De talk better things about meeting and the things wey you learn for there

• Help your children so that them go fit de join do things like to clean Kingdom Hall and to de talk with old people for congregation

To help your children be tight friend with Jehovah no be small work. Sometimes, e fit even be like say the work too much for you. But you fit trust Jehovah to help you.—Isa 40:29.

WATCH THE VIDEO PAPA AND MAMA, MAKE UNA TRUST JEHOVAH TO GIVE UNA POWER, AND AFTER, MAKE UNA ANSWER THIS QUESTIONS:

• How tiredness take affect Zack and Leah?

  Your answer

• Why papa and mama need to trust Jehovah to help them?

  Your answer

• How Zack and Leah take show say them trust Jehovah to help them?

  Your answer