1. ¿Ambe uandaspia Jeoba eska úkuarhipiringa juchari jurhiatikuecha jimbo?

INI jurhiatikuecheri ambe uandaparini, Jeoba uandaspti: “Imani jurhiatikuecha jimbo, diesi acheetichaksï iámindu idiomecheri engaksï iretecharhu uandanhajka, jupikaatiksï, jo, uinhamuksï jupikakuati xukuparakua judiuni ma, arhiparini: ‘Uékasïngachi chánksïni jingoni nirani, jimbokachi kurhaaska eska Tata Diosï chánksïni jingoni jarhaska’” (Zac. 8:23). I “judiu”, imechani arhikuekaasïndi enga Tata Diosï espiritu santu jimbo erakuaaka, engaksï ístu ísï mítikateka komu ‛Israeli enga Tata Diosïrika’ (Gal. 6:16). Ka “diesi acheetichaksï” imechani arhikuekaasïndi engaksï jatsika erokuarhikua para irekani méntkisï ixú Echerirhu. Íchaksï mítesti eska Jeobasï erakuajka imechani engaksï auandarhu niuaka ka kʼéri kóntperata máesti para imecha, marhuakuni Tata Diosïni erakukatecha jingoni.

2. ¿Ambe arhikuekasïni eskaksï “diesi acheeticha” úsïnga nirani erakukatecha jingoni?

² Nájkiruka iásï no mítikuarhika na engaksï arhinhajka iámindu erakukatecha engaksï útasï Echerirhu irekani jaka, * imecha engaksï jatsika erokuarhikua para Echerirhu irekani, úsïndiksï erakukatecha jingoni “nirani”. ¿Ambe arhikuekasïni i ambe? Biblia uandasïndi eskaksï “diesi acheeticha” uinhamu jupikakupiringa “xukuparakua judiuni ma” ka uandanksï: “Uékasïngachi chánksïni jingoni nirani, jimbokachi kurhaaska eska Tata Diosï chánksïni jingoni jarhaska”. I bersikulu, máechakua judiueri uandasïndi. Peru diesi acheetichaksï ísï uandajpasïndi enajkiksï uánikue, jimbokaksï arhisïnga “chánksïni”. I ambe arhikuekasïndi eska ima “judiu” no máechakua kʼuiripueska, sánderu sési, arhikuekasïndi iámu grupuni erakukatecheri. Imecha engaksï no erakukateka, májku kʼériksï marhuakusïndi Jeobani erakukatecha jingoni. Peruksï no ísï exeasïndi komueska imecheri  orhejtsïkuticha iámindu ambe jimbo, jimboka máechakuajkusï Orhejtsïkuti jaka enga jindeka Jesusi (Mat. 23:10, Táta Diósïri Uandakua Tata Jesukristueri Aiatsperakua).

3. ¿Náki kurhamarhikuechani mókuantaua i jorhenguarhikua?

³ Jimboka ini jurhiatikuecha jimbo, útasïksï pakarani jaka erakukatecha Tata Diosïri iretarhu, jamberiksï máru jimbosï kurhamarhikuarhijti: ¿nénaksï jatsiski para exekuarhini erakukatecha?, ¿nénaksï jatsiski para kánhani imecha engaksï kurhinda ka binu arhajka Miántskuarhu? ka ¿jatsiskichi para uandanhiani engaksï sánderu uániuakia imecha engaksï kurhinda ka binu arhajka Miántskuarhu? I jorhenguarhikua mókuantauati ini kurhamarhikuechani.

4. Eska na arhijka 1 Korintu 11:27-29, ¿ambeksï jatsiski para jingontku exeni erakukatecha ka andi?

⁴ Karakatarhu 1 Korintu 11:27-29 jimbo (arhinta je), arhisïndi ambe ma engaksï erakukatecha jatsika para jingontku exeni. ¿Néna úpirini erakukata ma arhani kurhinda ka binu peru no jukanchani para ísï úni? Enga apiringa kurhindani ka binuni peru no ísï irekani eska Jeobaeri juramukuecha na uandajka (Ebr. 6:4-6; 10:26-29). Erakukatechaksï mítesti eskaksï jatsiska para no méni jurajkuni  Jeobani engaksï uéjka ‛andani indeni premiuni enga jimbo Diosï ióarhiaka auandarhu uératini Jesukristuni jimbo’ (Filip. 3:13-16).

5. ¿Nénaksï jatsiski para exekuarhini erakukatecha?

⁵ Jeobaeri espiritu santu úsïndi eskaksï k’uiripuecha sánderu kaxumbitiuaka ka no eskaksï sánderu k’éramakuarhiaka (Efes. 4:1-3; Kol. 3:10, 12). Jimboksïsï erakukatecha no ísï pʼikuarherajti enajkiksï sánderu kʼéri ambee ka eska máteruecha. Mítestiksï eska no solu jimbokaksï erakukateska, Jeoba sánderu espiritu santu íntsaasïnga ka eska máteru imeri maruarhichani. Níjtuksï eratsejka eskaksï sánderu sési míteska Bibliaeri ambe eska máteru kʼuiripuecha. Ka nóksï méni arhipirindi nemani: “Tʼújturi erakukateska, jatsipiringari para kurhinda ka binu arhani Miántskuarhu”. Sánderu sési, kaxumbikua jingonksï jiókuarhisïndi eska Jeobajkusï újka pʼímarhini nemani para auandarhu nirani.

6. Eska na arhijka 1 Korintu 4:7, 8, ¿nénaksï jatsiski para jámani erakukatecha?

⁶ Nájkirukaksï erakukatecha míteka eska kʼéri kóntperata máeska intsïnhani indeni pʼímarperakuani para auandarhu nirani, nóksï erokuarhisïndi eskaksï sánderu sési kánhaaka eska máteruecha (Filip. 2:2, 3). Ístuksï mítesti eska jiáni enga Jeoba erakuapka, úspti eskaksï no iáminduecha mítepiringa. Ísï jimbo, kristianu ma enga erakukateka, no no sési exesïndi enga máteru kʼuiripu úkua jukanchaaka kurhanguni eska Tata Diosï erakuska. Biblia jorhentpisïndi eskachi no jirejiresï jakajkukuauaka iáminduechani engaksï uandajka eska Tata Diosï ambakiti ánchikuarhita ma íntsaaska (Jaŋ. 2:2). Ístu, jiáni engaksï nemani mítejka nóksï aiangusïndi eskaksï erakukateska, jimbokaksï no uékasïnga eskaksï kʼéri ambe exenhaaka. Ka ístuksï no méntku jámani jarhasïndi uandani eskaksï erakukateska (arhinta je 1 Korintu 4:7, 8).

7. ¿Ambeksï no úsïni erakukatecha ka andi?

⁷ Erakukatechaksï no solu máteru erakukatecha jingoni sési pájperasïndi, enajkiksï grupurhu ma jaki enga solu jindeka para imecha. Níjtuksï jámajki uandajpaani máteru erakukatechani paraksï uandontskuarheni na enga jindeka erakukateni, ni paraksï grupuechani uáni para imechajku jorhenguarhini Bibliaeri ambe (Gal. 1:15-17). Engaksï indeni ambe úpiringa, nóksï jarhuajpini japirindi para kúnguarhikua májku kʼéri jarhani. Nóksï imani ambe úni japirindi enga espiritu santu úrpijka, enga újka eska Tata Diosïri iretarhu májku kʼéri jauaka ka pínandikua jingoni (Rom. 16:17, 18).

8. ¿Andichisï jatsi para jingontku jámani na engachi kájka erakukatechani? (Ístu exe je nota).

⁸ ¿Nénachi jatsiski para kaani erachichani ka pirenchichani engaksï erakukateka? No sési jarhasti  jukari kʼéri ambe exeni kʼuiripuni ma, nájkiruka erakukata máeuaka enga jindeka Kristueri ermanu ma (Mat. 23:8-12). Enga Biblia orhejtsïkuticheri ambe uandajka, arhisïndi: “Jánguarhi je ísï mintsikani Diosïni eskaksï imecha”, peru no arhisïndi eskachi kʼuiripueri ma chúxapatiuaka (Ebr. 13:7). Ísïsti, Biblia ístu uandasïndi eskaksï máru kristianuecha uétarhinchasïnga “tsimani uelta sánderu janhanharhinhani”. Peru no jindesti jimbokaksï erakukateska, sino jimbokaksï sési orhejtsïkusïnga kúnguarhikuani ka ístuksï sési “uandajtsïkpini ka jorhentpini” (1 Tim. 5:17). Úpiringachi no sési pʼikuastaani erakukatechani engachi jukari sési ambe arhiaska o jukari sési kaani * o sánderu no sési ambe, úpiringachi úni eskaksï jukari arhikuarhiaka jimbokaksï erakukateska (Rom. 12:3). ¿A no eskachi no uékasïnga úni eska erakukata ma no sési ambe niátaaka? (Luk. 17:2).

9. ¿Nénachi uá janhanharhiani erakukatechani?

⁹ ¿Nénachi uá janhanharhiani imechani enga Jeoba erakuaka? Uénani jámani, nóchi kurhamarhiauaka nénaksï kuenta íntskukuarhiski eskaksï erakukateska. Ambe máesti engachi jucha no jatsika para míteni (1 Tes. 4:11; 2 Tes. 3:11). Ístuchi no jatsiska para eratseni eska témbajtu o uamba, táticha o máteru familiarichaksï ístu erakukateska. No jimboka familiarhu anapu ma erakukateskia, arhikuekasïnga eskaksï máteruechajtu erakukateska, Tata Diosïsï erakuajti (1 Tes. 2:12). Ístuchi no jatsiska para kurhamarpini ambe ma enga no sési pʼikuastpiaka. Por ejemplu, nóchi méni kurhamarhiaka erakukateri témbani ma néna pʼikuarherasïni enga eratsejka eska irekaaka para méntkisï Echerirhu peru no uámba jingoni. Jimbokachi sési mítetixaka eska jimbanhi parhakpinirhu, Jeoba uáka eska iámu kueraakata jatsiaka ambe enga uétarhinchaaka para tsípikua jingoni irekani (Sal. 145:16).

10. ¿Andichisï no jatsi para kʼéri ambe exeani kʼuiripuechani?

¹⁰ Ístu, engachi no ísï kaajka erakukatechani enajkiksï sánderu jukaparhakuepirini eskaksï máteruecha, juchachi mismu kuájchakukuarhisïnga. ¿Néna? Biblia uandasïndi eskaksï máru erakukatecha úpiringa jurajkuni Jeobani (Mat. 25:10-12; 2 Ped. 2:20, 21). Peru engachi no kʼéri ambe exeajka kʼuiripuechani, nóchi méni jindeuaka kʼuiripuecheri chúxapaticha, nájkirukaksï erakukateuaka, kánikua mítekateni oksï ióni marhuakunia Jeobani (Jud. 16). Jiájkani, engaksï imecha niáraaka jurajkuni Jeobani o kúnguarhikuani, juchachi seguirini jauaka mintsikani Jeobani ka marhuakuni.

11. ¿Méntkisï májkueni jarhaski númeru imecheri engaksï kurhinda ka binu arhajka Miántskuarhu?

¹¹ Jiniani uéxurhinicha jimbo, sánderu ka sánderuksï namunituxaptia imecha engaksï kurhinda ka binu arhenga Miántskuarhu. Peru arini uéxurhinicha jimbo, sánderu ka sánderuksï uánixati. ¿Jatsipirinchi para uandanhiani i ambe jimbo? Nómbe. Ju je exeni máru ambe engajtsïni jarhuataaka kurhanguni andichisï no jatsi para uandanhiani.

12. ¿Andichisï no jatsi para uandanhiani na engaksï xáni uániika imecha engaksï kurhinda ka binu arhajka Miántskuarhu?

¹² Jeoba “mítiasti imerichani” (2 Tim. 2:19). Jeoba mítesti néchaksï sési jimbo erakukateski, peru ima erachicha engaksï kuenta újka namuniskiksï engaksï arhajka kurhinda ka binu Miántskuarhu, nóksï mítesti. Ísï jimbo, asta imechanksï kuenta uásïndi engaksï eratsejka eskaksï erakukateska peruksï sési jimbo no jindeni. Máru engaksï arhenga, iásïksï nóteru arhasïndia. Ka máteruechaksï uandasïndi  eskaksï Jesusi jingoni niuaka juramuni jini auandarhu peru jimbokaksï pʼamenchakua ma kámasïnga éjpurhu. Ísï jimbo, nóchi míteska meru namunksï erakukatecha útasï jarhaski ixú Echerirhu.

13. ¿Bibliarhu arhisïndi namunksï erakukatecha pakarani jaua jiáni enga uénakuarhiaka kʼéri mískuarhita?

¹³ Erakukatechaksï uápurisï jauati Echerirhu jiáni enga Jesusi junguaaka para auandarhu paantani (Mat. 24:31). Ísïsti eska Bibliarhu ísï kurhangukuarhesïnga eska últimu jurhiatikuecha jimbo útasïksï jauaka erakukatecha Echerirhu (Jaŋ. 12:17). Peru no arhisïndi meru namunksï pakarani jaua jiáni enga kʼéri mískuarhita uénakuarhiaka.

14. ¿Ambejtsïni jorhendasïni Roma 9:11, 16, káni engaksï pʼímarhinhajka erakukatecha para auandarhu nirani?

¹⁴ Jeobaesti enga uandajka káni pʼímarhini kristianuni ma para auandarhu nirani (Rom. 8:28-30). Ísï tátsekua enga Jesusi na tsíntapkia, Jeoba uénaspti pʼímarhiani kristianuechani paraksï jatsini erokuarhikua para auandarhu nirani. Primeru siglurhu, iámindu ambakiti kristianuechaksï erakukatespti. Peru uánikua uéxurhini tátsekua, uánikua kʼuiripuecha engaksï uandenga eskaksï kristianuespka, sési jimboksï no jindespti. Nájkiruka inde ambe úkuarhini japka imani jurhiatikuecha jimbo, Jeoba erakuaspti máteru namunitu ambakiti kristianuechani engaksï japka. Íchaksï ísïspti komueska ima trigu enga Jesusi uandapka eska uitsakua jingoni andarapiringa (Mat. 13:24-30). Últimu jurhiatikuecha jimbo, Jeoba seguirixati erakuani imechani engaksï kuenta úkuarhiaka 144,000 erakukatecha jingoni. * Ísï jimbo, enga Tata Diosï pʼímarhiaska máru paraksï auandarhu  nirani sánititu ante de kʼamajkuni Noambakitiri parhakpinini, ¿néskichi jucha para kurhamarhini andisï ísï újki ambe ma? (arhinta je Roma 9:11, 16). * Nóchi uékasïnga májkueni jámani eska ima kʼuiripuecha enga Jesusi uandantskuarhu ma jimbo uandaapka, engaksï ikiapka patroni jingoni imani ambe jimbo enga ima úpka imecha jingoni engaksï últimu ora uénapka ánchikuarhini (Mat. 20:8-15).

15. ¿Nénachi míteski eskaksï no iámindu erakukatecha jindeska jántspiri enga mintsinharhikueka ka jánhastiini?

¹⁵ No iáminduecha engaksï erokuarhikua jatsika para auandarhu nirani, imani grupurhu jaki enga jindeka jántspiri enga mintsinharhikueka ka jánhastiini (arhinta je Mateu 24:45-47). Májkueni eska primeru siglurhu, Jeoba ka Jesusiksï namunitu erakukatechani úraasïndi paraksï uánikuechani jorhendaani. Primeru siglurhu, namunitu erakukatechaksï úranhaspti paraksï Karakata Griegaechani karaaani. Iásï, namunitu erakukatechaksï jatsisti ánchikuarhitani paraksï jorhendaani Tata Diosïri iretarhu anapuechani.

16. ¿Ambejtsï jorhenguarhiskia ini jorhenguarhikua jimbo?

¹⁶ Ju je miántani ambe engachi exeka ini jorhenguarhikua jimbo. Jeoba uandastia eska íntsauaka tsípikua para méntkisï ixú Echerirhu sáno iámindu imeri marhuarichani ka tsípikua jini auandarhu namunituechani engaksï Jesusi jingoni juramukua. Tata Diosï kóndiantaasïndi iámindu imeri marhuarichani —“judiuni” ka ístu “diesi acheetichani”— ka arhiasïndi iáminduechani eskaksï ísï uáka ambe enga ima juramujka ka eskaksï no méni jurajkuaka. Iáminduechaksï jatsisti para no méni jurajkuni ka májku kʼériksï marhuakuni imani. Ka iáminduechaksï jatsisti para jánguarhintani paraka pínandikua jauaka kúnguarhikuarhu. No ióni jimbo Noambakitiri parhakpini kʼamajkunhaatia, ísï jimbo, ju je seguirini marhuakuni Jeobani ka májku kʼéri chúxapani Kristuni (Juanu 10:16).