1. Jewba, ¿chem dungu feypi ñi rupayal famülke mew?

CHAW JEWBA feypikünuy chem ñi rupayal famülke mu: “Feychi antü mu, mari wentru fillke kewün dungu nielu rüf nünieñmayafingün kiñe judio ñi takun, ka feypiayngün: ‘Allkütuiñ Ngünechen ñi mülen eymün mu, feymu küpa amuiñ eymün mew’” (Zac. 8:⁠23). Tüfachi “judio” adentuley feychi pu cristiano ñi dullietew Chaw Ngünechen ñi newen mu. Kidu engün “Ngünechen ñi Israel trokiñche” ka feypingekey (Gal. 6:⁠16). Ka tati “mari wentru” adentuley kom tati pu che ñi maneluwnieel rumel mongeleal Mapu mew. Fey tüfa engün kimnieyngün Jewba ñi dullifiel pu cristiano ñi mülepual wenu mapu mu, fey rume ayüwkeyngün ñi kiñentrür küdawelafiel ta Ngünechen kidu engün mew.

2. Pu cristiano dullingenolu, ¿chumngechi amuleafuyngün reke pu dullin cristiano engün?

² Biblia feypi tati mari wentru “nünieñmayafingün kiñe judio ñi takun, ka feypiayngün: ‘Allkütuiñ Ngünechen ñi mülen eymün mu, feymu küpa amuiñ eymün mew’”. Tüfachi versiculo feypi kiñe judio müten tañi mülen, welu tati mari wentru feypieyew: “Küpa amuiñ eymün mew”. Feymu tüfachi “judio” adentulelay kiñe che müten, doy may adentuley kom tati pu dullin cristiano. Famülke mu, kimnielaiñ ñi iney pingen kiduke pu dullin cristiano mülewelu Mapu mu,⁠ * welu pu cristiano dullingenolu amuleafuyngün reke kidu engün mu. ¿Chumngechi am? Tati pu kakelu cristiano trür küdawelkefi ta Jewba tati pu dullin cristiano engün. Welu  ñidolkülelu trokikelafingün tati pu dullin cristiano, doy may kimnieyngün Jesus müten fey taiñ “kiñen Ñidol” (Mat. 23:⁠10).

3. ¿Chem ramtun ngüneduamaiñ tüfachi chillkatun mu?

³ Petu mülewelu kay kiñeke dullin cristiano Mapu mu, feymu ramtuwafuiñ chi: 1) pu dullin cristiano, ¿chumngechi müley ñi trokiwal tañi dullingeel mew? 2) ¿Chumngechi müley taiñ trokiafiel tati pu dullin cristiano? 3) Doy amulele tunten cristiano feypikey ñi dullietew Chaw Ngünechen, ¿rakiduamküleafuiñ kay? Tüfachi chillkatun mu ngüneduamaiñ feychi küla ramtun.

4. 1) ¿Chem ngülam mülelu 1 Korintio 11:⁠27-29 inayafi pu dullingelu? 2) ¿Chumngelu (chemu) müley ñi kimtukunieal engün tüfachi ngülam?

⁴ Tati pu dullin cristiano müley ñi inayal ti ngülam mülelu ti lifru Wünen Korintio (papeltunge 1 Korintio 11:⁠27-29). Rakiduamnge femngechi dungu rupafule: kiñe dullin cristiano yenielayafuy ñi mongen chumngechi ñi ayükeel ta Jewba, fey iyafuy müten ti kofke ka putuafuy ti pulku ti trawün mew Jesus tañi lan ñi acordangeal. Femngechi  femfule, culpayafuy feychi trawün mew (Eb. 6:⁠4-6; 10:⁠26-29). Pu dullingelu kimnieyngün ñi püntütripanoal Ngünechen mu, femngechi ‘ñi llowal ti montun dungu Ngünechen tañi eluaetew tañi dullietew mew ta Kristo Jesus mew’ (Filip. 3:⁠13-16).

5. Pu dullin cristiano, ¿chumngechi müley ñi trokiwal tañi dullingeel mew?

⁵ Jewba tañi newen kellukefi pu che ñom piwkengeal, fey ñi mallmawnoal (Efes. 4:⁠1-3; Kol. 3:⁠10, 12). Feymu pu dullin cristiano doykülelu kakelu che mew trokiwkelayngün. Kidu engün küme kimniey Jewba elukefi ñi newen kom tañi pu poyekeetew, feymu rakiduamkelayngün ñi doy elungeal newen kakelu cristiano mew. Kafey pu dullin cristiano rakiduamkelayngün ñi doy küme kimfiel ti Biblia kakelu cristiano mew. Ka feypikelayngün iney no rume: “Eymi ka dullieymu Chaw Ngünechen, mülefuy tami iyafiel ti kofke ka putuafiel ti pulku ti trawün Jesus tañi lan ñi acordangeal”. Doy may, pu dullin cristiano ñom piwkengeyngün ñi rakiduamal Jewba müten dullikey iney ñi amual ti wenu mapu mew.

6. Pu dullin cristiano, ¿chumngechi inayafuyngün ñi feypilen 1 Korintio 4:⁠7, 8?

⁶ Tati pu dullingelu rakiduamkeyngün ñi rume yamfalngen amual wenu mapu mew, welu felefule rume üngümkelayngün ñi doy sakingeal kakelu cristiano mew (Filip. 2:⁠2, 3). Kafey Jewba dullifiel mu kiñe cristiano ñi amual wenu mew, kimelelkelafi kakelu che, fey pu dullingelu kimtukunieyngün tüfa. Feymu newe feyentungenolu ellaka mu tañi dullietew Chaw Ngünechen, “chem dungu anchi ñi feyentungeal” pikeyngün ñi rakiduam. Kidu engün kimnieyngün tati Biblia feypiley taiñ pürüm feyentufemnoafiel iney no rume feypile Ngünechen ñi eluetew kiñe falin küdaw tañi femal (Apok. 2:⁠2). Kafey pu dullin cristiano we kimfiel kiñe che, feypikelayngün ñi dullietew Chaw Ngünechen, femngechi ñi rume sakingenoal. Ka turpu mallmawkelayngün tañi dullingen mew (papeltunge 1 Korintio 4:⁠7, 8).

7. ¿Chem femkelayngün tati pu dullingelu? Ka, ¿chumngelu?

⁷ Pu dullingelu doyümkelayngün ñi trawümekeal tañi pu chaf dullingelu engün müten, koneltulelu reke kiñe püntülechi trokiñche mew. Ka kintukelayngün kakelu dullin cristiano ñi nütramkawal tañi dullingen mew ka ñi wichu chillkatual engün tati Biblia (Gal. 1:⁠15-17). Femngechi femfule engün, kiñewkülelayafuy tati trawünche. Kafey chaftumekeafuyngün Ngünechen tañi newen, tüfa am kellukefilu Jewba tañi pu che ñi kiñewküleal ka tüngküleal engün (Rom. 16:⁠17, 18).

8. ¿Chumngechi trokiafiyiñ tati pu dullin cristiano? (Inaduamnge ti kimal dungu).

⁸ ¿Chumngechi müley taiñ trokiafiel taiñ pu peñi ka pu lamngen dullingelu? Ngelay taiñ püramyeafiel iney no rume, dullingefule rume ñi ngünenieal Jesus engün wenu mew (Mat. 23:⁠8-12). Tati Biblia feypiley taiñ inayentuñmayafiel pu longkolelu ñi feyentun Ngünechen mew engün, welu feypilelay taiñ ñidol nieafiel engün (Eb. 13:⁠7). Tati Biblia feypiley taiñ doy yamafiel kiñeke cristiano. Welu feypilay ñi doy yamniengeal tañi dullingeel mew, doy may tañi küme adkünucheken ka tañi küdawken “ñi dungual ka kimeltucheal” (1 Tim. 5:⁠17, TNM). Rume sakifiliyiñ tati pu dullingelu, tüfa engün yewentukuwafuyngün⁠ * kam mallmawafuyngün, ¡müna weda femafuiñ! (Rom. 12:⁠3). Turpu ayülayafuiñ pu dullingelu ñi welulkayal iñchiñ taiñ duam mu, ¿feley no am chi? (Luka 17:⁠2).

9. ¿Chumngechi pengelafuiñ taiñ yamniefiel pu dullin cristiano?

⁹ ¿Chumngechi pengelafuiñ taiñ yamniefiel feychi pu cristiano ñi dullietew Jewba? Ramtukalayafiyiñ engün chumngechi kimtukuyngün ñi dullietew Jewba. Kidu engün tañi dullingeel mew iñchiñ chumkonlaiñ (1 Tes. 4:⁠11). Ka rakiduamfemlayaiñ kiñe dullingelu tañi afkadi, kam kiñeke tañi pu che ñi ka femngechi dullingeel engün. Chaw Jewba dullikefi iney ñi amual wenu mapu mew, welu tüfachi dullin rulpangekelay tañi pu che mew (1 Tes. 2:⁠11, 12). Kafey kuñiwtukuwaiñ taiñ weda duamelnoafiel kakelu che taiñ ramtun mew. Rakiduamnge tüfachi dungu mew, kurengefule ti dullingelu, ramtumekelayafuiñ tañi domo: “¿Chum duameleymu tami mülewenoal tami füta engu ti we Mapu mew?”. Rüf maneluwküleiñ may, ti we Mapu mu Jewba eluafi “kom ñi duamtunieel kom pu mongelelu” (Sal. 145:⁠16).

10. ¿Chumngelu püramyelayafiyiñ chem che no rume?

¹⁰ Tati Biblia feypiley kiñeke dullin cristiano püntütripayafuyngün Chaw Dios mu (Mat. 25:⁠10-12; 2 Ped. 2:⁠20, 21). Feymu püramyelayafiyiñ chem che no rume. Femngechi ñidol reke nierpulayafiyiñ tati pu dullin cristiano, küme kimniengefule rume kam pütrüñma yeniele ñi poyekefiel ta Jewba. Fey püntütripafule engün Chaw Jewba mu, iñchiñ fentekünulayaiñ taiñ poyemekefiel ta Jewba. Feymu püramyenofiliyiñ tati pu dullingelu, kuñiwtukuwafuiñ taiñ wedalkanoal.

11. ¿Chem dungu rupakey ñi tunten-ngen pu feypikelu ñi dullietew Ngünechen?

¹¹ Kuyfi mu, pichin-ngetukefuy tunten cristiano ikefuy ti kofke ka putukefuy ti pulku ti trawün Jesus tañi lan ñi acordangeal. Welu rupalechi tripantu mew, doy amulerpukey tunten cristiano ñi femngechi femkeel. Feymu inaduamaiñ chumngelu ngelay taiñ rakiduamal tüfachi dungu mew.

12. ¿Chumngelu rakiduamtukunielayaiñ tunten cristiano ikey ti kofke ka putukey ti pulku?

¹² Jewba “kimniefi kom tati konpalelu ta kidu mew” (2 Tim. 2:⁠19). Fill tripantu rakingekey tunten peñi ka lamngen ikey ti kofke ka putukey ti pulku, welu pu rakikelu kimkelayngün iney ñi rüf dullietew Jewba. Taiñ Wenu Chaw müten kimniey. Feymu ñi rakingen mew koneltuley pu cristiano feypikelu ñi dullietew Chaw Ngünechen, welu rüf dullin cristiano ngelayngün. Kafey kuyfi mu kiñeke cristiano ikefuy ti kofke ka putukefuy ti pulku,  welu fantepu mu femwelayngün. Ka kiñeke cristiano weluleafuy ñi rakiduam kiñe kutran mu, fey rakiduamafuy ñi amual wenu mapu mu. Feymu küme kimnielaiñ tunten dullin cristiano mülewey tati Mapu mew.

13. Tati Biblia, ¿feypipey may tunten dullingelu ñi müleal Mapu mew akule ti fütra kutrankawün?

¹³ Wall Mapu müleay dullingelu, Jesus trawülfile engün ñi amual wenu mapu (Mat. 24:⁠31). Tati Biblia kimeltuy afaelchi antü mu, pichin dullin cristiano müten müleweay Mapu mew (Apok. 12:⁠17, TNM). Welu tati Biblia feypilay tunten dullin cristiano ñi müleal Mapu mu akule ti fütra kutrankawün.

14. Ñi feypin 2 Timotew 1:⁠9, ¿chumkonpeiñ may tunten mu ñi dullingeal pu cristiano tañi amual wenu mu?

¹⁴ Jewba feypikey tunten mu ñi dulliafiel pu cristiano tañi amual wenu mu (Rom. 8:⁠28-30). Jewba dullirpumekey iney ñi amual wenu dew ñi wiñomongetun Jesus. Ka ti pu wünenke cristiano ñi antü mu, kom engün peno dullingey tañi amual wenu mu. Welu amulechi tripantu mu, epe kom pu che feypikelu ñi cristiano ngen, rüf inakelafuyngün ta Jesus. Feychi mu pichilekefuy tati pu rüf cristiano, fey Jewba tañi newen mu dullifi engün. Tüfachi pu rüfngechi cristiano tati kachilla reke felefuyngün ñi feypiel ta Jesus, fey pewfaluwi tati weda kachu mew (Mat. 13:⁠24-30). Taiñ mülen antü mu, Jewba amuley ñi dullimekefiel iney ñi koneltuleal tati pu 144.000.⁠ * Feymu Jewba dullifile kiñeke cristiano pichilewele ñi akual ti fütra kutrankawün, ¿chem che trokiwiyiñ taiñ ramtukamekeafiel ñi femün ta Ngünechen? (Papeltunge 2 Timotew 1:⁠9).⁠ * Turpu ayülayafuiñ taiñ  trürümuwal feychi pu küdawfe reke ñi nütramkael ta Jesus. Kidu feypi kiñe ngen küdaw trür femngechi kullifi tati pu wüne akulu ñi küdawal ka tati pu inangechi akulu. Fey tati pu wüne akulu illkutufi tati ngen küdaw ñi femün mu (Mat. 20:⁠8-15).

15. Kiñeke dullin cristiano müten koneltuley ti “kim manelfal kona” ñi feypiel Matew 24:⁠45, ¿chumngelu feypiafuiñ tüfa?

¹⁵ Kiñeke dullin cristiano müten koneltuley ti “kim manelfal kona” mu. Biblia feypi: “Rüfkünu may, ¿iney am chi kim manelfal kona tati ülmen wentru ñi elfalkünuetew tañi kakelu kona mew, femngechi tañi eluafiel ñi iyael engün puwchi antü mu?” (Matew 24:⁠45, TNM). Chumngechi ñi rupan tati pu wünenke cristiano ñi antü mew, Jewba ka Jesus adkünukefi pichin che müten ñi kimeltuafiel ta fentren che. Feychi antü mu, kiñeke dullin cristiano müten elungey ñi wirintukual ti Griego Wirintukun. Famülke mu, pichin dullin cristiano müten elfalkünungey ñi eluafiel Ngünechen tañi pu che “ñi iyael engün puwchi antü mu”. Tüfa engün “kim manelfal kona” pingey mapudungun mu, “esclavo fiel y prudente” wingkadungun mu.

16. ¿Chem kimürpuymi tüfachi chillkatun mew?

¹⁶ Pichi ngüneduamaiñ chem taiñ kimürpun tüfachi chillkatun mu. Jewba eluafi fentren tañi pu che ñi rumel mongeleal Mapu mu, tüfa engün “mari wentru” pingey. Jewba ka eluafi kiñeke müten tañi pu poyekeetew ñi ngünenieal Jesus engu wenu mew, tüfa engün tati “judio” pingey. Welu kom iñchiñ müley taiñ püntütripanoal Jewba mu ka inayafiel tañi ngülam. Kom iñchiñ müley taiñ ñom piwkengeal ka kiñewkülen mu küdawelafiyiñ ta Chaw Ngünechen. Kafey müley taiñ kelluntukuafiel pu peñi ka pu lamngen, fey taiñ kiñewküleal. Pichilewey ñi afal ti wedake dungu, feymu llemay amulepe taiñ küdawelfiel ta Jewba ka taiñ inaniefiel ta Kristo “kiñe kechan müten” reke (Juan 10:⁠16).