1. Pérzha binaatʼáanii baazhdoogáałgo éí áłtsé haazhdoonííł?

PÉRZHA hoolyéedi ałkʼidą́ą́ʼ áadi kééhonítʼı̨́ı̨́ ńtʼéeʼgo baa nitsíníkees. Éí áadi naatʼáanii nilíinii baa deeshaał nínízingo éí Shúshan hoolyéégóó díínááł. Ákótʼéego naatʼáanii baazhdoogáałgo éí alą́ąjįʼ biniyé nihozhdooʼááł, ndi tʼáadoo ákójiidzaagóó éí hodiʼyoolyéełda!—Esther 4:11.

2. Jiihóvah bichʼįʼ yéiiltiʼ dooleełgi haitʼéego yaa nitsékees?

² Baa ahééh hwiindzingo Jiihóvah éí díí Pérzhadi naatʼáanii átʼéhígi doo ákójítʼée da. Jiihóvah éí bílaʼashdlaʼii binaatʼáanii danilíinii yiláahdi átʼé. Áko Bí éí tʼáá hoolzhishgo nihá hasʼą́. Áádóó shichʼįʼ yádaałtiʼ nihiłní. Azhą́ shı̨́ı̨́ Ayóó Átʼéii Áʼiilaaii, Ayóó Ábóodziilii, Aláahgo Bóhólníihii bee biʼdójíi ndi, kótʼéego nihaa nitsékees, wóshdę́ę́ʼ ‘Shizhéʼé’ dashidohní, nihiłní. (Matt. 6:9) Kótʼéego nihaa nitsékeesgi ayóó ajéí nayiiłná.

3. Haʼátʼíí biniyé Jiihóvah Nihizhéʼé dabidiʼní? Haʼátʼíí baa nídadíitʼįįł?

³ Tʼáá ákónéehee éí Jiihóvah “Shizhéʼé” bidiiʼníi doo. Háálá éí Bí bitsʼą́ą́dóó iiná dadeeztʼiʼ. (Acts 17:​24, 25) Nihizhéʼé jílı̨́, áko bikʼeh honiilʼı̨́į doo. Áko haʼátʼíí shı̨́ı̨́ yichʼįʼ nihiłʼáii íiʼníiłgo éí nihikʼijidlí. (Heb. 12:9) Éí yáʼąąshdi doodaiiʼ nahasdzáán bikááʼ iiná doo ninítʼiʼii nihaa doolyééł. Dííshjı̨́ı̨́góó tʼáá ákótʼé, ląʼígóó yee nihikʼijidlí. Áádóó Jiihóvah éí haitʼéego Azhéʼé ayóóʼóʼóʼníinii nilı̨́ áádóó haʼátʼíí biniinaa doo yóóʼanihididooʼáał da? Ndi áłtsé baa nídadíitʼįįłígíí éí haʼátʼíí biniyé tʼáá aaníí daniidzingo Nihizhéʼé yáʼąąshdi hólóonii ayóóʼánihóʼní áádóó nihaa áhályą́.

4. Haʼátʼíí biniinaa łaʼ éí Jiihóvah Shizhéʼé deididooniiłgi bá nidantłʼa?

⁴ Niísh éí Diyin shizhéʼé bidiʼníigi ná nantłʼa? Łaʼ kótʼéego nitsídaakees. Jiihóvah yeeʼ ayóó átʼéii nilı̨́įgo biniinaa doo anishłı̨́į da danízin łeh. Ndi Nizhéʼé ayóóʼóʼóʼníinii éí tʼáadoo kótʼéego nitsídaakeesí nihiłní. Éí iiná nihainílá áádóó hazhóʼó kʼé dashidohníi doo nihóʼní. Áko Paul éí díí tʼáá aaníí níigo Áthenzdi diné yee yichʼįʼ haadzííʼ, Jiihóvah éí “nihitsʼą́ądi doo nízaadi hojílǫ́ǫ da,” ní. (Acts 17:​24-29) Áko tʼááłáʼí niitínígo áłchíní yázhí éí bizhéʼé dóó bimá ayóóʼábóʼníigo doo tʼą́ą́ʼ nilı̨́ı̨́góó yichʼįʼ yáłtiʼígi átʼéego Diyin shichʼįʼ yádaałtiʼ nihiłní.

5. Nihisister éí haʼátʼíí bitsʼą́ą́dóó bídahwiilʼą́ą́ʼ?

⁵ Łaʼ éí Jiihóvah Shizhéʼé deididooniiłgi bá nidantłʼa. Háálá éí tʼáá bí dabizhéʼé doo ayóóʼádabóʼníi dago biyaa dahooʼaʼ. Nihisister łaʼ kóníigo haadzííʼ: “Shizhéʼé bizaad ayóó yishchʼíiʼgo yee atíshíłʼı̨́ı̨́ ńtʼééʼ. Áádóó Diyin Bizaad bíhooshʼaahgo baa nídiisdzá. Áko Jiihóvah éí Shizhéʼé bidideeshniiłgi ayóó shá nantłʼa. Áádóó Jiihóvah hazhóʼó bééhosésįįdgo doo ákóníshtʼée da sélı̨́ı̨́ʼ.” Niísh tʼáá ákotʼéego nitsíníkees łeh? Ákótʼéego nitsíníkeesgo ni ałdóʼ Jiihóvah Azhéʼé ayóó átʼéii átʼéego bééhodíisįįłgo átʼé.

6. Matthew 11:27 éí Jiihóvah Nihizhéʼé bidiʼníigi haitʼéego yee nihíká aalwod?

⁶ Jesus bizaad dóó áátʼįįd yę́ęgi Diyin Bizaad biiʼ baa haneʼgo ályaago éí Jiihóvah Nihizhéʼé bidiʼníigo yee nihíká aalwod. (Matthew 11:27 yíníłtaʼ.) Jesus éí tsʼídá nizhónígo Bizhéʼé átʼéiigi yeʼiilaa. Áko kóní: “Tʼáá háiida shiiłtsánígíí éí aTaaʼ yiyiiłtsą́.” (John 14:9) Jesus éí Jiihóvah Azhéʼé ídlı̨́įgi ląʼídi yee haadzííʼ. Gospels dı̨́įʼgo sinilígíí Jesus kótʼéego Jiihóvah “aTaaʼ [Shizhéʼé]” yiłníigo ląʼídi haadzííʼ. Haʼátʼíí biniyé kótʼéego Jiihóvah ayóó baa yájíłtiʼ ńtʼééʼ? Jó łahgo éí, Jiihóvah éí Azhéʼé ayóóʼóʼóʼníinii nilı̨́įgi diné bił béédahodoozįįł yiniyé átʼı̨́.—John 17:​25, 26.

7. Jiihóvah éí biYeʼ Jesus yiyíistsʼą́ą́ʼ ńtʼéeʼgi haʼátʼíí bitsʼą́ą́dóó bíhooʼaah?

⁷ Jiihóvah éí biYeʼ yiyíistsʼą́ą́ʼ ńtʼéeʼgi haʼátʼíí bitsʼą́ą́dóó bíhooʼaah? Jiihóvah éí Jesus bisodizin áłahjįʼ yiyíistsʼą́ą́ʼ ńtʼééʼ. Doo éí tʼóó yidiiztsʼą́ąʼ da, ndi hasodizin answer ánéíłʼı̨́ı̨́ ńtʼééʼ. (John 11:​41, 42) Jesus éí haʼátʼíí shı̨́ı̨́ bee bichʼįʼ nahwiiʼnáa ndi, Bizhéʼé bibee ayóóʼóʼóʼní índa bíká análwoʼgi yaa ákonízin ńtʼééʼ.—Luke 22:​42, 43.

8. Jiihóvah éí Jesus haitʼéego yíká aalwod?

⁸ Jesus éí “aTaaʼ bee hinishnánígi átʼéego” níigi éí Shizhéʼé bee hinishná níigo ání. (John 6:57) Jesus éí Bizhéʼé tsʼídá yéigo yaʼólí. Áádóó Jiihóvah éí Jesus yídin nilíinii yee yíká aalwod. Íiyisígíí éí Jesus yéigo beʼoodląʼ bidziil dooleełgo Jiihóvah yee háká análwoʼ ńtʼééʼ.—Matt. 4:4.

9. Jiihóvah éí azhéʼé ayóóʼóʼóʼníinii índa áhályáanii nilı̨́įgi haitʼéego Jesus yił ííshjání áyiilaa?

⁹ Tʼáá azhéʼé ayóóʼóʼóʼnínígi átʼéego Jesus éí Jiihóvah Hazhéʼé hakééʼ sizı̨́įgi hoł bééhózin doogo áyósin ńtʼééʼ. (Matt. 26:53; John 8:16) Jiihóvah éí Jesus atídooníiłgi doo tʼóó yichʼą́ą́h naagháa da ńtʼééʼ. Éí haʼólníi doogo yee yíká aalwod. Jesus bił bééhózingo tʼóó kóníshgháníjįʼ tiʼhwiizhdoonih. (Heb. 12:2) Jiihóvah éí Jesus yiyíistsʼą́ą́ʼ, yíká análwoʼ, neineeztą́ą́ʼ, áádóó yikééʼ sizı̨́įgo yíká aalwod. (John 5:20; 8:28) Yáʼąąshdę́ę́ʼ  Nihizhéʼé haitʼéego nihaa áhályą́ągi baa nídadíitʼįįł.

10. Psalm 66:​19, 20 éí Jiihóvah haitʼéego ayóóʼánihóʼníigi nihiłní ííshjání ííłʼı̨́ ní?

¹⁰ Jiihóvah éí nihisodizin nihá yiyíistsʼą́ą́ʼ. (Psalm 66:​19, 20 yíníłtaʼ.) Tʼáá áłahjįʼ shichʼįʼ sodadoolzin nihiłní. (1 Thess. 5:17) Háadi shı̨́ı̨́ neiidáa ndi, tʼáá oolkił oolééł Jiihóvah bichʼįʼ sodiilzin doo. Tʼáá áłahjįʼ éí nihíistsʼą́ą́ʼ áádóó nihisodizin yibaʼ átʼé. Áko bichʼįʼ sodiilzingo nihá yidiitsʼaʼgo éí bee áhání bił niidlı̨́. Psalmist łaʼ ání: Jiihóvah “ayóóʼóóshʼní, háálá bichʼįʼ yáshtiʼígíí áádóó yíníshkeedígíí shá yidiiztsʼą́ą́ʼ.”—Ps. 116:1.

11. Nihisodizin éí Jiihóvah haitʼéego nihił ííshjání ánéíłʼı̨́?

¹¹ Nihizhéʼé éí nihisodizin doo tʼóó yidiitsʼaʼ da. Ndi éí nihił ííshjání ánéíłʼı̨́. Yilʼaadii John ání: “Diyin God tʼáá bí íinízinii bikʼehgo haʼátʼíhída bídayíníikeedgo nihididootsʼı̨́łígíí nihił béédahózin.” (1 John 5:​14, 15) Shisodizin shá bikʼeh áhodoolnííł doo niidzin da doo. Jiihóvah éí haʼátʼíí shı̨́ı̨́ nihá yáʼátʼéhígíí bił bééhózin. Áko éidí dooda doodaiiʼ áłtsé bibaʼ ánítʼé nihiłniih.—2 Cor. 12:​7-9.

12-13. Yáʼąąshdę́ę́ʼ Nizhéʼé éí haitʼéego nihíká análwoʼgo átʼé?

¹² Jiihóvah éí bídin niidlíinii yee nihíká análwoʼ. Éí azhéʼé haʼátʼíí shı̨́ı̨́ yił nayólíhígíí Bí ałdóʼ yee áká análwoʼ. (1 Tim. 5:8) Azhéʼé éí baʼáłchíní yídin nilíinii yee yaa áhályą́ą łeh. Chʼiyáán, ééʼ, áádóó hooghan ádaatʼéii nihá yisłáago éí tʼáadoo nitsinéiiltłiʼí doo nihóʼní. (Matt. 6:​32, 33; 7:11) Tʼáá azhéʼé dóó amá átʼéhígi átʼéego Jiihóvah éí bídin niidlíinii baa nihił hózhǫ́ǫ dooleełii nihá yinahaʼá.

¹³ Tsʼídá aláahdiígíí éí Jiihóvah bił kʼéʼahidiiʼníi dooleełgi yee nihíká análwoʼ. Diyin Bizaad biiʼdę́ę́ʼ éí Jiihóvah átʼéiigi, tʼáá ałtsoní áyiilaii, yiniyé áyiilaagi, biniyé iináagi, áádóó náasdi áhootʼée dooleełgi yee nihił halneʼ. Áádóó Jiihóvah hazhóʼó bééhodiilzįįłgi nihizhéʼé dóó nihimá doodaiiʼ háí shı̨́ı̨́ nanihinitinígíí choyoołʼı̨́įgo yee nihíká análwoʼ. Congregation elders índa brothers dóó sisters dahóyáanii ałdóʼ nihíká anájah. Náánáłahgo éí congregationgi nihibrothers dóó nihisisters bił áłah néidleehgo ákweʼé Jiihóvah nanihinitin. Jiihóvah éí azhéʼé aa nitsékeesígi átʼéego nihaa nitsékees.—Ps. 32:8.

14. Haʼátʼíí biniyé Jiihóvah nanihinitin, áádóó haitʼéego nanihinitin?

¹⁴ Jiihóvah nanihinitin. Jesus éí doo niʼiisíihii nilı̨́ı̨́ ńtʼééʼ, nihí éí doo ákóniitʼée da. Nihizhéʼé ayóóʼánihóʼníinii éí tʼáá hashkée yee nanihidínóotįįłgo átʼé. Bizaad ánihiłní: Jiihóvah “éí ayóóʼáyóʼníinii tʼáá hashkée [yee] neinitin.” (Heb. 12:​6, 7) Jiihóvah éí ląʼígóó hashkée yee nanihinitin. Éí łahda Bizaad biiʼdę́ę́ʼ yíníiltaʼgoda, doodaiiʼ áłah néiidleehgi haʼátʼíí shı̨́ı̨́ jidiitsʼı̨́įhgo hashkée bee nihichʼįʼ haʼadzihgo átʼé. Doodaiiʼ elderda łaʼ nihichʼįʼ hadoodzih. Tsʼídá haitʼéego shı̨́ı̨́ Jiihóvah éí tʼáá hashkée yee naʼnitingo ayóóʼánihóʼníigo átʼı̨́.

15. Jiihóvah éí haitʼéego nihaa áhályą́?

¹⁵ Achʼįʼ nahwiiʼná bichʼįʼ haʼííníilníi doogo Jiihóvah yee nihíká análwoʼ. Azhéʼé ayóóʼóʼóʼníinii baʼáłchíní bichʼįʼ dahodiiʼnáahgo yíká análwoʼ łeh, tʼáá ákótʼéego yáʼąąshdę́ę́ʼ Nizhéʼé nilíinii nihíká análwoʼ. Biníłchʼi diyinii choyoołʼı̨́įgo éí bił kʼéʼahidiiʼníigi doo doochxǫǫł da. (Luke 11:13)  Áádóó nitsééʼáltłiʼ bichʼįʼ haʼííníilníi doogo yee nihíká análwoʼ. Tsʼídá nizhónígo ił chohooʼíinii nihainíláago binahjįʼ achʼįʼ nahwiiʼná bichʼįʼ hadaʼííníilní. Éí atínihiʼdiilyaa ndi, Nihizhéʼé ayóóʼánihóʼníinii ałtso nihá nahjįʼ kónéidoodlííł. Achʼįʼ nahwiiʼnáa ndi, éí tʼóó kóníshgháníjįʼ átʼé. Jiihóvah yee akʼijidlíii éí hoolʼáágóó hólǫ́.—2 Cor. 4:​16-18.

16. Ádam éí Bizhéʼé ayóóʼóʼóʼníinii doo yikʼeh hółʼı̨́ı̨́góó haa hóótʼįįd?

¹⁶ Bílaʼashdlaʼii tʼóó hodeezlı̨́ı̨́ʼdę́ę́ʼ achʼįʼ nahwiiʼná háátʼiʼgo Jiihóvah éí tʼáá íídą́ą́ʼ bibee ayóóʼóʼóʼní nihił ííshjání áyiilaa. Ádam doo akʼeh hółʼı̨́ı̨́góó biniinaa tʼáá hó índa haʼáłchíní náás daʼahideeshchíinii éí Hazhéʼé Jiihóvah baʼáłchíní bitahdóó nahjįʼ kóhoʼdiilyaa. (Rom. 5:12; 7:14) Kóhóótʼįįd ndi, Jiihóvah éí tʼáá íídą́ą́ʼ áká adeeshwoł niizı̨́ı̨́ʼ.

17. Ádam doo ákʼeh hóółʼįįd bikééʼdóó Jiihóvah haʼátʼíí tʼáá íídą́ą́ʼ áyiilaa?

¹⁷ Jiihóvah éí Ádam yá nihoníʼą́. Ádam baʼáłchíní náás daʼahideeshchíinii tʼáá bá ił chohooʼı̨́įgo yá áyiilaa. Bílaʼashdlaʼii akʼeh dahółʼı̨́į dooleełígíí éí shaʼáłchíní nídadoodleeł níigo haadzííʼ. (Gen. 3:15; Rom. 8:​20, 21) Éí biYeʼ ayóóʼáyóʼníinii Jesus beʼiinaʼ ninéididooʼáałgo áyiilaa. Áko éí kótʼéego biYeʼ niiníłtı̨́įgo ninéidiníʼą́ągo bééhózingo Jiihóvah ayóóʼánihóʼní.—John 3:16.

18. Azhą́ Jiihóvah bitsʼá diniidzáa ndi, haʼátʼíí biniyé shaʼáłchíní nihóʼní?

¹⁸ Nidaʼiyiilzííh shı̨́į ndi, Jiihóvah éí shaʼáłchíní nihóʼní. Áádóó doo éí ádanihideeláa da. Áko łahda shı̨́ı̨́ doo bił hózhǫ́ǫ́góó ánéílʼįįh doodaiiʼ haa nízahjįʼda bitsʼá niidzá. Ndi Jiihóvah éí doo  nihikʼididoogáał da. Jesus éí ayeʼ yóóʼííyáago yaa hoolneʼ yę́ę binahjįʼ Jiihóvah azhéʼé nilı̨́įgi ayóó átʼéego aa joobaʼgo átʼé. (Luke 15:​11-32) Éí azhéʼé yaa halneʼígíí biyeʼ shaa nídoodááł nízingo tʼáá bił chohooʼı̨́. Áko biyeʼ nádzáago azhéʼé yaa bił hózhǫ́. Áko Jiihóvah bitsʼá diniidzáagoda áádóó hazhóʼó tsíńdeekéezgo Nihizhéʼé ayóóʼánihóʼníinii éí shaa nízhdoodááł nihóʼníigo nihíká déezʼı̨́ı̨́ʼ.

19. Ádam ałtso ííłchxǫʼ yę́ęgi Jiihóvah haitʼéego hashtʼéédoodlííł?

¹⁹ Ádam tʼáá ałtso nihitsʼą́ą́ʼ niyiishchxǫʼ yę́ę Nihizhéʼé altso hashtʼéédoodlííł. Ádam doo akʼeh hóółʼįįdóó bikʼijįʼ Jiihóvah éí 144,000 ánéelą́ągo bílaʼashdlaʼii adopt áyiilaa. Éí yáʼąąshdi biyeʼ Jesus yił dahwéeʼaah doogo yiniyé náyiizlááʼ. Éí bílaʼashdlaʼii akʼeh dahółʼíinii yíká adoojahgo tsʼídá nizhónígo hadadíłtʼéego áńdeidoodlííł. Díí tsʼídá ákéeʼdi naʼíhonitaah yiiʼ chʼéheeskaigo éí iiná doo ninítʼiʼii Diyin beidoolééł. Áko áadi índa Nihizhéʼé éí nahasdzáán tsʼídá bił nizhónígo tʼáá altso baʼáłchíní hadadíłtʼéego yinéłʼı̨́į doo. Dooládóʼ ayóó átʼéego hózhǫ́ǫgo hazʼą́ą doo.

20. Jiihóvah ayóóʼánihóʼníigi haitʼéego nihił ííshjání áyiilaa, áádóó díí bikééʼdóó haʼátʼíí baa nídadíitʼįįł?

²⁰ Jiihóvah éí ayóóʼánihóʼníigi nihił ííshjání áyiilaa. Azhéʼé tsʼídá yáʼátʼéehii nilı̨́. Nihisodizin yidiitsʼaʼ. Bídin niidlíinii dóó bił kʼé ahidiiʼníigi yee nihaa áhályą́. Nanihinitin áádóó nihikééʼ sizı̨́. Áádóó tsʼídá yáʼádaatʼéehii yee nihikʼihozhdoodliiłgo nihá yisłá. Yéigo éí baa nihił dahózhǫ́ Nizhéʼé ayóóʼánihóʼní índa nihaa áhályą́. Díí bikééʼdóó éí baʼáłchíní daniidlı̨́įgi bibee ayóóʼóʼóʼní haitʼéego baa ahééh daniidzin dooígi baa ídahwiidiilʼááł.