Bere sii-ŋai dɔnɔ loŋ-kaa-ɓela da pɔri kpɔnii la dinĩa-pɛlɛɛi dia a gɛɛ di tare sɔlɔ ɓo Ziova yeei ɓa di liɛ goyaŋ-ŋai su. Mɛnii nuu-tɔɔ-ŋa da gaai, di mɛnii, di lono e pilaŋ ma dimare-kɛɛ sukula woo-ŋai su a pɔri kpɔnii dia a gɛɛ di mɛni tamaa maa-kɔri e pilaŋ Ziova ma, di laoi-laa kɛ a nyaa. (Du 31:​12, 13) A kɛ ikaa a loŋ-kaa-nuu, ya pɔri kpɔnii leŋ inĩa-pɛlɛɛi dia a gɛɛ di mɛni tamaa maa-kɔri goyaŋ-ŋai su?

• Kɔ a gbanaŋɔɔ a gɛɛ ikɛ goyaŋ-ŋai su Galoŋ-laa Pɛrɛi la.—Ŋu 22:22

• Tãi siɣe a gɛɛ I bɔlɔ da sisɛ-ŋai fɔrɔ goyaŋ kɔɔ e lɛɛ pai pilani da goyaŋ kpɛɛ ŋa.—Ib 10:25

• Kɔ a gɛɛ gɔlɔi da pai maa-kɔrii goyaŋ sui e kɛ ikaayɔɔi su-ɓela kelee yeei

• Kpɔŋ maa tɛɛ inĩa-pɛlɛɛi pɔ a gɛɛ di dimare-kɛɛ sukula-wooi kpɛtɛ dikpɔɔi-woo su.—Mf 21:​15, 16

• Lono a nɛlɛɛ e pilaŋ goyaŋ ma da mɛni-ŋai ya maa-kɔri naai

• Kpɔŋ maa tɛɛ inĩa-pɛlɛɛi pɔ a gɛɛ di mɛni-ŋa kɛ yɛɛ Galoŋ-laa Pɛrɛi ma kpɛtɛɛ da lonoɔ nuu-pɔlɔ-ŋai pɔ korai-toli-kpɔŋ su

A gɛɛ I kpɔŋ maa tɛɛ inĩa-pɛlɛɛi pɔ di lɛɣɛ a Ziova kaa a tii tamaa, nyaŋ tãi ta a pɔri pai a fii-kpɛɛ ipɔ. Kɛlɛ, ya pɔri laai la a gɛɛ Ziova a pai kpɔnii ya.—Az 40:29.

VILOI LOŊ-KAA-ƁELA, KA KAKILI TƆƆ ZIOVA MA WALA-WALA-LAA MƐNI MA SU KAA, GƐ NI KA MARE-KƐƐ-ŊAI ŊI SUKULA:

• Le ɓe fii-kpɛɛ e gɛ a Zack da Leah?

  Zukulai

• Le mɛni ɓe maa nɛ̃ɛi loŋ-kaa-ɓela di Ziova fɛli la kponoi kpanaŋ mɛni ma?

  Zukulai

• Zack da Leah di dikili tɔɔ leŋ Ziova ma kpɔŋ maa mɛni ma?

  Zukulai