Reb e kanawo’ nrayog ni nge ayuweg e piin gallabthir pi fakrad riy ni nge yag e gonop rok Got ngorad e aram e ngar ayuweged yad ni nge yib angin e muulung ngorad. N’en ma guy e piin bitir, nge n’en yad ma rung’ag u nap’an e muulung, nge fulweg ni yad ma pi’ e rayog ni nge ayuwegrad ni ngar filed murung’agen Jehovah mar manged fager rok nib chugur thilrad. (De 31:​12, 13) Faanra gur reb e gallabthir, ma uw rogon nrayog ni ngam ayuweg fakam ni ngari yib angin e muulung ngak?

• Mu athamgil u rogon nrayog rom ni ngaum un ko muulung u Tagil’ e Liyor.​—Ps 22:22

• Mu tay e tayim ni ngaum chag ko pi walag u m’on ngu tomuren e muulung.​—Heb 10:25

• Mu guy rogon ni nge be’ u lan e tabinaw rom ma bay e babyor rok ni ngan fil u nap’an e muulung

• Mu ayuweg fakam ni nge fal’eg rogon reb e fulweg ni nge pi’ nrogon ni ke yib u gum’irchaen.​—Mt 21:​15, 16

• Mu weliy fel’ngin e muulung nge pi n’en yima fil riy

• Mu ayuweg pi fakam ni ngaur uned ko pi n’en yima rin’, ni bod ni ngaur uned i klinnag Tagil’ e Liyor ma yad be non ngak boch e girdi’ u lan e ulung ni yad ba ilal ngorad

Boor e maruwel nib t’uf ni ngam rin’ ni ngam ayuweg pi fakam ni ngar chugurgad ngak Jehovah, ma yu ngiyal’ e rayog ni ngam lemnag ni kaygi mo’maw’ e re n’ey. Machane rayog ni nge pagan’um ngay nra ayuwegem Jehovah.​—Isa 40:29.

NGAN YALIY FARE VIDEO NI AS PARENTS, RELY ON JEHOVAH AND HIS STRENGTH, NGEMU’ MIN PI’ E FULWEG KO PI DEER NEY:

• Mang e buch rok Zack nge Leah ni bochan e ke aw parowrow?

  Fulweg rom

• Mang fan nsusun e nge taga’ e piin gallabthir ngak Jehovah ni nge pi’ gelngirad?

  Fulweg rom

• Uw rogon ni taga’ Zack nge Leah ngak Jehovah ni nge ayuwegrow?

  Fulweg rom