1-2. Nkamboonzi Jehova naakatutamba kuti tube mpuli yakwe alubo wakazichita biyeni?

JEHOVA wakatutamba kuti tube mumpuli yabakombi bakwe. Eechi nchilongezyo chipati kaka! Bantu bapanga mpuli eeyi, mbantu bakalipeda kuli Jehova alubo basyoma muchinunuzyo chaMwanaakwe. Tuli mumpuli iibotelwa. Tupona buumi buli ampindu lino, alubo tulabotelwa akaambo kabulangilizi mbutulaabo bwakuzoopona kukabe kutamani, kujulu naakuti muParadayizi aanyika.

² Jehova wakachita mabambe aakuti tuzoobe mpuli yakwe nkaambo ulatuyanda, pesi kuti azichite eezi wakasweekelwa loko. (Joh. 3:16) Twakawulwa “amuulo waatala.” (1 Kor. 6:20) Tulakonzya kuba abweenzuma aJehova nkaambo wakatupa mwanaakwe kuti chibe chinunuzyo. Lino tulaachilongezyo chakwiita muntu mupati kwiinda zilenge zyoonse kuti Taata. Alubo mbuuli mbutwakabona muchiiyo chakayinda, Jehova nguNdeende mubotu loko.

3. Njiili mibuzyo njitukonzya kulibuzya? (Langa kabbokesi kati “ Jehova Ulindizi Na?”)

³ Tulakonzya kulibuzya mbuuli umwi mulembi waBbayibbele wakati: “Ino inga ndamupilusyila nzi Jehova kububotu boonse mbwaandicitila?” (Int. 116:12) Nsandulo njakuti tatukonzyi pe kubbadala Taateesu uulikujulu. Nikuba boobo, tweelede kumuyanda. Mwaapostolo Johane wakalemba kuti: “Swebo tulatondezya luyando, nkaambo walo nguwakasaanguna kutuyanda.” (1 Joh. 4:19) Nga tulatondeezya biyeni kuti tulamuyanda Taateesu uulikujulu?

4. Kweendelana amajwi aali muli Jakobo 4:8, nkamboonzi nitweelede kuswena aafwiifwi aJehova?

⁴ Jehova uyanda kuti tuswene aafwiifwi anguwe akuti twaambuule anguwe munkombyo. (Bala Jakobo 4:8.) Utusungwaazya kuti ‘tujatisye kupaila,’ alubo ulilibambilide kutugwasya chiindi choonse. (Rom. 12:12) Tajisikini pe zyakuti nga ulakachilwa kuswiilila nkombyo zyesu. Swe tulamuswiilila kwiinda mukubala Jwi lyakwe Bbayibbele amabbuku atugwasya kuti tulimvwisisisye. Alubo tulamuswiilila kwiinda mukuswiilila kumiswaangano yachiKristu. Kuti mwana wakkala kaambuuzyania abazyali bakwe, zipa kuti aswene aafwiifwi ambabo. Munzila iikozyenie, kukkala katwaambuula aJehova kutugwasya kuti tuswene aafwiifwi anguwe.

5. Nga tulachita biyeni kuti tukombe nkombyo zilikabotu?

⁵ Nkombyo zyako zili biyeni? Jehova uyanda kuti tumubuzye zyoonse zili mumyoyo yesu munkombyo. (Int. 62:8) Tweelede kulibuzya kuti: ‘Nkombyo zyangu zili mbuuli majwi akalembwa kandilikukkopa na naakuti zili mbuuli lugwalo lwakalembwa kazizwa aansi aamoyo?’ Mbukunga ulamuyanda Jehova amoyo woonse, uyanda kuti bweenzinyokwe anguwe bukkale kabusimide. Kuti eezi zikonzeke, weelede kukkala kuwambuulaawe. Mubuzye zili aansi amoyo wako. Mubuzye zintu zikubotezya azikukataazya. Weelede kusyoma kuti ulakugwasya.

6. Niinzi nzitweelede kuchita kuti tukkale katuli aafwiifwi aJehova?

⁶ Kuti tukkale katuli aafwiifwi aJehova, tweelede kukkala katumulumba. Tulazuminana asintembawuzyo wakalemba kuti: “Nzinji kapati zintu nzyoocita, O Jehova Leza wangu, milimo yako iigambya amakanze ngojisi kulindiswe. Kunyina uukonzya kweelanisyigwa anduwe; ikuti naa ndati ndiziluule akuzyaamba, nzinji kapati cakuti tandikonzyi kuzibandauka zyoonse!” (Int. 40:5) Tatweelede kulumbila mumoyo luzutu pesi tweelede kutondeezya kuti tulalumba kwiinda mumichito amumajwi. Eezi zipa kuti tusiyane abantu bamazubaano. Tupona munyika iizwide bantu batakwe ndaba azintu nzibakachitilwa aJehova. Kutalumba nkubalikuchita bantu mazubaano nchiimwi chintu chitondeezya kuti tulikupona “kumazuba aamamanino.” (2 Tim. 3:1, 2) Tatuyandi pe kuba mbuuli bantu aaba.

7. Jehova uyanda kuti tuchiteenzi alubo nkamboonzi?

⁷ Bazyali tabayandi pe kuti bana babo kabalwana pesi bayanda kuti kabamvwanana. Anguwe Jehova uyanda kuti bana bakwe boonse bamvwanane. Luyando ndututondeezyania lupa kuti tuboneke kuti tuli maKristu aachoonzyo. (Joh. 13:35) Tulazuminana asintembawuzyo wakalemba kuti: “Eelo kaka ncibotu alimwi cilakondelezya kuti babunyina kabakkede antoomwe calukamantano!” (Int. 133:1) Kuti katuyanda bakombima ngatulikutondeezya kuti tulamuyanda Jehova. (1 Joh. 4:20) Zilabotezya kuba mumpuli yabakwesu abachizi bali ‘aluzyalo amoyo mutete walubomba’!​—Ef. 4:32.

8. Kweendelana amajwi aali muli 1 Johane 5:3, nkamboonzi kapati kapa kuti tuswiilile Jehova?

⁸ Jehova ulangilila kuti bana baswiilile bazyali babo, nkinkaako ulangilila kuti andiswe tumuswiilile. (Ef. 6:1) Uleelela kuti tumuswiilile nkaambo Mulengi wesu, nguSikutupa buumi alubo ulaabusongo kwiinda bazyali boonse. Nikuba boobo, kaambo kapati kapa kuti tumuswiilile nkakuti tulamuyanda. (Bala 1 Johane 5:3.) Nikuba kuti kuli twaambo twiingi tupa kuti tumuswiilile, Jehova tatumanikizyi pe  kuti tuchite oobo. Utupede lwaangunuko lwakulisalila, nkinkaako ulabotelwa kuti twasala kumuswiilila akaambo kakuti tulamuyanda.

9-10. Nkamboonzi nikuyandikana kuziba milawu yaJehova akupona kweendelana anjiyo?

⁹ Bazyali bayanda kuti bana babo kabakwabilidwe. Eezi zipa kuti babape milawu iikonzya kubakwabilila. Kuti bana bayiswiilila milawu eeyo, nga balikutondeezya kuti balabasyoma bazyali babo akuti balabalemeka. Nkinkaako kulayandikana kuziba akuswiilila milawu yaTaateesu uulikujulu. Kuti twamuswiilila, nga tulikutondeezya kuti tulamuyanda akuti tulamulemeka alubo kuchita oobo kugwasya ndiswe. (Is. 48:17, 18) Pesi bantu basala kutaswiilila Jehova amilawu yakwe banjila mumapenzi.​—Gal. 6:7, 8.

¹⁰ Kupona munzila njayanda Jehova kutukwabilila kuzintu zikonzya kutuchisa, zipa kuti tukataazikane mumizeezo azipambanisya bweenzuma mbutuli aabo anguwe. Jehova ulizizi zintu zikonzya kutugwasya. Aurora uukkala kuUnited States wakati: “Ndilizi kuti kuswiilila Jehova kupa kuti tupone buumi buli kabotu.” Andiswe tulazuminana anguwe. Kuswiilila milawu yaJehova kwakakugwasya biyeni?

11. Kukomba kutugwasya biyeni?

¹¹ Kukomba kutugwasya kuti tube bantu baswiilila nikuba kuti chimwi chiindi nkuyumu kuchita oobo. Akaambo kakuti tulaachibi tweelede kubeleka changuzu kuti tutabisyi. Sintembawuzyo wakakombelezya Leza kuti: “Kondigwasya kuba amoyo uulisungwide kukumvwida.”  (Int. 51:12) Umwi payona wachiindi choonse uutegwa Denise wakati: “Kuti ndayuminwa kuswiilila milawu yaJehova, nga ndakomba kuti ndijane manguzu aakuchita zibotu.” Tulaachoonzyo chakuti Jehova ulazisandula nkombyo zili boobu.​—Lk. 11:9-13.

12. Kweendelana amajwi aali muli Baefeso 5:1, tweelede kuchitaanzi?

¹² Bala Baefeso 5:1. Mbutuli bana baJehova “bayandwa” tubeleka changuzu kuti tumutobelezye. Tutobelezya buntu bwakwe kwiinda mukutondeezya bamwi luyando, luzyalo akubalekelela. Chiindi bantu batamwizi Leza nibabona zintu zibotu nzituchita, balakonzya kuba achiyandisyo chakwiiya zyiingi atala anguwe. (1 Pet. 2:12) Bazyali bachiKristu balakonzya kutobelezya chikozyano chaJehova munzila njibabajataayo bana babo. Kuchita oobo kulakonzya kugwasya bana kuti bazoobe beenzinyina baTaateesu siluyando.

13. Niinzi chinga chilatugwasya kuti tube aachibindi?

¹³ Mwana muniini ulamuyanda wisi zyakuti kulamubotezya kubuzya bamwi atala anguwe. Munzila iikozyenie, tulamuyanda Taateesu wakujulu Jehova alubo tuyanda kuti bamwi bamuzibe. Tulimvwa mbuuli Mwaami Davida wakaamba kuti: “Ndinoolidunda muli Jehova.” (Int. 34:2) Kuti katulaabweeme bwakubuzya bamwi atala aJehova, nga tulachita biyeni kuti tube aachibindi? Tulaba aachibindi kuti twaziba kuti kubuzya bamwi kubotezya Jehova akuti kubagwasya biyeni. Jehova uyootugwasya  kuti tube aachibindi. Tulaachoonzyo chakuti ulatugwasya nkaambo wakagwasya maKristu bakusaanguna.​—1 Tes. 2:2.

14. Niinzi chipa kuti mulimu wakukambawuka kuuyandikana loko?

¹⁴ Jehova tasaluuli pe alubo ulabotelwa kuti watubona katutondeezya kuti tulabayanda bamwi kazitakwe ndaba kuti bazwa kuli. (Mil. 10:34, 35) Imwi nzila njitutondeezyaayo kuti tulabayanda bamwi, nkubakambawukila makani mabotu. (Mt. 28:19, 20) Kuchita oobo kugwasya biyeni? Bantu batuswiilila balakonzya kupona buumi bulikabotu lino alubo balaba abulangilizi bwakuzoopona buumi butamani muchiindi chili kunembo.​—1 Tim. 4:16.

15-16. Niinzi zitupa kubotelwa?

¹⁵ Jehova muzyali ulaaluyando nkinkaako uyanda kuti mpuli yakwe ibotelwe. (Is. 65:14) Kuli twaambo twiingi tupa kuti tubotelwe lino nikuba kuti tuswaana buyumu-yumu. Muchikozyano, tulaachoonzyo chakuti Taateesu wakujulu ulatuyanda amoyo woonse. Tulaaluzibo lwakasimpe kajanika muJwi lyakwe Bbayibbele. (Jer. 15:16) Kuyungizya waawo, tuli mpuli iisiyene azimwi nkaambo tulamuyanda Jehova, tuyanda zyeelelo zyakwe zisumpukide alubo tulayandana.​—Int. 106:4, 5.

¹⁶ Tulakonzya kukkala katubotelwa nkaambo tulaachoonzyo chakuti buumi buyoobota kunembo. Tulizi kuti Jehova uyoogwisya bubi buli munyika alubo uzoochita kuti nyika ibe Paradayizi kabelesya Bwaami bwakwe. Alubo tulaabulangilizi bwakuti bantu bakafwa bazoobusigwa alubo bazooswaanana abantu mbibayanda. (Joh. 5:28, 29) Chiyooba chiindi chibotu loko. Kwiinda zyoonse, tulaachoonzyo chakuti zilenge zyoonse zili kujulu aanyika zizoolemeka, kulumbayizya akukomba Jehova nkaambo uleelela.