1. Jehovap nalitsin­ni qanoq pisoqas­sanerar­paa?

JEHOVA naler­put pil­lugu ima siulit­tuivoq: “Inuiaat as­sigiin­ngitsut tamarmik angutitaasa ilaasa quliul­lutik angut Judak­kuusoq ataaseq atisaata nuuagut tigul­lugu oqarumaar­put: Ingerlaqatigis­savas­si tusaratsigu Guutip najoraasi.” (Zak 8:23) “Judak­kuusoq” Guutip anersaamik il­ler­nar­tumik tanitaanut as­sersuutaavoq. Taak­ku aam­ma ‘Israeli Guutip pigisaanik’ taaneqar­put. (Gal 6:16) ‘Angutit qulit’ nunami naas­saan­ngitsumik inuunis­samik neriugisaqar­tunut as­sersuutaap­put. Taak­kua nalun­ngilaat Jehovap tanitat pil­luaq­qugai taak­kunin­ngalu pal­lorfigin­neqateqar­ner­tik tul­luusimaarutigalugu.

2. ‘Angutit qulit’ qanoq ilil­lutik tanitat ‘ingerlaqatigaat’?

² Tanitat ul­lumik­kut suli nunamiit­tut tamarmik aq­qi ilisimaneqarsin­naan­ngik­kaluar­tut * nunarsuarmi inuunis­samik neriugisaqar­tut tanitat “ingerlaqatigisin­naavaat”. Qanoq? Biibilimi al­las­simaneratut angutit qulit “angut Judak­kuusoq ataaseq atisaata nuuagut tigul­lugu oqarumaar­put: Inger­laqatigis­savassi tusaratsigu Guutip najoraasi”. Versimi tamatumani “angut Judak­kuusoq ataaseq” eq­qaaneqar­poq, versil­li naggataatungaani erseq­qip­poq inum­mut ataasiin­naan­ngitsumut as­sersuutaasoq. Tas­sa Judak­kuusoq tanitanut eqimat­tatut tamar­miusunut as­sersuutaavoq. Tanitaan­ngitsut tanitat peqatigalugit Jehova kif­far­torfigaat. Isumaqan­ngil­lal­li  tanitat naalak­kamis­sut siulersor­tigis­sagitik, nalun­ngin­namik­ku Jiisusi siulersor­tigalugu. – Matt 23:10.

3. Al­laaserisami matumani apeq­qutit suut akineqas­sap­pat?

³ Nunarsuarmi Guutip kif­faani suli tanitaqarmat im­maqa ilaat ima eq­qarsar­put: (1) Tanitaq im­minut qanoq isumaqarfigis­sava? (2) Eq­qaaniaanermi timiusamik viin­nimil­lu ilangiisut qanoq pis­susilersorfigis­savavut? (3) Taak­ku amerliar­tuin­nar­pata isumakuluutigis­savar­put? Al­laaserisami matumani apeq­qutit taak­ku akineqas­sap­put.

4. Korinthimiunut al­lak­kat siul­liit 11:27-29 mianersoq­qus­sut suna tanitat eq­qarsaatigeq­qis­saar­tariaqar­paat, aam­ma sooq?

⁴ Tanitat Korinthimiunut allak­kat siul­liit 11:27-29 mianersoq­qus­sut eq­qarsaatigeq­qis­saar­tariaqar­paat. (Atuakkit). Tanitap qanoq eq­qaaniaanermi “qin­ngaq­qun­narluni” timiusamik viin­nimil­lu ilangiisin­naava? Taamaalius­saaq timiusamik viin­nimil­lu ilangiitigaluni Jehovap inas­sutaanik unioq­qutitsiguni. (Hebr 6:4-6; 10:26-29) Tanitat nalun­ngilaat ‘ajugaasup  nersor­naatisias­saa, Guutip Kristusi-Jiisusik­kut pavan­nga qaaq­qusis­sutaa, piniarlugu’ aalajaat­tuar­tariaqarlutik. – Fil 3:13-16.

5. Tanitaq im­minut qanoq isumaqarfigis­sava?

⁵ Jehovap anersaava il­ler­nar­toq kif­faanik makitasuun­ngor­titsinani maniguun­nis­saan­nik ikiuisar­poq. (Ef 4:1-3; Kol 3:10, 12) Taamaat­tumik tanitat isumaqan­ngil­lat al­lanit pitsaanerul­lutik. Nalun­ngilaat nunami inuunis­samik neriugisalin­nit anersaamik il­ler­nar­tumik an­nerusumik pisus­saatitaanatik. Isumaqan­ngil­lat sal­lusuis­sutit itisuut Biibilimeersut up­peqatimin­nit paasil­luar­nerusin­naal­lugit. Aam­ma kinaluun­niit oqarfiginavian­ngilaat aam­ma taan­na tanitaasimasoq eq­qaaniaanermilu timiusamik viin­nimil­lu ilangiisaler­tariaqar­toq. Aap, maniguul­lutik paasivaat Jehova kisimi qilaliar­nis­samut qaaq­qusisar­toq.

6. Korinthimiunut al­lak­kat siul­liit 4:7, 8-lu naaper­torlugit kristumiut tanitat qanoq pis­suseqas­sap­pat?

⁶ Tanitat qilaliar­nis­samik qaaq­qusaaner­tik ataq­qinaatitut isigigaluarlugu im­mik­kut ataq­qineqar­nis­sar­tik naatsorsuutigin­ngilaat. (Fil 2:2, 3) Aam­ma nalun­ngilaat Jehovap tanik­kamigit taman­na al­lanut ilisimalersin­ngik­kaa. Taamaat­tumik tanitap tupaal­laatigineq ajor­paa tanitaanini ingerlaan­naq al­lanit up­perineqan­ngik­kaangat. Nalun­ngilaa Biibilimi al­las­simasoq Guutimit im­mik­kut akisus­saaf­filigaasimanerar­toqar­pat tamatumin­nga up­perin­nipal­las­san­ngitsugut. (Saqq 2:2) Tanitap alutoreq­qusaar­tuun­ngin­nami tanitaanini inum­mut siul­ler­paamik naapitaminut oqalut­tuarinavian­ngilaa. Tanitaaninilu pil­lugu al­lanut oqarataarutiginavian­ngil­luin­nar­paa. – 1 Korinthimiut 4:7, 8 atuakkit.

7. Tanitat suniar­navian­ngil­lat, aam­ma sooq?

⁷ Tanitat al­lanit im­mik­koor­titaasutut pis­susilersun­ngin­namik tanitat al­lat kisiisa peqatiginiarsarisan­ngilaat. Tanitaaner­tik pil­lugu oqaloqatis­sarsior­natik tanitaqatitil­lu Biibilimik eq­qar­tueqatiginiarlugit tanitanik al­lanik naapitas­sarsior­neq ajor­put. (Gal 1:15-17) Taamaalior­taraluar­pata ilagiit ataasius­suseqas­san­ngil­lat. Anersaamut il­ler­nar­tumut, Guutip in­nut­taanik eq­qis­seqatigiis­sitsil­lunilu ataasius­suseqar­titsisumut, akerliusumik iliuuseqas­sagaluar­put. – Rom 16:17, 18.

8. Sooq tanitat pis­susilersorfiginerinut tun­ngatil­lugu mianersor­tariaqar­pugut? (Takuuk qup­per­nerup ataani ilan­ngus­saq).

⁸ Qatan­ngutit angutit ar­nal­lu tanitat qanoq pis­susilersorfigis­savavut? Inuk kinaluun­niit,  aam­ma Kristusip qatan­ngutigigaluar­pagu tanitaq, nuan­naar­torival­laalerutsigu kuk­kunerus­saaq. (Matt 23:8-12) Biibilimi utoq­qaaner­tat eq­qaaneqaraangata taak­kua upper­neran­nik ilaarseq­qul­luta kajumis­saar­neqar­tar­pugut, al­las­siman­ngilarli inuk naalak­katsitut siulersuisorilis­sagip­put. (Hebr 13:7, NW) Taavami sooq Biibilimi al­las­simava ilaat ‘marloriaam­mik ataq­qineqar­tus­saasut’? Tamatumun­nga pis­sutaasoq tas­saavoq taak­kua ‘paarsisuul­luar­tuunerat qasusuil­lutil­lu nalunaajaasar­nerat ajoqersuisar­neral­lu’, tanitaanerat pis­sutaanani. (1 Tim 5:17) Tanitat nersor­pal­laarlugil­lu soqutigival­laarutsigit peq­qusiileqilersis­savavut. * Ajor­nerus­sagaluar­porlu makitasuun­ngor­neran­nik kinguneqar­pat. (Rom 12:3) Arlar­pul­luun­niit Kristusip qatan­ngutaasa tanitat ilaata taamatut ingasat­tumik kuk­kus­suteqar­nis­saanut pisoorusun­ngilaq! – Luk 17:2.

9. Kristumiut tanitat ataq­qil­lugit qanoq ersersis­sin­naavar­put?

⁹ Jehovamit tanitaasut ataq­qil­lugit qanoq ersersis­sin­naavar­put? Qanoq tanitan­ngorsimanersut aperis­san­ngilavut. Taman­na al­lat susas­sarin­ngim­mas­suk uagut paasisas­sarin­ngilar­put. (1 Th 4:11; 2 Th 3:11) Aam­ma isumaqalis­san­ngilagut tanitap uia nulialuun­niit, angajoq­qaavi ilaqutaalu al­lat aam­ma tanitaasut. Neriuut ilaqut­tanit kingor­nus­sarsiaanani Guutimit tunis­sutaavoq. (1 Th 2:12) Al­lat ajual­laatigisaan­nik apeq­quteqar­naveersaas­saagut. As­sersuutigalugu tanitap nulia aperis­san­ngilar­put uimi naas­saan­ngitsumik nunameeqatigin­ngin­nis­saa pil­lugu qanoq misiginersoq. Up­peril­luin­narsin­naavar­pum­mi silarsuar­taas­sami Jehovap ‘pin­ngor­titat tamaasa kis­saatigisaan­nik qaarsil­lar­tit­tas­sagai’. – Tuss 145:16.

10. Ingasat­tumik nuan­naar­torin­nin­naveersaar­neq qanoq il­lersuutaava?

¹⁰ Tanitat al­lanit pingaar­nerusutut pin­ngik­kutsigit im­minut il­lersus­saagut. Qanoq? Tanitat ilaat aalajaak­kun­naarsin­naaneran­nik Biibilimi paasitin­neqar­pugut. (Matt 25:10-12; 2 Petr 2:20, 21) Qatan­ngutit tanitaagaluar­pata, ilisimaneqarluaraluar­pata ukior­pas­suar­niluun­niit aalajaal­lutik Jehovamut kif­far­torsimagaluar­pata ingasat­tumik nuan­naar­torival­laas­san­ngilavut. (1 Kor 3:4, 5) Aalajaak­kun­naaraluar­patami uagut Jehova up­periun­naar­navian­ngilar­put kif­far­torfigiun­naar­nagulu.

11. Eq­qaaniaanermi timiusamik viin­nimil­lu ilangiisut qas­siunerinut tun­ngatil­lugu qanoq pisoqarsimava?

¹¹ Eq­qaaniaanermi timiusamik viin­nimil­lu ilangiisut ukior­pas­suar­ni ikiliar­torsimap­put. Ukiunili kingul­ler­ni ukiut tamaasa amerleriar­tarsimap­put. Sooq taman­na isumakuluutigisariaqan­ngin­nerip­put misis­soriar­tigu.

12. Sooq eq­qaaniaanermi timiusamik viin­nimil­lu ilangiisut qas­siuneri isumakuluutigis­san­ngilar­put?

¹² “Naalak­kap pigisani ilisimavai.” (2 Tim 2:19) Qatan­ngutit angutit eq­qaaniaanermi timiusamik viin­nimil­lu ilangiisunik kisitsisut naluaat kik­kut ilumut tanitaanersut, Jehoval­li nalun­ngilaa. Taamaat­tumik kisin­neqar­tunut ilaap­put kuk­kul­lutik tanitaasorisut. As­sersuutigalugu timiusamik viin­nimil­lu ilangiisar­tut ilaat taamaalior­tarun­naar­put. Al­lat isumak­kut misigis­sutsik­kul­lu ajor­nar­torsiuteqarlutik isumaqarsin­naap­put Kristusi qilam­mi naalak­kersueqatigis­sal­lugu. Erseq­qip­poq tanitat nunami kingulerut­tut qas­ser­piaanersut oqaatigisin­naan­ngik­kip­put.

13. Biibilimi al­las­simava an­nikil­lior­nar­torsuaq aal­lar­tip­pat tanitat qas­sit suli nunamiis­sanersut?

 ¹³ Jiisusi tanitat qilam­mut kater­sus­sal­lugit tikiup­pat nunar­pas­suar­ni tanitaqas­saaq. (Matt 24:31) Biibilimit erser­poq ul­lus­sani kingul­ler­ni tanitat nunarsuarmi ‘amiak­koqarumaar­tut’. (Saqq 12:17, tastamantitâĸ) Al­las­siman­ngilarli an­nikil­lior­nar­torsuaq aal­lar­tip­pat qas­sit suli nunamiis­sanersut.

14. Timotheusimut al­lak­kat aap­paat 1:9-mi ersersin­neqar­tutut tanitanik toq­qaanermut tun­ngatil­lugu suna paasisariaqar­par­put?

¹⁴ Jehovap aalajanger­tar­paa qaquguk­kut tanitanik toq­qaas­saner­luni. (Rom 8:28-30) Jiisusip toqusunit makititaanerata kingor­na Jehova toq­qaasaler­poq. Ukiunilu qulik­kuutaani tul­liut­tuni kristumiut ilumoor­tut tamarmik tanitaasimagunar­put. Tamatuma kingor­na ukiuni hundredelik­kuutaani kristumiuunerar­tut amerlanerit Kristusimik malin­nin­ngil­lat. Taamaak­kaluar­toq ukiuni taak­kunani kristumiut ilumoor­tut ikit­tun­nguit Jehovamit tanin­neqar­put. Jiisusip qajuusias­sanut naasupiluit akor­nan­ni naasunut as­sersuup­pai. (Matt 13:24-30) Ul­lus­sani kingul­ler­ni Jehovap 144.000-nut ilaasus­sanik toq­qar­tuinini ingerlatiin­nar­paa. * Guuti naggatis­saq nal­liutiliivis­soq toq­qaaniarluni aalajanger­pat eq­qor­tulior­nera apeq­qusin­ngil­luin­nas­savar­put. (2 Timotheusi 1:9 atuaruk). * Sulisut Jiisusip as­sersuusiorluni oqalut­tuarisai as­sigerusun­ngilavut. Taak­ku naalak­kap  nalunaaqut­tap-akun­nerani kingul­lermi sulilersunik qanoq pin­nin­nera naam­magit­taal­liuutigaat. – Matt 20:8-15.

15. Tanitat tamarmik ‘inus­siamut aalajaal­lunilu silatuumut’, Mat­thæusi 24:45-47 eq­qaaneqar­tumut, ilaap­pat? Nas­suiaruk.

¹⁵ Qilaliarnis­samik neriugisal­lit ilaan­naat ‘inus­siamut aalajaal­lunilu silatuumut’ ilaap­put. (Matthæusi 24:45-47, NW atuakkit). * Ukiuni hundredini siul­ler­nisul­li ul­lumik­kut Jehovap Jiisusil­lu inuit ikit­tun­nguit atorlugit inup­pas­suit nerisit­tar­paat, tas­sa ilin­niar­tit­tar­paat. Kristumiut siul­liit nalaan­ni kristumiut tanitat ikit­tuin­naat Kristumiut Al­lagaataan­nik Grækerisuunik al­latsin­neqar­put. Nalitsin­ni kristumiut tanitat ikit­tuin­naat Guutip in­nut­taanik “pif­fis­saq eq­qorlugu” anersaak­kut nerisitsinis­saq akisus­saaf­figaat.

16. Al­laaserisamit matuman­nga suut ilik­kar­pigit?

¹⁶ Al­laaserisami suut ilik­kar­pavut? Jehovap aalajangersimavaa in­nut­tami amerlanersaat nunami naas­saan­ngitsumik inuus­sasut ikit­tuin­naal­lu Jiisusimik naalak­kersueqateqar­tus­sat qilalias­sasut. Jehovap kif­fani tamaasa, “Judak­kuusoq” aam­ma ‘angutit qulit’, akis­sarsisis­savai. Taak­kualu tamaasa as­sigiin­nik inatsiseqar­til­lugil­lu aalajaat­tuas­sasut peq­quai. Tamarmik maniguut­tuas­sap­put. Tamarmik Jehovamik kif­far­torfigin­nil­lutil­lu ataasius­suseqas­sap­put. Ilagiin­nilu eq­qis­seqatigiin­neq tamarmik sulis­sutigis­savaat. Naggatis­saq qanil­liar­tor­til­lugu tamat­ta Jehovap kif­far­torfigiuar­nis­saa ‘savaatitul­lu ataatsitut’ Kristusip malit­tuar­nis­saa aalajangiusimatigu. – Joh 10:16.