Nabé risaca gacanetu ca xiiñitu guiziidicaʼ biaʼ gándatiʼ lu ca reunión ca purtiʼ laani nga tobi de ca cosa ni zacané laacabe gácacabe binni nuu xpiaaniʼ. Ni gunadiágacabe, ni gúʼyacabe ne ca comentariu gudiicabe lu ca reunión ca zacané ca ni laacabe guiziidicabe jma de Jehová ne gaca xhamígucabe laa (Dt 31:​12, 13). Yanna, ¿ximodo zanda gacaneluʼ ca xiiñiluʼ guiziidicaʼ biaʼ gándatiʼ lu ca reunión ca yaʼ?

• Biʼniʼ stipa cheluʼ guiráʼ reunión (Sl 22:22).

• Gucané ca xiiñiluʼ guidxíñacaʼ ne guiníʼnecaʼ ca hermanu ante o despué de reunión (Heb 10:25).

• Biiyaʼ gapa familia stiluʼ ca publicación ni ridúʼndanu lu ca reunión ca (lu dispositivu electrónicu o lu guiʼchiʼ).

• Gucané ca xiiñiluʼ gudiicaʼ comentariu sin gúʼndacaʼ ni cá lu párrafo (Mt 21:​15, 16).

• Guníʼ pabiáʼ galán ca reunión ca ne guiráʼ ni riziidiluʼ lúcani.

• Gucané ca xiiñiluʼ gacanecaʼ ra Yoo stiʼ Reinu casi gusiácani, ne guiníʼnecaʼ ca hermanu ni maʼ huaniisi.

Pa riníʼ íqueluʼ qué zanda gacaneluʼ ca xiiñiluʼ chuʼcaʼ gaxha de Jehová la? gunna dxiichiʼ, zacané Jehová lii (Is 40:29).

DESPUÉ DE GÚʼYALUʼ VIDEU NI LÁʼ PADRE CAʼ, LAGAPA CONFIANZA ZUDII JEHOVÁ LAATU STIPA, ZANDA GUICÁBILUʼ CA PREGUNTA RIʼ:

• ¿Xi guendanagana bidxagalú Miguel ne Lidia dxi maʼ nápacaʼ xiiñicaʼ?

  Respuesta

• ¿Xiñee caquiiñeʼ guinabaʼ ca ni napa xiiñiʼ gacané Jehová laacaʼ?

  Respuesta

• ¿Xi biʼniʼ Miguel ne Lidia para gacané Jehová laacaʼ?

  Respuesta