1, 2. Мар вераз кылчин Иисуслэн шайгуэз доры лыктэм кышномуртъёслы но кыӵе курон-косон сётӥз соослы Иисус?

 АСЬМЕ вакытысь 33-тӥ арын 16-тӥ нисанэ, куазь ӟардыку, куд-ог кайгырись кышномуртъёс мыно шайгу доры, кудаз кык нунал талэсь азьло Иисус Христосэз ватӥзы. Соос солэсь мугорзэ ческыт зыно турынъёсын но вӧйёсын зыраны малпало. Та кышномуртъёс туж паймо, куке адӟо, шайгуын нокин но ӧвӧл шуыса! Кылчин соослы вера, Иисус кулэмысь улӟиз шуыса, озьы ик со ватса: «Со тӥляд азяды Галилеяе вуоз; отысен Сое адӟоды» (Матф. 28:1—7; Лука 23:56; 24:10).

² Сюрес вылысен соосты пумита Иисус но таӵе курон-косон сётэ: «Мынэлэ, Мынам братъёсылы ивортэлэ. Галилеяе мед мынозы, отысен соос Монэ адӟозы» (Матф. 28:10). Нырысетӥез, мар кариз Иисус улӟемез бере,— со дышетскисьёсыныз Галилеяын пумиськон радъяз. Со пумиськонын Иисус соослы куд-ог кулэ луись курон-косонъёс сётӥз.

3, 4. Малы вераны луоз, уж, кудӥз сярысь гожтэмын Матфейлэсь 28:19, 20, апостолъёслы гинэ сётэмын ӧй вал шуыса? (Учке вылбамысь суредэз.)

³ Лыдӟе Матфейлэсь 28:16—20. Галилеяын пумиськонын Иисус дышетскисьёсызлы вераз кулэ луись уж сярысь, кудзэ соослы нырысетӥ даурын быдэстоно вал. Со сыӵе ик уж, кудзэ туннэ ми быдэсъяськомы. Тани солэн кылъёсыз: «Мынэлэ, вань калыкъёсты дышетэлэ... ваньзэ, мае Мон тӥледлы косӥ, соосты быдэсъяны дышетэ».

⁴ Иисуслэн потэ, вань дышетскисьёсыз мед тодытозы шуыса. Кытысь ми тодӥськомы, та ужез Иисус 11 оскымон апостолъёсызлы гинэ ӧз сёты шуыса? Ойдолэ малпаськомы. Галилеяын пумиськонын апостолъёс гинэ вал-а? Кылчин кышномуртъёслы  шуиз: «Отысен [Галилеяын] Сое адӟоды». Озьыен, та оскымон кышномуртъёс но со пумиськонын вал, вылды. Но та ваньмыз ӧвӧл на. Апостол Павел гожтӥз, Иисус «вить сюлэсь трос агай-вынъёслы ваньзылы ӵош возьматскиз» шуыса (1 Кор. 15:6). Кытын ортчиз со пумиськон?

5. Мае валаны луэ, 1 Коринфъёслы 15:6 лыдэ басьтыса?

⁵ Ми юнме гинэ ум малпаське, 1 Коринфъёслы 15:6 вераське шуыса Галилеяын со ик пумиськон сярысь, кудӥз сярысь гожтэмын Матфейлэсь ӟеч иворын 28-тӥ люкетын. Кыӵе мугъёсын сэрен ми озьы малпаськомы? Нырысетӥез, Иисуслэн тросэз дышетскисьёсыз Галилеяысь вал. Соин ик Галилеяысь гурезь (Иерусалимысь коркаен ӵошатыса) тупась инты вал, сомында дышетскисьёсын пумиськон понна. Кыкетӥез, Иисус 11 апостолъёсын Иерусалимысь одӥг коркан адӟиськиз вал ини. Иисус тодытон но дышетскисьёсты дасян ужез апостолъёсызлы гинэ сётыны малпасал ке, со сое Иерусалимын верасал. Соку курысал-а со апостолъёсты, кышномуртъёсты но мукет дышетскисьёсты со доры Галилеяе мыныны? (Лука 24:33, 36).

6. Кызьы Матфейлэсь 28:20 возьматэ, дышетскисьёсты дасян ужез асьме нуналъёсы улӥсь христианъёслы но быдэсъяно шуыса? Макем паськыт вӧлмемын та уж?

⁶ Саклыкмес висъяломы куинетӥ муглы. Дышетскисьёсты дасян ужез Иисус нырысетӥ даурын улӥсь христианъёслы гинэ ӧз сёты. Кытысь ми сое тодӥськомы? Аслэсьтыз курон-косонъёссэ Иисус йылпумъяз таӵе кылъёсын: «Вань нуналъёсы, дунне бырытозь, Мон тӥледын огазьын» (Матф. 28:20). Туннэ, кызьы Иисус азьло ик вераз вал, дышетскисьёсты дасян уж туж паськыт вӧлмемын. Малпалэ гинэ: котькуд ар ог 300 000 адямиос пылатӥсько, Христослэн дышетскисьёсыз луо но Иеговалэн организацияз пыро!

7. Мае ми али эскеромы но малы?

⁷ Тросэз адямиос, кудъёсыныз ми Библиез дышетӥськомы, Инмарен кусыпъёссэс юнмато но пылатӥсько. Нош куд-огъёсыз Христослэн дышетскисьёсыз луыны уг дырто. Соослы кельше дышетыны, нош пылатӥськон понна соос номыр уг лэсьто. Тӥ кинэн ке Библиез дышетӥськоды ке, тӥляд одно ик потэ, со адями басьтэм тодон-валанзэ улоназ мед кутоз но собере Христослэн дышетскисез мед луоз шуыса. Та статьяын ми эскеромы, кызьы юрттоно соослы, кинъёсын ми Библиез дышетӥськомы, Иеговаез яратыны но соин кусыпъёссэс юнматыны. Малы та юанэз эскерыны кулэ? Малы ке шуоно милемлы куке но ужпум кутоно луоз, адямиен Библиез дышетыны азьланьтоно-а, ӧвӧл-а шуыса.

8. Малы адямилы Иеговаез яратыны секыт луыны быгатэ?

⁸ Иеговалэн потэ, адямиос, сое яратэменызы, солы мед ужалозы-тыршозы шуыса. Соин ик милям ужпуммы — юрттыны соослы, кинъёсын ми Библиез дышетӥськомы, валаны, Иегова понна котькуд адями дуно но со ми пӧлысь котькинэ яратэ шуыса. Милям адямиослы юрттэммы потэ Иегова шоры учкыны «Анай-атайтэк кылем нылпиослэн Атайзы, палкышноослэн Дурбасьтӥсьсы» шоры кадь (Пс. 67:6). Куке Библиез дышетӥсь адями валалоз, Инмар сое яратэ шуыса, со но Иеговаез яратыны кутскоз, дыр. Нош куд-ог адямиослы Иегова шоры секыт учкыны яратӥсь Атай шоры кадь, малы ке шуоно вордэм атайзы соослы яратэмзэ но сюлмаськемзэ ӧз возьматъя (2 Тим. 3:1, 3). Сыӵе учырын, Библиез дышетыкуды, Иеговалэн паймымон сямъёсызлы саклыктэс висъялэ. Юрттэ соослы валаны: яратӥсь Инмармылэн соослы пырак улон кузьмамез потэ но сое басьтыны со юрттыны дась. Мар карыны ми эшшо быгатӥськомы на?

9, 10. Кыӵе книгаосъя Библиез дышетоно но малы соосъя дышетоно?

 ⁹ Ортчытэ дышетонъёсты «Малы дышетэ милемыз Библия?» но «Кызьы Инмарлэн яратоназ улоно» (ӟуч) книгаосъя. Та книгаослэн ужпумзы — юрттыны адямиослы Иеговаез яратыны. Кылсярысь, «Малы дышетэ Библия?» книгалэн 1-тӥ люкетэз валэктонъёс сётэ таӵе юанъёслы: «Инмар лек яке со сюлмаське асьме сярысь?», «Кыӵе шӧдонъёсыз кылдо Инмарлэн, адямиослэсь курадӟемзэс адӟыса?» но «Луэ-а Инмарлэн эшез луыны?». Нош «Инмарлэн яратоназ улоно» книга (ӟуч) юрттэ адямилы валаны, кызьы Библиысь возетъёсты уже кутон быгатэ солэсь улонзэ умоятыны но Иеговаен кусыпъёссэ юнматыны. Тӥ та книгаосъя дышетонъёсты трос пол ортчытъяды ке но, котькуд дышетонлы умой дасяське но котькуд дышетскисьлэсь югдурзэ лыдэ басьтэ.

¹⁰ Нош мар кароно, дышетскисьлэн тодэмез потэ ке сое, мар уг эскериськы «Малы дышетэ Библия?» но «Инмарлэн яратоназ улоно» (ӟуч) книгаосын? Ӵектыны луоз солы  аслыз лыдӟыны публикациез, кудаз сое тунсыкъяськытӥсь юан эскериське, но дышетонэз азьланьтыны одӥгез книгая, кудъёсыз сярысь вылӥынгес гожтэмын.

11. Ку вӧсяськыны кутсконо Библиез дышетон дыръя но кызьы валэктоно вӧсяськонлэсь кулэлыксэ?

¹¹ Котькуд дышетонэз вӧсяськонэн кутске. Тырше Библия дышетонэз кутскыны но йылпумъяны вӧсяськонэн, но макем вазьгес тӥ озьы лэсьтоды, сокем умойгес луоз. Умой луысал дышетыны кутскемды бере нырысетӥ арняосаз ик озьы лэсьтыны. Дышетскисьлы валэктыны тырше, Инмарлэсь Кылзэ валаны святой духлэн юрттэменыз гинэ луэ шуыса. Вӧсяськонлэсь кулэлыксэ возьматон понна, куд-ог ивортӥсьёс Иаковлэсь 1:5 уже куто, кытын гожтэмын: «Тӥ пӧлысь кинлэн ке визьлыкез уг ке тырмы, Инмарлэсь мед куроз». Та кылбурез лыдӟыса, соос юало: «Кызьы Инмарлэсь визьлык куроно?» Ӵем дыръя дышетскись вера, вӧсяськыны кулэ шуыса.

12. Кызьы Псалтирез 138:2—4 уже кутыса, дышетскисьлы юрттоно, Иеговалы вӧсяськыкуз, сюлэмзэ усьтыны?

¹² Дышетскисез вӧсяськыны дышетэ. Оскытэ сое, Иеговалэн солэсь сюлмысь вӧсяськонъёссэ кылзэмез потэ шуыса. Валэктэ: ас поннамы вӧсяськыкумы, ми быгатӥськомы Иеговалы сюлэммес усьтыны — вераны сое, мае нокинлы ӧм верасалмы. Тодады возе, Иегова сюлэм малпанъёсмес тодэ ини шуыса. (Лыдӟе Псалтирез 138:2—4.) Озьы ик ми дышетскисьлэсь мылкыдзэ ӝутыны быгатӥськомы Иеговаез курыны, со солы урод малпанъёслэсь но сямъёслэсь куштӥськыны мед юрттоз шуыса. Шуом, адямилы, кудӥз кӧня ке дыр ӵоже Библиез дышетэ ини, дуно потэ сульдэръёслы-идолъёслы йыбыртъянэн герӟаськем праздник. Со тодэ, сое пусйыны шонертэм шуыса, озьы ке но та праздник солы туж кельше. Дышетскисьлэсь мылкыдзэ ӝутэ Иеговалы сюлэмзэ усьтыны но солэсь сюлворыса курыны, яратыны мед юрттоз шуыса сое гинэ, мае ачиз Инмар яратэ (Пс. 96:10).

13. а) Малы дышетскисез кенешлэн пумиськоназ ӝоггес ӧтьыны тыршоно? б) Мар карыны луоз, дышетскись Эксэйлык юртын ассэ умойгес мед шӧдоз шуыса?

¹³ Дышетскисез кенешлэн пумиськоназ ӝоггес ӧтьыны тырше. Со, мае со отын адӟоз но кылоз, быгатэ солэсь сюлэмзэ вырӟытыны но мылкыдзэ ӝутыны Инмарен кусыпъёссэ юнматыны. Возьматэ дышетскисьлы «Мар каро Эксэйлык юртын?» видеороликез но сюлмысь ӧте сое тӥледын ӵош кенешлэн пумиськоназ мыныны. Луонлыкты вань ке, ӵектэ солы Эксэйлык юртозь тӥледын ӵош машинаен мыныны. Умой луысал дышетонэ пӧртэм ивортӥсьёсты ӧтьылыны. Озьы дышетскись кенешысьтыды пӧртэм вын-агайёсын но сузэр-апайёсын тодматскоз но Эксэйлык юртын ассэ умойгес шӧдоз, вылды.

14. Мар дышетскисьлэсь мылкыдзэ ӝутыны быгатэ Инмарен кусыпъёссэ юнматыны?

¹⁴ Милям ужпуммы — юрттыны дышетскисьёслы Инмарен кусыпъёссэс юнматыны (Еф. 4:13). Куке адями соглаш кариське Библиез дышетыны, со нырысь ик малпа, вылды, со сярысь, кыӵе пайда ваёз дышетон солы аслыз. Нош куке солэн Иеговаез яратонэз юнма, со малпаськыны кутске, дыр, кызьы юрттоно мукетъёсызлы, кылсярысь, кенешысь вын-агайёслы но сузэр-апайёслы (Матф. 22:37—39). Возьдаськоно ӧвӧл тупась дыре вераны нимысьтыз луонлыкмы сярысь — Эксэйлык ужлы коньдонэн юрттыны.

15. Кызьы дышетскисьлы юрттоно шуг-секытъёссэ сэрттыны-пертчыны?

¹⁵ Дышетскисез шуг-секытъёссэ сэрттыны-пертчыны дышетэ. Пуктэ син азяды таӵе учырез: адями, кудӥныз тӥ Библиез дышетӥськоды но кудӥз пылатӥськымтэ ивортӥсь  луиз ини, тӥледлы вера, кенешысь кин ке но солэсь кӧтсэ ӝож кариз шуыса. Кин ке пала дур басьтэм интые, умой луысал валэктыны, кызьы Библия сыӵе учыръёсты сэрттыны-пертчыны дышетэ. Со быгатэ вын-агаез простить карыны но луэм учыр сярысь вунэтыны, нош уг пӧрмы ке, солы соин лякытэн вераськыны кулэ, тодаз возьыса ужпумзэ,— вын-агаен кусыпъёссэ тупатыны. (Ӵошатэ Матфейлэсь 18:15.) Юрттэ дышетскисьлы та вераськонлы дасяськыны. Возьматэ солы, кызьы уже кутоно JW Library^® приложениез, Возьмаськон башнялэсь онлайн-библиотеказэ но jw.org^® сайтэз. Дышетскись пылатӥськемезлэсь азьло шуг-секытъёссэ сэрттыны-пертчыны дышетскиз ке, соку пылатӥськемез бере но вын-агайёсын но сузэр-апайёсын со тупаса улыны быгатоз, вылды.

16. Малы умой луоз Библиез дышетонады мукет ивортӥсьёсты ӧтьылыны?

¹⁶ Дышетонады ӧтьылэ мукет ивортӥсьёсты, озьы ик ёросэз чакласез но. Малы? Вылӥын верам мугъёс сяна, вань на эшшо одӥг муг: мукет вын-агайёс но сузэр-апайёс дышетскисьлы юрттыны быгато озьы, кызьы тӥ уд быгатӥське. Кылсярысь, адями, кудӥныз тӥ Библиез дышетӥськоды, тамак кысконзэ куштыны тырше, но, возиськыны быгатымтэеныз, выльысь кыскыны кутске. Дышетонады ӧте Адӟись-Ивортӥсез, кудӥзлэн сыӵе ик шуг-секытэз вал. Дышетскисьлы со вералоз, вылды, ӵапак сое, мар юрттоз солы урод сямзэ вормыны. Тӥ малпаськоды ке, быгатӥсь вын-агай яке сузэр-апай вӧзын кепыралоды шуыса, быгатӥськоды сое курыны дышетонэз ортчытыны. Кызьы гинэ медаз луы, дышетске быгатӥсь вын-агайёслэсь но сузэр-апайёслэсь. Тодады возе: милям ужпуммы — юрттыны дышетскисьлы Инмарен кусыпъёссэ юнматыны.

17, 18. Мае лыдэ басьтоно, дышетонэз дугдытон сярысь малпаськыку?

¹⁷ Адями, кудӥныз тӥ Библиез дышетӥськоды, Инмарен кусыпъёссэ уг юнматы ке, куке но асьтэлы юан сётоно луоз: «Кулэ-а дышетонэз дугдытыны?» Ужпум кутыкуды, дышетскисьлэсь быгатонлыкъёссэ но югдурзэ лыдэ басьтыны кулэ. Кинлы ке но, мукетъёсыныз ӵошатыса, Иеговаез яратон понна, тросгес дыр кулэ. Юалэ асьтэлэсь: «Лэсьтэ-а дышетскись ваньзэ, мае со быгатэ ас югдураз, Инмарен кусыпъёссэ юнматон понна? Кутскиз-а со басьтэм тодон-валанзэ улоназ пыртыны?» (Матф. 28:20). Христослэн дышетскисез луон понна, адямилы трос дыр кулэ луоз, вылды. Нош со пичиен-пичиен улоназ воштӥськонъёс лэсьтыны кулэ.

¹⁸ Нош мар кароно, куке адями, кудӥныз тӥ кӧня ке дыр ӵоже Библиез дышетӥськоды ини, дышетонэз туж ик уг дунъя? Шуом, «Малы дышетэ Библия?» книгаез со дышетыса быдтӥз ини но «Инмарлэн яратоназ улоно» книгаез (ӟуч) дышетыны кутскиз, вылды. Озьы ке но со ӧз лыкты одӥг пумиськонэ но, Тодэ ваён ӝытанэ гинэ но. Со ӵем дыръя  огшоры мугъёсын сэрен вераськем дыре пумиськыны уг быгаты. Сыӵе учырын тӥ соин шонерак вераськыны быгатӥськоды b.

19. Мар вераны луоз солы, кин, ми малпамъя, Библия дышетонэз уг дунъя? Мае соку лыдэ басьтоно?

¹⁹ Дышетскисен вераськонэз кутскыны луоз таӵе юанысен: «Кызьы тӥ малпаськоды, мар люкетэ тӥледлы Иеговалэн Адӟись-Ивортӥсез луыны?» Со вералоз, вылды: «Мыным кельше Библиез дышетыны, но Иеговалэн Адӟись-Ивортӥсез мон ноку уг луы!» Ми соин кӧня ке дыр ӵоже дышетӥськомы ини ке, нош со ялан озьы малпа ке, соку кулэ-а дышетонэз азьланьтыны? Мукет ласянь учкыса, дышетскись тӥледлы нырысетӥзэ вераз, вылды, мар люкетэ солы Инмарен кусыпъёссэ юнматыны. Кылсярысь, со кышканы быгатэ, солы коркась корка ветлыса тодытоно луоз шуыса. Табере, тае тодыса, тӥ умойгес валалоды, кызьы солы юрттыны луоз.

20. Кызьы Апостолъёслэн ужъёссы 13:48 милемлы валаны юрттэ, кулэ-а Библия дышетонэз азьланьтыны?

²⁰ Жаляса верано луэ, куд-ог дышетскисьёслэн мылкыдзы тодэ вайытэ израиль калыкысь куд-ог адямиослэсь мылкыдзэс, кудъёсыз Иезекииль дыръя улӥзы. Тани мае Иегова соос сярысь аслаз пророкезлы вераз: «Тон соос понна чебер куараё сюлэмез вырӟытӥсь кырӟась кадь, умой крезьчи кадь; соос тынэсьтыд верам кылдэ кылзо, но сое уг быдэсто» (Иез. 33:32). Зэм но, адямилы секыт вераны, ми соин Библиез ум дышетэ ини шуыса. Озьы ке но эн вунэтэ, «дыр ӧжыт кылемын ини» шуыса (1 Кор. 7:29). Емыш вайисьтэм дышетонлы дырез быдтэм интые, утчано соосты, «кин быронтэм улон шоры шонер амалэн учке». (Лыдӟе Апостолъёслэсь ужъёссэс 13:48 сноскаысь c.)

21. Кыӵе кылбур быръемын 2020-тӥ арлы но кызьы со милемлы юрттоз?

²¹ 2020-тӥ арлы кылбур юрттоз милемлы саклыкмес висъяны солы, кызьы дышетскисьёсты эшшо но быгатыса дасяно. Та кылбур басьтэмын Иисуслэн кылъёсысьтыз, кудъёссэ со вераз дышетскисьёсызлы Галилеяын кулэ луись пумиськон дыръя: «Мынэлэ, вань калыкъёсты дышетэлэ; соосты... пылатэ» (Матф. 28:19).