Diambu dilutidi matata balenda vanga muingi kusadisa bana bawu babaka nduenga yi Nzambi didi, kuba sadisa babaka ndandu mu zikhutukunu zi Baklistu. Mambu bammona, bankuwa ayi mimvutu bamvana mu zikhutukunu malenda kuba sadisa kuba kikundi kifikama na Yave. (Deute. 31:​12, 13) Boti widi tata voti ngudi, buidi wulenda sadisila bana baku baluta bakila ndandu mu zikhutukunu?

• Vanga mangolo muingi wulandakana zikhutukunu ku Nzo yi Kintinu.—Minku. 22:22

• Botulanga thangu muingi kusolula na zikhomba ku Nzo Kintinu ava lukutukunu lutona ayi bo lukutukunu lummana.—Ebe. 10:25

• Sadisa baboso babaka bilongulu bankuiza longuka mu lukutunu, kuba kuandi mu minkanda voti mu telefone

• Sadisa bana baku bavana mimvutu mu bikuma biawu. —Matai 21:​15, 16

• Tubila buboti matedi zikhutukunu ayi ndandu wumbakilanga mu ziawu

• Sadisa bana baku kukivana mu bisalu dedi kudiodisa Nzo yi Kintinu, ayi kusolulanga na zikhomba zima nuna mu kimvuka

• Vantombuluanga mangolo muingi kusadisa bana baku bafikama Yave, ayi khumbu zinkaka dilenda ba diambu diphasi kuvanga mawu. Diawu dinda lusalusu lu Yave muingi wubaka mangolo.—Yesa. 40:29.

TALANU VIDEO MATATA, FIATILANU MU YAVE MUINGI MUBAKA MANGOLO, BOSI VANANU MIMVUTU MI BIUVU BINLANDA:

• Buidi phokongo yivangila yaya Zack ayi Leah kulebakana?

  Mvutu’aku

• Kibila mbi matata bafueti fiatila mu Yave muingi babaka mangolo?

  Mvutu’aku

• Buidi Zack ayi Leah babakila mangolo bo bafiatila mu Yave?

  Mvutu’aku