1, 2. ¿Ambe arhiasïni ánjeli ma, uarhiitichani engaksï jima japka nani engaksï Jesusini jatsintapka ka ambe arhiaspi Jesusi eskaksï úpiringa?

ENGA erandipkia jurhiatikua 16 de nisani uéxurhini 33 jimbo. Kánikua no sési pʼikuarhenhiparini, máru uarhiiticha engaksï kánikua janhanharhienga Tata Diosïni, nirasïndiksï jima engaksï tsimani jurhiatikua antesi tata Jesukristuni jatsintapka, jimbokaksï uékasïrenga pʼuntsumikua ambe atarhini ka aseiti enga sési jájkundejka. Engaksï niárajka jima engaksï jatsintapka, ískuksï pakarasïndi engaksï exejka eska nóteru jima jarhaspkia. Ánjeli ma arhiasïndi eska Jesusi tsíntaskia ka tátsekua arhiasïndi: Niraxati “chánksïni orhechipani Galilea, ka jimajtsï exentaaka” (Mat. 28:1-7; Luk. 23:56; 24:10).

² Engaksï uarhiiticha kéndikupkia jima uératini engaksï japka, Jesusi andarhieraaspti ka arhiaspti: “Ní je aianguani juchiti ermanuechani para eskaksï niuaka Galilea ka jimajtsïni exentaati” (Mat. 28:10). Seguru eska uékasïnga jukaparhakua ambe arhiani imeri chúxapatichani parakaksï uáka, jimbosï jirejiresï tánguarhikua ma úpti enga na tsíntapkia.

3, 4. ¿Andichisï újki uandani eska juramukua enga Mateu 28:19, 20 jimbo jaka, no solu jindespka para apostulicha? (Exe je dibujuni enga uénakuarhu jaka).

³ (Arhinta je Mateu 28:16-20, TNM). Imani tánguarhikua jimbo enga Jesusi úpka primeru siglurhu, arhiaspti imeri chúxapatiichani náki ánchikuarhitanksï úpirini enga kánikua jukaparhakueka, indeni mismuni engachi iásï jucha úni jaka. Arhiaspti: “Ísï jimbo, ní je ka jorhendaa je iámindu iretecharhu anapu kʼuiripuechani. [...] Jorhendaa je iámindu imani ambe úni engaksïni ji juramuchika”.

⁴ Jesusi uékasïndi eskaksï iámindu imeri chúxapaticha aianhpiaka. I juramukua no jindespti solu para onse ambakiti apostulicha. ¿Andichisï xáni seguru jaki? Jimbokaksï no solu apostulicha jarhaspka jini Galileaeri juáta jimbo jiáni enga Jesusi juramukuapka paraksï disipulu uáni. Ju je miáni eska ánjeli arhiaspka uarhiitichani  eskaksï imecha exepiringa Jesusini jini Galilea. Ísï jimbo, jamberiksï imani tánguarhikuarhu ístuksï japti ambakiti uarhiiticha. Ístu, apostuli Pablu uandaspti eska Jesusi jukari kinientu erachichani xarhakuantaspka engaksï májku japka (1 Kor. 15:6). ¿Nani xarhakuantaspi?

5. ¿Andichisï újki jakajkuni eska 1 Korintu 15:6, imani tánguarhikuani arhikuekasïnga enga Galilea úkuarhipka enga Mateu kapitulu 28 jimbo arhijka?

⁵ Jarhastiksï rasonicha engachi jimbo újka jakajkuni eska Pablu imani tánguarhikuani arhikuekasïrenga enga Galilea úkuarhipka ka enga Mateueri kapitulu 28 jimbo jaka. ¿Nákiskiksï rasonicha? Ma jindesti, eskaksï sáno iámindu Jesusiri chúxapaticha Galilea anapuespka. Ísï jimbo, Galileaeri juáta ma, ambakiti lugari máepirindi parakaksï úpiringa xáni uáni kʼuiripuecha tánguarhini ka no kʼumanchikuarhu ma jini Jerusaleni. Máteru, ísï tátsekua enga Jesusi tsíntapkia, tánguarhintaspti imeri 11 apostulicha jingoni kʼumanchikua ma jimbo jini Jerusaleni. Enga ima uékapiringa solu imeri apostulichani juramukuani eskaksï aianhpepiringa ka jorhentpini, úpirindi ísï úni jini Jerusaleni ka no arhiani ménderu apostulichani, ka ístu uarhiitichani ka máteru imeri chúxapatichani eskaksï tánguarhintapiringa imani jingoni jini Galilea (Luk. 24:33, 36).

6. ¿Néna xarhatasïni Mateu 28:20 eska juramukua para kʼuiripuechani jorhendaani, jatsiska para ini jurhitikuecha jimbo úkuarhini ka néna xarharasïni eska ísï úkuarhixaka?

⁶ Ka ístu máteru rasoni enga jukaparhakueka, jindesti eska Jesusi no primeru siglurhu anapu kristianuechankusï juramukuapka paraksï kʼuiripuechani jorhendaani. ¿Nénachi míteski? Imani ambe jimbo enga Jesusi ultimu arhiapka imeri chúxapatiichani: “Ji chánksïni jingoni jauaka pauani pauani astaka na kʼamaraaka ambe enga úkuarhini jaka parhakpinirhu” (Mat. 28:20, TNM). Ísï eska Jesusi na uandapka, ánchikuarhita para jorhentpini, ini jurhiatikuecha jimbo sánderu úkuarhixati, eska na xarhatajka ari ambe. Mándani uéxurhini, sáno 300,000 jimbanhi Jesusiri chúxapatichaksï itsï atakuarhisïndi paraksï Jeobaeri testigu úkuarhini.

7. ¿Ambechi exea ini jorhenguarhikua jimbo ka andi?

⁷ Uánikuecha engaksï Bibliaeri ambe jorhenguarhijka, niárasïndiksï itsï atakuarhini. Peruksï jarhasti máru engaksï chéjka Jesusiri chúxapati úkuarhini. Tsitisïndiksï ambe engaksï jorhenguarhijka, peruksï no jánguarhintasïndi paraksï niárani itsï atakuarhini. Seguruchi jarhaska eskaksï imecha engaksï Bibliaeri ambe jorhentpejka, uékasïngaksï jarhuataani jorhenguarhirichani paraksï ísï úni eskaksï na jorhenguarhini jaka ka niáranksï Jesusiri chúxapati úkuarhini. Ini jorhenguarhikua jimbochi exeaka néna mintsitarhu niárakuani jorhenguarhirichani ka jarhuataani paraksï niárani Jeobani marhuakuni. ¿Andisï uétarhijki exeni ini ambe? Jimboka jamberi niáraaka jurhiatikua engachi jatsiaka para exeni sinchi seguiriua kʼuiripuni ma jorhendani Bibliaeri ambe o nóteria.

8. ¿Andisï ménisï úkua jukajki jarhuataani jorhenguarhirichani paraksï niárani xénchani Jeobani?

⁸ Jeoba uékasïndi eskaksï kʼuiripuecha uékperakua jimbo marhuakuaka. Ísï jimbo, ambe engachi uéjka, jindesti eskaksï jorhenguarhiricha kurhanguaka eska Jeoba uandanhiasïnga mándani imechani jimbo ka eska kánikua xénchaasïnga. Uékasïngachi eskaksï ísï exeaka Jeobani komueska Táti ma para uerandujupindicha ka eska kuájchakuasïnga tsïndichani (Sal. 68:5). Engaksï jorhenguarhiricha niárajka kurhanguni na enga xáni xénchaajka Jeoba, jamberiksï niáraati sánderu xénchani imani. Peru jarhastiksï jorhenguarhiricha engaksï úkua jukanchajka ísï exeni Jeobani komueska Táti uékpiti ma, jimbokaksï imecheri táticha no méni xarhatakuaska uékperakua (2 Tim. 3:1, 3). Ísï jimbo, engachi jorhendani jauaka nemani Bibliaeri ambe, ju je uandontskuarhekuni Jeobaeri sési járhati kualidadicheri ambe. Ka ju je jarhuataani  jorhenguarhirichani kurhanguni eska juchari Tata Diosï uékpiti, uékasïnga eskaksï jatsiaka tsípikua para méntkisï ka eska jarhuatauaka paraksï niárani ísï úni. ¿Ambeteruchi uá úni?

9, 10. ¿Náki libruechanchi jatsiski para úraani engachi jorhentpejka Bibliaeri ambe ka andi meru imechani?

⁹ Ju je úraani libruechani ¿Ambemindusï jorhentpejki Biblia? Ka “Tata Diosïri xénchperakuarhu ja je”. I publikasionichaksï ísï úkata jarhasti parajtsïni jarhuatani mintsitarhu niárakuani jorhenguarhirichani. Por ejemplu, kapitulu 1 librueri ¿Ambemindusï jorhentpejki Biblia? Mókuantaasïndi arini kurhamarhikuechani: ¿pʼamojpisïni Tata Diosï?, ¿néna pʼikuarherasïni Tata Diosï engachi no sési kánhajka? ka ¿uaajtsï andarherani Jeobani? Libru “Tata Diosïri xénchperakuarhu ja je”, jarhuataati jorhenguarhirini kurhanguni eska enga úrauaka Bibliaeri konsejuechani, uáka sánderu sési irekani ka ambakiti pájperakua ma jatsini Jeoba jingoni. Nájkirukachi máteru nemani jorhendakia ini libruechani jingoni, jatsiskachi para sési prepararikuarhini méni engachi jorhentpiaka, eratsentaparini ambe enga uétarhinchajka mándani jorhenguarhiri.

¹⁰ Peru ju je eranhaskani eska jorhenguarhiri uékasïnga sánderu ambe míteni ambe  máeri enga imani publikasionirhu jaka engachi no úrajka para jorhentpini. Enga ísï úkuarhipiringa, úpiringachi arhini eska uáka jandiajku arhintani imani publikasionini peru juchachi seguiriuaka jorhendani Bibliaeri ambe úraparini ma indeni libruni engachi uandaakia.

11. ¿Ná jatinchi jatsiski para uénani úni kómarhikua jorhenguarhiri jingoni ka ambechi uá úni paraka ima kurhanguaka eska jukaparhakueska ísï úni?

¹¹ Ju je kómarhikua jingoni uénani mándani jorhenguarhikua. Sáno méntkisï, ¿káni sánderu sési jarhaski para kómarhikua jingoni uénani ka kʼamarani jorhentperakua ma? Ísï no ióni jimbo engachi na uénaakia jorhendani kʼuiripuni ma Bibliaeri ambe. Jatsiskachi para jarhuatani jorhenguarhirini kuenta íntskukuarhini eskachi solu espiritu santu jimbo uáka kurhanguni Tata Diosïri Karakatani. Máru erachicha o pirenchichaksï úrasïndi Santiagu 1:5 para jorhenguarhiri míteni andichisï jatsi para kómarhikua úni engachi imani jingoni jorhenguarhijka, i tekstu arhisïndi: “Ka enga nema kueratajka jánhaskani ambe, kómarhie Diosïni”. Tátsekuaksï kurhamarhisïndi jorhenguarhirini: “¿Ambechi jatsiski para úni engachi uéjka jánhaskakua jatsini?”. Jamberi ima mismu exeati eskachi jatsiska para kómarhini Tata Diosïni.

12. ¿Nénachi úpirini úrani Salmo 139:2-4, para jarhuatani jorhenguarhirini mintsita jingoni kómarhini?

¹² Ju je jorhendani jorhenguarhirini kómarhini Tata Diosïni. Jarhuata je jorhenguarhirini paraka seguru jauaka eska Jeoba uékasïnga imeri kómarhikuechani kurhauani. Nájkiruka Jeoba tʼuini mítejkia iámindu ambe engachi eratsejka o pʼikuarhinhini, ju je arhini jorhenguarhirini eskachi uáka iámu mintsita jingoni aianguni Jeobani na engachi pʼikuarherajka ka uandontskuarhekuni ima amberi engachi no nemani aiangupiringa (arhinta je Salmo 139:2-4). Ístuchi uáka arhini jorhenguarhirini eska kurhakuaka Jeobani eska jarhuataaka mójtakuni imeri eratsekuechani ka para úni jurajkuani no sési járhati pʼindekuechani. Por ejemplu, ju je eranhaskani eska nema enga ióni jorhenguarhikia Bibliaeri ambe tsitisïnga kʼuínchikua ma enga relijioni no jurhimbiti jimbo uéraka. Mítesti eska no sési jarhaska, peru tsitisïndi máru ambe enga imani kʼuínchikua jimbo úkuarhijka. Ju je arhini eska aianguaka Jeobani ambe enga meru pʼikuarherajka ka eska kurhakuaka jarhuajperata para imani ambejku xénchani ambe enga Jeoba xénchajka (Sal. 97:10).

13. a) ¿Andichisï jatsipirini para sóntku pʼímarhini jorhenguarhirini para nirani tánguarhikuecharhu? b) ¿Ambechi uá úni paraka jorhenguarhiri sési pʼikuarheraaka tánguarhikuecharhu?

¹³ Ju je sóntku pʼímarhini jorhenguarhirini para tánguarhikuecharhu nirani. ¿Andi? Jimboka ambe enga tánguarhikuecharhu kurhaauaka ka exeni uáti mintsitarhu niárakuni ka jarhuatani para niárani marhuakuni Jeobani. Ísï jimbo, ju je exerani bideuni ¿Nénaksï úkuarhisïni juchari tánguarhikuecha? Ka pʼímarhini paraka Kʼumanchikua Reinuerirhu niuaka. Uákachi nirani pʼirani, engachi uáka ísï úni. Engachi niuaka Bibliaeri ambe jorhendani, ambe ma engachi uáka úni jindesti pʼímarhiani erachichani parajtsïni nirani pámbeni. Engachi ísï úska, jorhenguarhiri pʼinderiani jauatia kúnguarhikuarhu anapuechani ka sánderu sési pʼikuarheraati enga niuakia tánguarhikuecharhu.

14. ¿Ambe jarhuataa jorhenguarhirini uékani marhuakuni Jeobani?

¹⁴ Ambe engachi jucha uéjka, jindesti jarhuatani jorhenguarhirini para niárani Jeobani marhuakuni (Efes. 4:13). Enga nema jiókuarhijka jorhenguarhini Bibliaeri ambe, jamberi ísï úsïndi solu eratseparini na enga marhuakuaka imani. Peru, enga niáraakia sánderu xénchani Jeobani, jamberi uénaati eratseni néna jarhuataani máteruechani, ka sánderia imechani engaksï kúnguarhikuarhu jaka (Mat. 22:37-39). Ístu, méni engachi uáka, ju je arhini eska kʼéri kóntperata máeska íntspini tumina para Reinueri ánchikuarhita.

15. ¿Nénachi uá jarhuatani jorhenguarhirini para sési úni ambe ma enga problema ambe jatsiaka?

 ¹⁵ Ju je jorhendani jorhenguarhirini para orhepani uérakuani problemechani. Ejempluchi ma jatsikuaka. Bibliaeri jorhenguarhiri ma enga aianhpirikia peru enga nótki itsï atakuarhini jaka, arhisïndijtsïni eska erachi ma no sési pʼikuastaska. ¿Ambechi uá? Enbesi de kuájpini nemani, ju je jorhenguarhirini jingoni exeni ambe enga Biblia arhijka. Uákachi arhini eska uáka tsimani ambe úni: puákuntani erachini, o enga no uáka mirikurhini ambe enga úkuarhika, uékperakua jingoni uandontskuarheni erachi jingoni paraksï seguirini sési pájperani (terokutanta je Mateu 18:15 jingoni). Ju je jarhuatani Bibliaeri jorhenguarhirini para prepararini ambe enga uandaaka. Ka jorhendani úrani aplikasionini JW Library^®, Jarhuajperata paraksï Jeobaeri testiguecha estudiarini ka pájina jw.org^® paraka míteaka néna sési péntani imani uandanhiatani. Enga ante de itsï atakuarhini uákia orhepani uérakuani indeni járhati uandanhiatechani, tátsekua uáti sánderu sési pájperani erachicha jingoni.

16. ¿Andisï sési jaki máteru aianhpirichani pʼímarhiani parajtsï nirani pámbetani Bibliaeri ambe jorhentpini?

¹⁶ Ju je pʼímarhiani máteru erachichani parajtsïni pámbitani estudiuechani uáni ka ístu sirkuitueri orhejtsïkutini enga pʼorhembiaka kúnguarhikuani. ¿Andi? Máru ambe jindesti engachi uandakia párrafu 13 jimbo, ka ístu, jimbokaksï jamberi máteru erachicha uáka sánderu sési jarhuatani jorhenguarhirini máru ambe jimbo. Ju je eranhaskani eska jorhenguarhiri uánikua xanhari jánguarhintaska para nóteru itsutania, peru no úxati ísï úni. Jimajkani ju je pʼimarhini erachini ma enga no uénga jurhajkuni peru enga iásï nóteru itsutajkia. Jamberi ima erachi uáti ambakiti konsejuechani íntsaani jorhenguarhirini. Engachi kʼuratsejka estudiu ma úni imani erachini japarini enga sánderu ióni páni jakaia Jeobani marhuakuni, úpiringachi arhini eska ima orhejtsïkuaka jorhenguarhikuani. Ambe uéjki jimboeni, ju je úraani ambe engaksï xáni míteka ima erachicha. Ju je miáni eska ambe engachi uéjka úni, jindeska eska Jorhenguarhiri niáraka marhuakuni Jeobani.

17, 18. ¿Ambejtsïni jarhuataa exeni sinchi seguiriua jorhendani nemani Bibliaeri ambe o nóteria?

¹⁷ Enga Bibliaeri jorhenguarhiri no xarhatajka eska mójtakurhixaka, jatsiakachi para kurhamarhikuarhini sinchi seguiriua jorhendani. Ma ambe engachi jatsika para exeni antesi de nóteru jorhendania, jindesti na xáni úsïni kurhanguni kʼuiripu. Máru kʼuiripuechaksï sánderu tiempu uétarhinchasïndi paraksï niárani marhuakuni Tata Diosïni. Ísï jimbo, ju je kurhamarhikuarhini: “Míteparini iámu ambe enga nitamakuarhini jaka, ¿sánhani arhixaki Bibliaeri jorhenguarhiri mójtakuni imeri irekuani? ¿Uénaskia úni ambe enga jorhenguarhini jaka?” (Mat. 28:20, TNM). Bibliaeri jorhenguarhiri ma úpirindi kánikua tiempu uétarhinchani para niárani Jeobani marhuakuni, peru jatsisti para xarhatani eska sánhani arhixaka mójtakuni imeri irekuani.

¹⁸ Peru, ¿ambechi uá úni enga jorhenguarhiri no káni, o meru no sáni jukaparharajka Bibliaeri jorhenguarhikuani? Ju je eranhaskani arini  ambe: jorhenguarhiri ma kʼamarastia jorhenguarhini libruni ¿Ambemindusï jorhentpejki Biblia?, ka jámberi ístu arini libruni “Tata Diosïri xénchperakuarhu ja je”, peru no méni niraxati tánguarhikuarhu, ni sikiera jiáni engachi Tata Jesukristueri uarhikuani miántajka. Ístu, ambe uéjki jimbo, someni uandasïndi eska no uáka jorhenguarhini. Enga i ambe úkuarhini japiringa, jimajkani jatsipiringachi para sési uandontskuarhekuni inderi ambe. *

19. ¿Ambechi uá arhini nemani enga ísï xarhatajka eska no jukaparharasïnga Bibliaeri jorhenguarhikuani ka ambechi jatsiski para exeni?

¹⁹ Para uénani uandonskuarhini imani jingoni, úpiringachi arini ambe kurhamarhini: “Cha na exesïni, ¿ambeksïni sánderu ójkutaxaki parajtsï Jeobaeri testigu úkuarhini?”. Engajtsïni jorhenguarhiri ma enga ióni páni jakaia jorhenguarhini, arhipiringa eska tsitisïnga Bibliaeri ambe jorhenguarhini, peru eska no méni niáraaka Jeobaeri testigu úkuarhini, ¿sési japirini parachi seguirini jorhendani? Peru ístu, úpirindijtsïni jiáni aianguni ambe enga ójkutani jaka. Por ejemplu, jamberi ísï pʼikuarherajti eska no méni uáka aianhpini kʼumanchikuecharhu. Engachi na míteakia na enga pʼikuarherajka ima, sánderu fásiliuati míteni néna jarhuatani.

20. ¿Nénajtsïni jarhuatasïni Ukuecha 13:48 TNM, parachi míteni sinchi seguiriua jorhendani nemani Bibliaeri ambe o nóteria?

²⁰ Xáni no sési enga máru Bibliaeri jorhenguarhiricha, ísïka eskaksï israelitecha engaksï Esekieliri jurhiatikuecha jimbo irekapka. Jeoba arini ambe arhispti imani profetani israelitecheri ambe: “Exe, tʼuri ísïska para imecha komueska pirekua ma enga uékperakueri ambe uandajka, enga sési jásï bosi ma pirejka ka enga sési kústanhajka kústatarakua ma jingoni enga kuerdechani jukaaka. Kurhauatiksï chíti uandakuechani, peru no nema uáti ambe engari uandaaka” (Ezeq. 33:32). Jamberichi úkua jukanchajka arhini nemani eskachi nóteru seguiriuakia jorhendani Bibliaeri ambe, peru nóteru xáni tiempu pakaraxatia (1 Kor. 7:29). Ísï jimbo, enbesi de seguirini jarhani tiempu úrani nemani jorhendani enga no xarhatajka eska jukaparharasïnga Bibliaeri ambe, sánderu sésisti eskachi jirinhantauaka imechani engaksï tsípikua jingoni xarhatajka eskaksï uékasïnga irekani para méntkisï (arhinta je Ukuecha 13:48, TNM).

21. ¿Nákiski tekstu para uéxurhini 2020, ka nénajtsïni jarhuataa?

²¹ Tekstu para i uéxurhini 2020, jarhuataatijtsïni eratseni nénachi uá sánderu sési úni ánchikuarhitani para Jesusiri chúxapatichani uáni. Indeni tekstu jimbo, jarhastiksï máru uandakuecha enga Jesusi uandaapka imani tánguarhikua jimbo enga Galilea anapu juáta ma jimbo úpka: “Ísï jimbo, ní je ka jorhendaa je [...]. Itsï ataa je” (Mat. 28:19, TNM).