1. მუ რდუ საჭირო სპარსეთიშ მეფეშა მინაულარო?

წერმიდგინით, ნამდა სოდგარენ 2 500 წანაშ წოხლე სპარსეთის ცხოვრენთ დო გოკონა მუდგარენ საკითხიშ გურშენ მეფეწკუმა ჩიება, ათეშენ სამეფო ქალაქ, შუშანშა მეურთ. თქვა აზრო ხოლო ვამგალენა თე მეფეშა ნებართვაშ უმშო მინულა, მუშენდა თეშ გურშენ შილებე სიცოცხლე მიოდინუათ! (ესთ. 4:11).

2. მუნერ დამოკიდებულება ოკო მიღდან იეჰოვაწკუმა ჩიებაშ გურშენ?

² მუზმათ მარდულეფ ვორეთ, ნამდა იეჰოვა ვაგ სპარსეთიშ მეფეს! იეჰოვა არძა ადამიანურ მართველშე აღმატებულ რე, თეშ უმკუჯინუო, ჩქი ნებისმიერ დროს შემლებნა თიწკუმა რაგად. თის ოკო ჩქი თავისფალო ქუდურაგადუათ. მაგალთო, მართალ რე, იეჰოვას უღჷ თიცალ წოდებეფ, მუნერით რე, დიდებულ გუმაჭყაფალ, ირფელიშშემალებე დო უზენაეს უფალი, მარა თის ოკო ჩქი მიმაფრთათ, მუჭოთ ჩქინ „მუმას“ (მათ. 6:9). მუნერ გურიშ ემაკინალ რე თიშ რჩქინა, ნამდა იეჰოვას ოკო თიწკუმა ხოლოს ვორდათ!

3. მუშენ შემლებნა დუძახათ იეჰოვას „მუმა“ დო მუს გუვარჩიენთ თე სტატიას?

³ ჩქი ნამდვილო შემლებნა დუძახათ იეჰოვას „მუმა“, მუშენ-და თინა რე სიცოცხლეშ მუმაჩამალ (ფსალმ. 36:9). თიშ გურშენ, ნამდა თინა ჩქინ მუმა რე, მოვალნა დევემორჩილათ თის. მუჟამსით იეჰოვას ოკონ თეშ ქიმიფქციებუთ, გეფხარენთ კურთხევეფით (ებრ. 12:9). თე კურთხევეფშა მიშურს მარადიულ სიცოცხლე მუჭოთ ზეცას, თეშ დედამიწას ხოლო. ჩქი ამდღა ხოლო მიღნა ხიოლიშ მიზეზეფ. თე სტატიას გუვარჩიენთ მუ ამტკიცენს, ნამდა იეჰოვა მოჸოროფე მუმა რე დო მუშენ შემლებნა ბჯერდან, ნამდა თინა ხოლო დღას ვემმოტენა. პირველ  რიგის მორთ გუვარჩუათ მუშენ შემლებნა ვორდათ დარწმუნებულ, ნამდა ჩქინ ზეციერ მუმას მანგარო ვუჸორთ დო თინა ზრუნენს ჩქინდე.

4. მუშენ რე ძნელ ნამთინეშო, ნამდა ღორონთის თეშ უჯინან, მუჭოთ მუმას?

⁴ ხომ ვა გოძნელნა იეჰოვას თეშ უჯინათ, მუჭოთ მუმას? შილებე ნამთინე ფიქრენდას, იეჰოვა თიცალ დიდებულ რე, ნამდა თიშ თოლს ჩქი მუთუნ ვა ვორეთ. თინეფს ოეჭვუნა, ნამდა ირფელიშშემალებე ღორონთ თითოულ პიროვნებაშო ზრუნენს. მარა ჩქინ მოჸოროფე მუმას ვაკო თაშ იფიფქრათ. თიქ მუჩეს სიცოცხლე დო ოკო ნამდა თიწკუმა ხოლოშიან ურთიერთობა მიღდან. მუჟამსით მოციქულ პავლე თე საკითხიშ გურშენ ათენს იჩიებუდ, თიქ მუშ მარჩქილეეფს ეუნწყჷ, ნამდა იეჰოვა „შორს ვა რე“ თითოულ პიროვნებაშე (საქ. 17:24—29). ღორონთის ოკო, თეშ დურაგადუათ, მუჭოთ ბაღანა ურაგად მოჸოროფე დო მზრუნველ მშობელს.

5. მუს ბგურაფლენთ ართ დაშ მაგალითშე?

⁵ შხვეფს შილებე გუჭირდან, ნამდა იეჰოვა მოჸოროფე მუმათ მირჩქინან, მუშენდა მუნეფიშ მუმალეფშე ჸოროფა დო ყურადღებას ვა გინაფლენდეს. დეფიქრით ართ დაშ სიტყვეფშე. თინა იჩიებ: „ჩქიმ მუმა სიტყვიერ შეურაცხყოფას მუმორინუანდჷ. დუდშე, მუჟამსით ბიბლიაშ გურაფა დიბჭყჷ, ჩქიმო ძნელ რდუ ზეციერ მუმაწკუმა ხოლოშიან ურთიერთობაშ გავითარება. მარა, მუჟამსით იეჰოვა უჯგუშო გეფჩინებაფე, ირფელქ დითირჷ“. თქვა ხოლო დუდის თაშ ქოგინაფლენთ-და, გურქ ვა გოიტირხან. დროშ მიკულაწკუმა ართო ქიგინანთ, ნამდა იეჰოვა არძაშ უჯგუშ მუმა რე.

6. მუჭოთ მათეშ 11:27-ის ჭარჷ, მუ რე ართ-ართ მხარე, მუდგათ იეჰოვა მოხვარნა თინა მოჸოროფე მუმათ მიფრჩქინათ?

⁶ ართ-ართ მხარე, მუდგათ იეჰოვა მოხვარნა თინა მოჸოროფე მუმათ მიფრჩქინათ, იესოშ სიტყვეფ დო ცხოვრება რე, ნამუთ ბიბლიას რე მოჩამილ (წეკითხით მათე 11:27). იესო მუშ მუმაშ სრულყოფილ ამნახანტ რდუ, ათეშენ თის შეულებუდ თქუკო: „მა ბძირუნ თიქ, მუმა ხოლო ძირჷ“ (იოან. 14:9). იესო ხშირას მიშინუანდჷ იეჰოვას, მუჭოთ მოჸოროფე მუმას. ხვალე ოთხ სახარებას იესოქ სიტყვა „მუმა“ იეჰოვაშ მიმართ სოდგარენ 165-შა გიმირინუ. მუშენ მიშინუ იესოქ თეცალ ხშირას იეჰოვა, მუჭოთ მუმა? ართ მიზეზ თინა რდუ, ნამდა ადამიანეფ დარწმუნკო მუნერ მოჸოროფე მუმა რე იეჰოვა (იოან. 17:25, 26).

7. მუშ გურაფა შემლებნა იეჰოვაშ გურშენ, თიშე დაკვირებათ, მუჭო ოქცუდ თინა მუშ სქუას?

⁷ გუვარჩუათ მუშ გურაფა შემლებნა იეჰოვაშ გურშენ, თიშე დაკვირებათ, მუჭო ოქცუდჷ თინა მუშ სქუას, იესოს. იეჰოვა იესოშ ლოცვეფს ირიათო ურჩქილედ. მარა თინა უბრალოთ ვა ურჩქილედუნ, პასუხენდჷ თიშ ლოცვეფს (იოან. 11:41, 42). მუნერ განსაცდელს ვეშეხვადკონ, იესო ირიათო გინაფლენდჷ მუშ მუმაშე ჸოროფას დო ელარნას (ლუკ. 22:42, 43).

8. მუჭო ოხვარუდ იეჰოვა იესოს?

⁸ იესოს უჩქუდ, ნამდა მუშ მუმა სიცოცხლეშ მუმაჩამალ რდუ დო ათეშენ თეცალ სიტყვეფ თქუ: „თიშით ფცოცხლენქ“ (იოან. 6:57). იესო სრულას ონდუდ მუამუშის დო იეჰოვა ხოლო ზრუნენდჷ თიშ ფიზიკურ საჭიროებეფშე. მარა, მუთ მთავარ რე, იეჰოვა ოხვარუდ იესოს ართგურ ქუდოსქილადედკო (მათ. 4:4).

9. მუჭო დამტკიც იეჰოვაქ, ნამდა მოჸოროფე დო მზრუნველ მუმა რდუ იესოშო?

⁹ იეჰოვაქ, მუჭოთ მოჸოროფე მუმაქ დარწმუნ იესო, ნამდა ელურდჷ თის (მათ. 26:53; იოან. 8:16). მართალ რე, იეჰოვას ვა დუცვებ იესო არძა ზიანშე, მარა მეხვარ სირთულეეფიშ გარზებას. იესო დარწმუნებულ რდუ, ნამდა ნებისმიერ განსაცდელ, მუდგას შეხვადუდ,  დროებით იჸუაფუდ (ებრ. 12:2). იესოშე ზრუნენდუნ თინა იეჰოვაქ თით დამტკიც, ნამდა ურჩქილედ, მიკაჯინედ, ოგურუანდჷ დო ელურდჷ თის (იოან. 5:20; 8:28). მორთ ასე ქობძირათ, მუჭო ზრუნენს ჩქინ ზეციერ მუმა ჩქინდე.

10. მუჭოთ ფსალმუნიშ 66:19 დო 20-ის ინოჭარ, მუჭო მოძირანა იეჰოვა, ნამდა ვუჸორთ?

¹⁰ იეჰოვა ურჩქილე ჩქინ ლოცვეფს (წეკითხით ფსალმუნი 66:19, 20). თინა ვა მიზღუდენა მუსხიშა, მუშ გურშენ დო მუზმა ხანს ოკო იბლოცათ; პირიქით, მომწოდენა, მუთ შილებე ხშირას დურაგადუათ თის (1 თეს. 5:17). ჩქი შემლებნა ნებისმიერ დროს პატიცემათ დურაგადუათ ჩქინ ღორონთის, ვა უღჷ მნიშვნელობა სო ვორეთ. თინა დღას ვა რე თიცალ დაკავებულ, ნამდა ჩქინ მარჩქილაფშა ვა ჩოდუდას; თინა ირიათო მაქციენა ყურადღებას. ჩქი უმოსო დევეახლოვებუთ ღორონთის, მუჟამსით დუვაფასენთ თის, ნამდა თინა ურჩქილე ჩქინ ლოცვეფს. ფსალმუნმაბირექ თქუ: „ჸოროფათ ეფშა ვორექ, მუშენდა იეჰოვა ურჩქილე ჩქიმ ხონარს“ (ფსალმ. 116:1).

11. მუჭო პასუხენს იეჰოვა ჩქინ ლოცვეფს?

¹¹ ჩქინ ზეციერ მუმა ქოთ ურჩქილე ჩქინ ლოცვეფს დო ქოთ პასუხენს. მოციქულ იოანე მარწმუნენა: „მუდგა ვა ფთხუათინ, თიშ ნებას ქათანხმუ-და, თინა მირჩქილენა“ (1 იოან. 5:14, 15). მუშო ოკო რაგად, იეჰოვაქ შილებე ჩქი ველუთინ თეშ ვა უპასუხას ჩქინ ლოცვეფს. თის უჩქჷ მუ რე ჩქინო არძაშ უჯგუშ, ათეშენ, მინშა ოთხუალს ვა მისრულენა ვარდა თის ოკო, ნამდა ჭიჭე ხანს ქიბჯინათ (2 კორ. 12:7—9).

12, 13. მუ საშვალებეფით ზრუნენს იეჰოვა ჩქინდე?

¹² იეჰოვა ზრუნენს ჩქინდე. თინა ზუსტას თის ორთჷ, მუდგაშ კეთება არძა მუმაშ მოვალეობა რე (1 ტიმ. 5:8). თინა ზრუნენს მუშ სქუალეფიშ მატერიალურ საჭიროებეფშო. თის ვაკო ბწუხენდათ ოჭკუმალ, მიკაქუნალ დო დუდიშ გითაფორაფალშე (მათ. 6:32, 33; 7:11). მუჭოთ მოჸოროფე მშობელქ, იეჰოვაქ იზრუნ თიშო, ნამდა ირფელ მიღდან, მუთ მომავალს დემესაჭირებნა.

¹³ მუთ არძაშ უმოს მნიშვნელოვან რე, იეჰოვა ზრუნენს ჩქინ სულიერ საჭიროებეფშო. მუშ სიტყვაშ საშვალებათ თიქ გამცხადეს ჭეშმარიტება მუშ დუდიშ, მუშ განზრახვეფიშ, სიცოცხლეშ აზრიშ დო მომავალიშ გურშენ. თიქ პირად ინტერეს გიმირჩქინ ჩქინ მიმართ, მუჟამსით მშობლეფიშ ვარდა შხვა პიროვნებაშ საშვალებათ პირველო გუმოგებაფეს ჭეშმარიტება. თინა აგრძელენს ჩქინ მოხვარას მოჸოროფე უხუცესეფიშ დო შხვა ქრისტიანეფიშ საშვალებათ. თეს გეძინელ, იეჰოვა მითითებეფს კრებაშ შეხვალამეფით ხოლო მარზენა, სოდეთ სულიერ ოჯახწკუმა ართო ბგურაფლენთ. თე დო შხვა საშვალებეფით იეჰოვა მუმასქუალურ ჸოროფას გიმირჩქინანს ჩქინწკუმა (ფსალმ. 32:8).

14. მუშენ მოგურუანა იეჰოვა დო მუჭო ორთჷ თეს?

¹⁴ იეჰოვა მოგურუანა. იესოშ გინაწონს ჩქი არასრულყოფილეფ ვორეთ. ათეშენ ჩქინ გურაფაშა თინა ხოლო მიშურს, ნამდა მოჸოროფე მუმაქ ქიგმოწურუან, მუჟამსით თენა საჭირო რე. თიშ სიტყვა გუმოშინანა: „იეჰოვა თიშ აღზრდაშე ზრუნენს, მით უჸორს“ (ებრ. 12:6, 7). იეჰოვა შხვადოშხვანერო გიმოწურუანა. მაგალთო, შილებე თიშ სიტყვაშე მუდგაინ წებკითხათ ვარდა კრებაშ შეხვალამეფშე მუდგაინ ინფორმაცია ქიგებგათ დო ქიმეფხვადათ, ნამდა ჩქინ აზროვნება დო საქციელ ოთირალ მაფნა. ვარდა შილებე უხუცესეფშე მიბღათ საჭირო მოხვარა. ვა უღჷ მნიშვნელობა მუ საშვალებათ გიმოწურუანა იეჰოვა, თინა თეს თიშენ ორთჷ, ნამდა ვუჸორთ (იერ. 30:11).

15. მუჭო მიცვენა იეჰოვა?

¹⁵ განსაცდელეფიშ დროს იეჰოვა ელამრენა. მუჭოთ მოჸოროფე ხორციელ მუმა ელურე სქუალეფს რთულ დროს, თეშ ჩქინ  ზეციერ მუმა ელამრენა განსაცდელეფიშ დროს. თინა მარზენა წმინდა შურს, ნამუთ მიცვენა თი ირფელშე, მუდგაქ შილებე იეჰოვაწკუმა ჩქინ ხოლოშიან ურთიერთობას ეცილას (ლუკ. 11:13). თეს გეძინელ, იეჰოვა მიცვენა, მუჟამსით გურ მაფნა გოტახილ. მაგალთო, თინა მარზენა სარკო იმენდის, ნამუთ მოხვარნა, გავურზათ განსაცდელეფს. დეფიქრით, ცხოვრებას მუდგა გლახაქ ვა მოფხვადან, იეჰოვა ჩქინ ტანჯებაშ მიზეზეფს მოსპუნს. თეს გეძინელ, განსაცდელეფ, ნამდგას ამდღა შეფხვადუთ დროებით რე, მარა თი კურთხევეფ, მუდგას იეჰოვა მარზენა მარადიულო გეგრძელებ (2 კორ. 4:16—18).

16. მუქ მაჸუნ თის, ნამდა ადამქ ვა დემორჩილ მუშ მოჸოროფე მუმას?

¹⁶ ჩქი ვორწყეთ იეჰოვაშ ჸოროფას ჩქინ მიმართ, მუჟამსით ფიფქრენთ, მუჭო გინოჭკირ იეჰოვაქ თი პრობლემა, ნამდგაქ თიშ პირველ მიწიერ ოჯახის გორჩქინდჷ. მუჟამსით ადამქ ვა დემორჩილ მუშ ზეციერ მუმას, მიოდინუ მუშ ადგილ იეჰოვაშ ბედნერ ოჯახის დო თიწკუმა ართო, თიშ გამნარყიქ ხოლო (რომ. 5:12; 7:14). თეშ უმკუჯინუო, იეჰოვაქ ქიმოქმედ ადამიშ გამნარყიშ მახვარებელო.

17. მუ აკეთ იეჰოვაქ ადამიშ ურჩობაშ უკულ ხეთეშე?

¹⁷ იეჰოვაქ დასაჯ ადამ, მარა თიქ მოხვარას დეპირ ადამიშ გამნარყის. იეჰოვაქ ხეთეშე დეპირ მორჩილ კაცობრიობას, ნამდა დართინუანდჷ მუშ ოჯახშა (დაბ. 3:15; რომ. 8:20, 21). იეჰოვაქ თენა მუშ საჸოროფო სქუაშ, იესოშ მსხვერპლიშ საფუძველშა გინართინუ შეიოლებერო. თეთ იეჰოვაქ დამიმტკიცეს მუ მანგარო ვუჸორთ (იოან. 3:16).

18. მუშენ შემლებნა ბჯერდან, ნამდა იეჰოვას ჩევეთხუათინ ხოლო, თის იშენით ოკო მუშ სქუალეფ ვორდათ?

¹⁸ მართალ რე, არასრულყოფილეფ ვორეთ, მარა იეჰოვას ოკო, ნამდა მუშ ოჯახიშ წევრეფ ვორდათ; თიშო ჩქი მონკა ოღალცალო ვა ვორეთ. შილებე თის გურ ვუწყუნუათ ვარდა ჭიჭე ხანით ჩევეთხუათ, მარა იეჰოვა  ვადინუანს იმენდის, ნამდა კინ დუვართუთ. იესოქ შარასეჩილათირ სქუაშ მაგალით ქიმიჸონ, ნამდა ღორონთიშ ჸოროფა ქუძირაფუდკო (ლუკ. 15:11—32). თე მაგალითის, მუმას დღას ვა უდინუაფ იმენდ, ნამდა მუშ სქუა დირთუდ. მუჟამსით სქუაქ დირთჷ, მუმაქ მთელ გურით მიღჷ თინა. ღორონთის ჩევეთხით, მარა ქობნარღენთ-და, ჩქინ მოჸოროფე ზეციერ მუმა, იეჰოვა, მზათ რე დო სურვილ ხოლო უღჷ, კინ ქიმემღან მუშ ოჯახშა.

19. მუჭო გიშასწორენს ჩქინ ზეციერ მუმა თი ზარალს, მუთ ადამიშ ცოდვაქ მომღეს?

¹⁹ ჩქინ მუმა ირნერ ზარალს გეგშასწორენს, მუდგა ადამიშ ცოდვაქ მომღეს. ადამიშ დაუმორჩილებლობაშ უკულ, იეჰოვაქ გინოჭყვიდ 144 000 პიროვნება გეგშუგორუდკო ადამიანეფშე, ნამდა მუშ სქუაწკუმა ართო ჸოფედესკო მეფეეფ დო მღვდელეფ. იესო დო მუშ თანამართველეფ მორჩილ ადამიანეფს გასრულყოფილებას მეხვარებნა ახალ ქვეყნიერებას. ართგურობაშ საბოლა გამოცდაშ უკულ, ღორონთ თინეფს მარადიულ სიცოცხლეს ქიმეჩანს. ჩქინ მუმა ბედნერ იჸუაფ, მუჟამსით ქოძირუნს, ნამდა დედამიწა ეიფშაფუ თიშ სრულყოფილ სქუალეფით. თენა მართალო დიდებულ დრო იჸუაფ!

20. მუჭო მოძირეს იეჰოვაქ, ნამდა მანგარო ვუჸორთ დო მუს გუვარჩიენთ უკულიან სტატიას?

²⁰ იეჰოვაქ ქუმოძირეს, ნამდა მანგარო ვუჸორთ. თინა არძაშ უჯგუშ მუმა რე. ღორონთ ირჩქილე ჩქინ ლოცვეფს დო მარზენა ირფელს, მუთ მოსაჭირნა მატერიალურო დო სულიერო. იეჰოვა მოგურუანა დო ელამრენა. თეს გეძინელ, თინა მომავალშო დიდებულ კურთხევეფს მოპირნა. გურს მიტიბუანა თიშ რჩქინა, ნამდა ჩქინ ზეციერ მუმას ვუჸორთ დო ზრუნენს ჩქინდე! უკულიან სტატიას გუვარჩიენთ, მუჭო შემლებნა ჩქი, მუჭოთ სქუალეფქ, ჸოროფა გეგმიფრჩქინათ თიშ მიმართ.