တၢ်မၤလိ ၉
ပျဲယဟိဝၤယွၤ မၤမုာ်ထီၣ်နၤ
“လၢယဆိကမိၣ် တၢ်အါမံၤအကျါန့ၣ် နမၤမုာ်ထီၣ်က့ၤတၢ်တဖၣ် ဒုးသူၣ်ဖှံသးညီယသးလီၤ.”— စံးထီၣ်ပတြၢၤ ၉၄:၁၉.
တၢ်သးဝံၣ် ၄၄ ပှၤလၢဆီၣ်လီၤအသး အတၢ်ထုကဖၣ်
တၢ်မၤလိအံၤ အတၢ်တိာ်ပာ် *
၁. တဘျီတခီၣ် ဘၣ်မနုၤအဃိ ပသူၣ်ကိၢ်သးဂီၤတၢ်လဲၣ် ဒီးပကဆိကမိၣ်ဘၣ်ဒ်လဲၣ်.
မ့ၢ်နသူၣ်ကိၢ်သးဂီၤတၢ် * အါတလၢ အိၣ်ဝဲတဘျီဘျီဧါ. ဘၣ်သ့ၣ်သ့ၣ် လၢအပူၤကွံာ်န့ၣ် မ့ၢ်လၢပှၤတဂၤဂၤ အတၢ်ကတိၤ မ့တမ့ၢ် အတၢ်မၤတဖၣ် မၤဘၣ်ဒိတ့ၢ်နၤအဃိ နသးကဘၣ်ဒိလီၤ. အဂၤတမံၤန့ၣ် မ့ၢ်လၢနတဲကမၣ်ဘၣ်တၢ် မ့တမ့ၢ် မၤကမၣ်ဘၣ်တၢ် တမံၤမံၤအဃိ နကသးကိၢ်တၢ်လီၤ. အဒိ ဘၣ်သ့ၣ်သ့ၣ် နကမၤဘၣ် တၢ်ကမၣ် ဒီးနကဘၣ်ယိၣ်လၢ ယဟိဝၤယွၤ တပျၢ်နတၢ်ကမၣ် နီတဘျီဘၣ်န့ၣ်လီၤ. ဒီးမ့ၢ်လၢနသူၣ်ကိၢ်သးဂီၤတၢ် ဒိၣ်တလၢအဃိ ဘၣ်သ့ၣ်သ့ၣ် နကဆိကမိၣ်ဘၣ်လၢ နတအိၣ်ဒီးတၢ်နာ် လၢလၢပှဲၤပှဲၤဘၣ် ဒီးနမ့ၢ်ပှၤလၢ အတဂ့ၤဘၣ်န့ၣ်လီၤ. ဘၣ်ဆၣ် တၢ်ဆိကမိၣ်ဒ်အံၤန့ၣ် မ့ၢ်တၢ်လၢအဘၣ်ဧါ.
၂. ပှၤလၢအသူၣ်ကိၢ်သးဂီၤတၢ်တဖၣ် တမ့ၢ်ပှၤလၢ အတအိၣ်ဒီးတၢ်နာ်ဘၣ်န့ၣ် ပှၤအဒိအတဲာ် လၢလံာ်စီဆှံပူၤတဖၣ် ပာ်ဖျါထီၣ်ဝဲဒ်လဲၣ်.
၂ ဆိကမိၣ်ကွၢ် ပှၤအဒိအတဲာ်တနီၤ လၢလံာ်စီဆှံအပူၤ န့ၣ်တက့ၢ်. နီၢ်ဃးနၤန့ၣ် မ့ၢ်ဝဲဝံၡမူၤအ့လးအမိၢ် ဒီးအမ့ၢ်ပှၤလၢ အအိၣ်ဒီးတၢ်နာ်လၢ အဂၢၢ်အကျၢၤလီၤ. ဖဲနီၢ်ဃးနၤ အဟံၣ်ဖိဃီဖိတဂၤ တရ့အီၤဂ့ၤဂ့ၤဘၣ်အခါ အဝဲအသးဘၣ်ဒိ ဒိၣ်မးလီၤ. (၁ ၡမူၤအ့လး ၁:၇) တၢ်မၢဖိပီလူး အိၣ်ဒီးတၢ်နာ်လၢ အဂၢၢ်ကျၢၤဘၣ်ဆၣ် အဝဲအိၣ်ဒီး “တၢ်ဘၣ်ယိၣ်ဘၣ်ဃးဒီး တၢ်အိၣ်ဖှိၣ်ခဲလၢာ်” အဂီၢ်စ့ၢ်ကီးလီၤ. (၂ ကရံၣ်သူး ၁၁:၂၈) စီၤပၤဒၤဝံးစ့ၢ်ကီး အိၣ်ဒီးတၢ်နာ်လၢ အဂၢၢ်ကျၢၤ ဒီးယဟိဝၤယွၤ အဲၣ်အီၤဒိၣ်မးလီၤ. (မၤတၢ် ၁၃:၂၂) ဘၣ်ဆၣ် စီၤဒၤဝံးမၤဘၣ် တၢ်ကမၣ်အဃိ အဝဲအသးဟးဂီၤဒိၣ်မးလီၤ. (စံးထီၣ်ပတြၢၤ ) ပထံၣ်ဘၣ်လၢ ယဟိဝၤယွၤ မၤမုာ်ထီၣ် အဝဲသ့ၣ် တဂၤစုာ်စုာ်လီၤ. ပကတဲသကိး ဘၣ်ဃးဒီး ပမၤလိန့ၢ် တၢ်မနုၤလၢ အဝဲသ့ၣ်အအိၣ် သ့လဲၣ်န့ၣ်လီၤ. ၃၈:၄
ပမၤလိန့ၢ်တၢ်မနုၤလၢ နီၢ်ဃးနၤ အအိၣ်လဲၣ်
၃. ပှၤဂၤအတၢ်ကတိၤန့ၣ် မၤဘၣ်ဒိဆါပသး သ့ဒ်လဲၣ်.
၃ ပှၤမ့ၢ်တဲတၢ်ဒီးပှၤ ဆူၣ်ဆူၣ်ကိၤကိၤ မ့တမ့ၢ် မ့ၢ်တရ့ဒီးပှၤ လၢတၢ်အဲၣ်တၢ်ကွံ အပူၤဘၣ်န့ၣ် ဘၣ်သ့ၣ်သ့ၣ် ပကသးဘၣ်ဒိဒိၣ်မးလီၤ. လီၤဆီဒၣ်တၢ် ပသကိးလၢပအဲၣ်အီၤ မ့တမ့ၢ် ပဘူးပတံၢ်တဂၤ မ့ၢ်မၤဘၣ်ဒိဆါပှၤန့ၣ် ပကသးဘၣ်ဒိလီၤ. ဘၣ်သ့ၣ်သ့ၣ် ပကဘၣ်ယိၣ်လၢ ပတၢ်ရ့လိာ်သး ကဟးဂီၤလီၤ. တဘျီတခီၣ် ပှၤတဂၤ တတိာ်ပာ်ဝဲလၢ ကတဲဆါပှၤဘၣ်, ဘၣ်ဆၣ် အတၢ်ကတိၤတဖၣ်န့ၣ် လီၤဂာ်ဒ် အဆဲးပှၤလၢ ဒီအသိးလီၤ. (ကတိၤဒိ ၁၂:၁၈) ဘၣ်ဆၣ် မ့မ့ၢ်ပှၤတနီၤန့ၣ် ဃုထၢဝဲ တၢ်ကတိၤလၢ ကတဲဆါပှၤအဂီၢ်လီၤ. ဒီပုၢ်ဝဲၢ်မုၣ်တဂၤ လၢအထံၣ်ဘၣ် တၢ်ကီတၢ်ခဲဒ်အံၤန့ၣ် တဲဝဲလၢ “လၢအပူၤကွံာ်စှၤနံၣ်န့ၣ် ပှၤလၢယဆိကမိၣ်လၢ အကမ့ၢ် ယတံၤသကိး လၢအဂ့ၤတဂၤန့ၣ် တဲဟးဂီၤယဂ့ၢ် လၢအ့ထၢၣ်နဲးအပူၤအဃိ ယသးဘၣ်ဒိ ဒီးယသူၣ်ကိၢ်သးဂီၤလီၤ. ဘၣ်မနုၤအဃိ အဝဲဘၣ်မၤဝဲ ဒ်အံၤလဲၣ်န့ၣ် ယနၢ်တပၢၢ်ဘၣ်.” နသးမ့ၢ်ဘၣ်ဒိ လၢနသကိး မ့တမ့ၢ် နဘူးနတံၢ်အဃိန့ၣ် နဟံးန့ၢ် တၢ်မၤလိလၢ နီၢ်ဃးနၤအအိၣ် သ့အါမးလီၤ.
၄. နီၢ်ဃးနၤ ထံၣ်ဘၣ်ဒီး တၢ်ကီတၢ်ခဲ မနုၤလဲၣ်.
၄ နီၢ်ဃးနၤ ထံၣ်ဘၣ်ဒီး တၢ်ကီတၢ်ခဲတနီၤလီၤ. အဒိ အဝဲမ့ၢ်ပှၤတူာ်ဖိ လၢအနံၣ်အါမးလီၤ. (၁ ၡမူၤအ့လး ၁:၂) ပှၤအံၣ်စရ့လးဖိအါဂၤ နာ်ဝဲလၢ ပှၤပိာ်မုၣ်လၢ အဖိအိၣ်တန့ၢ်ဘၣ်န့ၣ် မ့ၢ်ပှၤလၢကစၢ်ယွၤ တဆိၣ်ဂ့ၤအီၤဘၣ်န့ၣ်လီၤ. အဃိနီၢ်ဃးနၤ ကမဲာ်ဆှးဒိၣ်မးလီၤ. (၁ မိၤၡ့ ၃၀:၁, ၂) နီၢ်ပနံးနၤ လၢအမ့ၢ် နီၢ်ဃးနၤအဝၤ အမါဖိသၣ်န့ၣ် အိၣ်ဖျဲၣ်ထီၣ်အဖိ ခံဂၤလီၤ. တကးဒံးဘၣ် နီၢ်ပနံးနၤန့ၣ် သူၣ်က့ၣ်သးကါဝဲ နီၢ်ဃးနၤအဃိ “မၤကိၢ်မၤဂီၤအီၤ, ဒီးမၤဆါအသး နးနးကလဲာ်” လီၤ. (၁ ၡမူၤအ့လး ၁:၆) လၢတၢ်န့ၣ်အဃိ လၢအခီၣ်ထံးန့ၣ် နီၢ်ဃးနၤ အသးဘၣ်ဒိတုၤဒၣ်လဲာ် “အမဲာ်ထံလီၤ, ဒီးတအီၣ်ဘၣ်တၢ်ဘၣ်.” ဒီး “အသူၣ်ကိၢ်သးဂီၤ” ဒိၣ်ဒိၣ်ကလဲာ်လီၤ. (၁ ၡမူၤအ့လး ၁:၇, ၁၀) နီၢ်ဃးနၤ အသးမုာ်ထီၣ်က့ၤ လၢကျဲဒ်လဲၣ်.
၅. တၢ်ထုကဖၣ် ကဲထီၣ်တၢ်မၤစၢၤ လၢနီၢ်ဃးနၤအဂီၢ် ဒ်လဲၣ်.
၅ နီၢ်ဃးနၤ ဃ့ဘါထုကဖၣ် ဒီးတဲဘၣ် ယဟိဝၤယွၤလၢ တၢ်လၢအမၤသးအုးအီၤ ဒီးမၤဘၣ်ဒိအသးတဖၣ်န့ၣ်လီၤ. ဖဲအဝဲ ဃ့ဘါထုကဖၣ်တၢ် ဝံၤအလီၢ်ခံ အဝဲတဲဘၣ် ပှၤလုၢ်တၢ်ခိၣ်အဒိၣ်ကတၢၢ် စီၤဧ့လံၤ လၢအတၢ်အိၣ်သးန့ၣ်လီၤ. ဒီးစီၤဧ့ၤလံၤ တဲဘၣ်အီၤလၢ “လဲၤတၢ်မုာ်မုာ်တက့ၢ်. ဒီးမ်အံၣ်စရ့လးအကစၢ် ဟ့ၣ်လီၤနၤလၢ တၢ်ဃ့လၢ နဃ့တၢ်လၢအီၤန့ၣ်တက့ၢ်.” အဃိ တၢ်ကဲထီၣ်အသးဒ်လဲၣ်. နီၢ်ဃးနၤ “လဲၤတၢ်, ဒီးအီၣ်တၢ်, ဒီးအမဲာ်တအုၣ်သပှီၤလၢၤဘၣ်.” (၁ ၡမူၤအ့လး ၁:၁၇, ၁၈) ခီဖျိလၢ နီၢ်ဃးနၤ ဃ့ဘါထုကဖၣ်တၢ်အဃိ အဝဲအသးမုာ်ထီၣ်က့ၤလီၤ.
ဒ်သိးပသးကမုာ်ထီၣ်က့ၤ ဒီးပကဆဲးအိၣ်ဒီး တၢ်သူၣ်မံသးမုာ် ဒ်နီၢ်ဃးနၤအဂီၢ် ပကဘၣ်မၤဒ်လဲၣ် (ကွၢ်လံာ်အဆၢ ၆-၁၀)
၆. ဘၣ်ဃးဒီး တၢ်ထုကဖၣ်န့ၣ် နန့ၢ်ဘၣ် တၢ်မၤလိလၢ နီၢ်ဃးနၤ အအိၣ်ဒ်လဲၣ် ဒီးလၢ ဖံလံးပံၤ ၄:၆, ၇ အပူၤန့ၣ် နန့ၢ်ဘၣ် တၢ်မၤလိမနုၤလဲၣ်.
၁ ၡမူၤအ့လး ၁:၁၂) ပဝဲသ့ၣ်တဖၣ်စ့ၢ်ကီး ပတဲတၢ်ဒီး ယဟိဝၤယွၤ ဖးယံာ်သ့လီၤ. ဒီးပတဲဘၣ်အီၤ ပတၢ်သူၣ်ကိၢ်သးဂီၤ, ပတၢ်ပျံၤတၢ်ဖုး ဒီးပတၢ်ဂံၢ်စၢ်ဘါစၢ်အဂ့ၢ်သ့လီၤ. ဖဲပဃ့ဘါထုကဖၣ်အခါ တလိၣ်လၢ ပကဘၣ်သူတၢ်ကတိၤ လၢအပတီၢ်ထီ ဒီးအလီၤထုးန့ၢ်သူၣ်ထုးန့ၢ်သးန့ၣ်ဘၣ်. တဘျီတခီၣ် ဖဲပတဲဘၣ် ယဟိဝၤယွၤ လၢပတၢ်သူၣ်အုးသးအုးတဖၣ်အခါ ပမဲာ်ထံကလီၤဝဲလီၤ. ဘၣ်ဆၣ် ယဟိဝၤယွၤ အသးတလီၤဘှံးလၢ ကဒိကနၣ် ပတၢ်ထုကဖၣ်အဂီၢ်ဘၣ်. ဒီးပကဘၣ်သ့ၣ်နီၣ်ထီၣ် တၢ်ဟ့ၣ်ကူၣ်ဖဲ ဖံလံးပံၤ ၄:၆, ၇ အပူၤစ့ၢ်ကီးလီၤ. (ဖးတက့ၢ်.) တၢ်မၢဖိပီလူး တဲဝဲလၢ ဖဲပဃ့ဘါထုကဖၣ်တၢ်အခါ ပကဘၣ်စံးဘျုး ယဟိဝၤယွၤစ့ၢ်ကီးလီၤ. ဒီးဘၣ်မနုၤအဃိ ပကဘၣ်စံးဘျုး ယဟိဝၤယွၤလဲၣ်န့ၣ် တၢ်ဂ့ၢ်အိၣ်ဝဲအါမးလီၤ. အဒိ အဝဲဟ့ၣ်လီၤပှၤ သးသမူ, အတၢ်ဘၣ်တ့တဖၣ်, အတၢ်အဲၣ်လၢအတီ ဒီးတၢ်မုၢ်လၢ်လၢ အလီၤကမၢကမၣ်အဃိ ပကဘၣ်စံးဘျုးအီၤလီၤ. ပန့ၢ်ဘၣ် တၢ်မၤလိမနုၤလၢ နီၢ်ဃးနၤအအိၣ်ဒံးလဲၣ်.
၆ ပမ့ၢ်ဃ့ဘါထုကဖၣ် လၢယဟိဝၤယွၤအအိၣ် ထီဘိန့ၣ် ပကဒိးန့ၢ်ဘၣ် သးအတၢ်ဃူတၢ်ဖိးလီၤ. နီၢ်ဃးနၤ ဃ့ဘါထုကဖၣ်တၢ်ဆူ အပၢ်လၢမူခိၣ်အအိၣ် ဖးယံာ်ညါလီၤ. (၇. နီၢ်ဃးနၤ ဒီးအဝၤ မၤတၢ်မနုၤ ထီဘိလဲၣ်.
၇ နီၢ်ဃးနၤ အိၣ်ဒီးတၢ်ကီတၢ်ခဲ ဘၣ်ဆၣ် အဝဲလဲၤပိာ်အဝၤအခံ ဆူတၢ်ဘူၣ်ထီၣ်ဘါထီၣ် ယဟိဝၤယွၤအလီၢ် လၢဝ့ၢ်ၡံလိၤ ထီဘိလီၤ. (၁ ၡမူၤအ့လး ၁:၁-၅) ဖဲအဝဲအိၣ်လၢ ဒဲစီဆှံအခါ ပှၤလုၢ်တၢ်ခိၣ်အဒိၣ်ကတၢၢ် စီၤဧ့လံၤ တဲအီၤလၢ အမုၢ်လၢ်လၢ ယဟိဝၤယွၤ ကစံးဆၢ အတၢ်ထုကဖၣ်လီၤ.—၁ ၡမူၤအ့လး ၁:၉, ၁၇.
၈. ပမ့ၢ်ထီၣ်တၢ်အိၣ်ဖှိၣ်န့ၣ် ကကဲဘျုး လၢပဂီၢ်ဒ်လဲၣ်. တဲဖျါထီၣ်တက့ၢ်.
၈ ပမ့ၢ်ထီၣ်တၢ်အိၣ်ဖှိၣ်န့ၣ် ပကဒိးန့ၢ်ဘၣ်က့ၤ သးအတၢ်ဃူတၢ်ဖိးလီၤ. တၢ်ထုကဖၣ်လၢ ပှၤစးထီၣ်အီၤ ဖဲတၢ်အိၣ်ဖှိၣ်ထီၣ်အခါန့ၣ် ညီနုၢ်ပှၤဃ့ထုကဖၣ်လၢ ကစၢ်ယွၤအသးစီဆှံ ကအိၣ်ဒီးပှၤအဂီၢ်လီၤ. တၢ်ဃူတၢ်ဖိးန့ၣ် မ့ၢ်တၢ်ဂ့ၤတၢ်ဝါလၢ အဟဲကဲထီၣ်အသးလၢ ကစၢ်ယွၤအသးစီဆှံလီၤ. (ကလၤတံ ၅:၂၂) ဖဲပအိၣ်ဒီး တၢ်သူၣ်ကိၢ်သးဂီၤအခါဒၣ်လဲာ် ပမ့ၢ်ထီၣ်တၢ်အိၣ်ဖှိၣ်န့ၣ် ယဟိဝၤယွၤဒီးပဒီပုၢ်ဝဲၢ်မုၣ်ခွါတဖၣ် ဟ့ၣ်ဂံၢ်ဟ့ၣ်ဘါပှၤ ဒီးမၤစၢၤပှၤဒ်သိး ပသးကမုာ်ထီၣ်က့ၤအဂီၢ်သ့လီၤ. ယဟိဝၤယွၤ မၤမုာ်ထီၣ်ပှၤ ခီဖျိလၢ တၢ်အိၣ်ဖှိၣ် ဒီးတၢ်ထုကဖၣ်န့ၣ်လီၤ. (ဧ့ၤဘြံၤ ၁၀:၂၄, ၂၅) ပကတဲသကိး တၢ်မၤလိအဂၤတခါ လၢပဒိးန့ၢ်ဘၣ်အီၤ လၢနီၢ်ဃးနၤအအိၣ်လီၤ.
၉. တၢ်အိၣ်သးလၢ နီၢ်ဃးနၤ ထံၣ်ဘၣ်ဝဲန့ၣ် မ့ၢ်အဆီတလဲအသးဧါ, ဘၣ်ဆၣ် တၢ်မနုၤမၤစၢၤအီၤလဲၣ်.
၉ နီၢ်ဃးနၤ အတၢ်ကီတၢ်ခဲ တလီၤမၢ်ကွံာ် တဘျီဃီဘၣ်. ဖဲအဝဲ လဲၤဘူၣ်ထီၣ်ဘါထီၣ်တၢ် လၢဒဲစီဆှံဝံၤ ဒီးဟဲက့ၤတုၤလၢ ဟံၣ်အခါ အဝဲဘၣ်ဆဲးအိၣ်ဒီး နီၢ်ပနံးနၤ တဟံၣ်ဃီဒံးလီၤ. ဒီးမ့ၢ်နီၢ်ပနံးနၤ အတၢ်ပာ်သူၣ်ပာ်သး ဆီတလဲဧါ, တဆီတလဲဧါန့ၣ် လံာ်စီဆှံ တတဲဝဲဘၣ်. လၢတၢ်န့ၣ်အဃိ လီၤဂာ်လၢ နီၢ်ပနံးနၤ ကတဲဆါအီၤဒံးလီၤ. ဘၣ်ဆၣ် နီၢ်ဃးနၤ တသူၣ်အုးသးအုးလၢၤဘၣ်. ဖဲနီၢ်ဃးနၤ တဲဘၣ်ယဟိဝၤယွၤ လၢအတၢ်ကီတၢ်ခဲ ဝံၤအလီၢ်ခံ အဝဲတသူၣ်ကိၢ်သးဂီၤလၢၤဘၣ်. အဝဲပျဲဝဲလၢ ယဟိဝၤယွၤ ကမၤမုာ်ထီၣ်အီၤလီၤ. လၢခံန့ၣ် ယဟိဝၤယွၤ စံးဆၢနီၢ်ဃးနၤ အတၢ်ထုကဖၣ် ဒီးအဝဲ ဒိးန့ၢ်ဘၣ်အဖိလီၤ.—၁ ၡမူၤအ့လး ၁:၁၉, ၂၀; ၂:၂၁.
၁၀. ပန့ၢ်ဘၣ် တၢ်မၤလိမနုၤလၢ နီၢ်ဃးနၤအအိၣ်လဲၣ်.
၁၀ ပတၢ်ကီတၢ်ခဲတဖၣ် မ့ၢ်တလီၤမၢ်သနာ်က့ ပပာ်ပသး မုာ်မုာ်ခုၣ်ခုၣ်သ့. ပမ့ၢ်ဃ့ဘါထုကဖၣ်ဆူၣ်ဆူၣ် ဒီးထီၣ်တၢ်အိၣ်ဖှိၣ် ထီဘိသနာ်က့ ဘၣ်သ့ၣ်သ့ၣ် ပတၢ်ကီတၢ်ခဲတဖၣ် တလီၤမၢ်ဘၣ်. ဘၣ်ဆၣ် နီၢ်ဃးနၤ အဒိအတဲာ် ပာ်ဖျါထီၣ်ဝဲလၢ တၢ်လၢကမၤတံာ်တာ် ယဟိဝၤယွၤ ဒ်သိးအတမၤမုာ်ထီၣ်ပှၤတဂ့ၤအဂီၢ်န့ၣ် တအိၣ်နီတမံၤဘၣ်. ယဟိဝၤယွၤ တသးပ့ၤနီၣ်ပှၤ နီတဘျီဘၣ်. ဒီးပမ့ၢ်တီဒီးအီၤန့ၣ် အဝဲကဆိၣ်ဂ့ၤပှၤ လၢအချ့ မ့တမ့ၢ် လၢခံလီၤ.—ဧ့ၤဘြံၤ ၁၁:၆.
ပန့ၢ်ဘၣ်တၢ်မၤလိမနုၤလၢ စီၤပီလူးအအိၣ်ဒ်လဲၣ်
၁၁. ဘၣ်မနုၤအဃိ စီၤပီလူး သူၣ်ကိၢ်သးဂီၤတၢ်လဲၣ်.
၁၁ ဘၣ်မနုၤအဃိ စီၤပီလူး သူၣ်ကိၢ်သးဂီၤတၢ်လဲၣ်န့ၣ် တၢ်ဂ့ၢ်အိၣ်ဝဲ အါမးလီၤ. အဒိ အဝဲအဲၣ်ဒီပုၢ်ဝဲၢ်မုၣ်ခွါတဖၣ် ဒိၣ်မးအဃိ ဖဲ၂ ကရံၣ်သူး ၂:၄, ၁၁:၂၈) ဖဲစီၤပီလူး စံၣ်တဲၤတဲလီၤတၢ်အခါ ပှၤလၢအထီဒါတၢ်တဖၣ် တီၢ်အီၤဒီးထၢနုာ်အီၤလၢ ဃိာ်ပူၤလီၤ. အဝဲထံၣ်ဘၣ် တၢ်ကီတၢ်ခဲ ဒ်သိးဒီးအ “ဘၣ်တၢ်ဆီၣ်လီၤ” အီၤ မ့တမ့ၢ် အတၢ်တအိၣ်အါအါဘၣ်န့ၣ်လီၤ. လၢတၢ်န့ၣ်အဃိ အဝဲကဘၣ်ယိၣ်တၢ်လီၤ. (ဖံလံးပံၤ ၄:၁၂) ဒီးဖဲအဝဲလဲၤတၢ်လၢ ကဘီအခါ လဲၤခီဖျိဘၣ်ဝဲ ကဘီဟးဂီၤ အစှၤကတၢၢ် သၢဘျီညါအဃိ အကသူၣ်ကိၢ်သးဂီၤတၢ် ဒိၣ်မးလီၤ. (၂ ကရံၣ်သူး ၁၁:၂၃-၂၇) စီၤပီလူး လဲၤခီဖျိဝဲ အတၢ်သူၣ်ကိၢ်သးဂီၤတဖၣ် ဒ်လဲၣ်.
ဒီပုၢ်ဝဲၢ်မုၣ်ခွါတဖၣ် အိၣ်ဒီးတၢ်ကီတၢ်ခဲအခါ အဝဲအသူၣ်ကိၢ်သးဂီၤဒိၣ်မးလီၤ. (၁၂. တၢ်မနုၤမၤစၢၤ စီၤပီလူး ဒ်သိးအတသူၣ်ကိၢ်သးဂီၤတၢ် အါအါတဂ့ၤအဂီၢ်လဲၣ်.
၁၂ ဖဲဒီပုၢ်ဝဲၢ်မုၣ်ခွါတဖၣ် ထံၣ်ဘၣ်တၢ်ကီတၢ်ခဲအခါစ့ၢ်ကီး စီၤပီလူး သူၣ်ကိၢ်သးဂီၤတၢ်လီၤ. ဘၣ်ဆၣ် အဝဲတဂုာ်ကျဲးစၢး မၤဘၣ်လိာ်က့ၤ တၢ်ကီတၢ်ခဲတဖၣ်အံၤ ထဲတဂၤဧိၤဘၣ်. စီၤပီလူး သ့ၣ်ညါဝဲလၢ အမၤတၢ်ကိးမံၤဒဲး တသ့ဘၣ်. အဃိ အဝဲရဲၣ်ကျဲၤဝဲလၢ ဒီပုၢ်ဝဲၢ်အဂၤတဖၣ် ကကွၢ်ထွဲ တၢ်အိၣ်ဖှိၣ်အဂီၢ်လီၤ. အဒိ အဝဲဟ့ၣ်လီၤဝဲ ပှၤပိာ်ခွါလၢ ပှၤနာ်န့ၢ်အီၤသ့ ဒ်သိးဒီး စီၤတံၤမသ့း ဒီးစီၤတံတူး လၢမူဒါလီၤ. ခီဖျိလၢ ဒီပုၢ်ဝဲၢ်ခွါတဖၣ် အတၢ်မၤစၢၤဒ်အံၤအဃိ စီၤပီလူး အတၢ်သူၣ်ကိၢ်သးဂီၤ ကစှၤလီၤဝဲဒိၣ်မးလီၤ.—ဖံလံးပံၤ ၂:၁၉, ၂၀; တံတူး ၁:၁, ၄, ၅.
ဒ်သိးပတသူၣ်ကိၢ်သးဂီၤတၢ် အါတလၢတဂ့ၤအဂီၢ် ပကွၢ်လိမၤဒိး စီၤပီလူး ကသ့ဒ်လဲၣ် (ကွၢ်လံာ်အဆၢ ၁၃-၁၅)
၁၃. တၢ်အိၣ်ဖှိၣ်သးပှၢ်တဖၣ် ကွၢ်လိမၤဒိး စီၤပီလူး ကသ့ဒ်လဲၣ်.
၁၃ ဃ့ပှၤဂၤအတၢ်မၤစၢၤတက့ၢ်. ဒ်စီၤပီလူးအသိး ဆၢကတီၢ်ခဲအံၤ တၢ်အိၣ်ဖှိၣ်သးပှၢ်လၢ အိၣ်ဒီးတၢ်အဲၣ်တၢ်ကွံတဖၣ်န့ၣ် သူၣ်ကိၢ်သးဂီၤတၢ် လၢဒီပုၢ်ဝဲၢ်မုၣ်ခွါ လၢအထံၣ်ဘၣ် တၢ်ကီတၢ်ခဲတဖၣ်အဂီၢ်လီၤ. ဘၣ်ဆၣ် တၢ်အိၣ်ဖှိၣ်သးပှၢ်ထဲတဂၤဧိၤန့ၣ် မၤစၢၤဝဲ တၢ်အိၣ်ဖှိၣ်ဖိ ကိးဂၤဒဲး တသ့ဘၣ်. အဝဲမ့ၢ်အိၣ်ဒီး တၢ်ဆီၣ်လီၤသးန့ၣ် ကသ့ၣ်ညါလီၤအသးလၢ အမၤတၢ်တသ့ ကိးမံၤဒဲးဘၣ်. အဝဲမ့ၢ်ထံၣ်လီၤအသး ဒ်န့ၣ်န့ၣ် အဝဲကမၢ ဒီပုၢ်ဝဲၢ်အဂၤလၢ အတုၤထီၣ်ထီၣ်ဘး ဒ်သိးကမၤစၢၤတၢ် ဒီးကသိၣ်လိ ဒီပုၢ်ဝဲၢ်ခွါသးစၢ် ဒ်သိးအဝဲသ့ၣ်စ့ၢ်ကီး အံးထွဲကွၢ်ထွဲ ကစၢ်ယွၤအသိတဖၣ် ကသ့အဂီၢ်လီၤ.—၂ တံၤမသ့း ၂:၂.
၁၄. စီၤပီလူး တသူၣ်ကိၢ်သးဂီၤတၢ်လၢ တၢ်မနုၤအဂီၢ်ဘၣ်လဲၣ် ဒီးပမၤလိန့ၢ်တၢ်လၢ အဝဲအအိၣ် ဒ်လဲၣ်.
၁၄ သ့ၣ်ညါလီၤနသးလၢ နၤစ့ၢ်ကီး နလိၣ်ဘၣ် တၢ်မၤမုာ်ထီၣ်က့ၤန့ၣ်တက့ၢ်. စီၤပီလူး အိၣ်ဒီးတၢ်ဆီၣ်လီၤသး ဒီးအဝဲသ့ၣ်ညါဝဲလၢ အလိၣ်ဘၣ် အတံၤသကိးတဖၣ် အတၢ်ဟ့ၣ်ဂံၢ်ဟ့ၣ်ဘါလီၤ. ပှၤဂၤမ့ၢ်ဟ့ၣ်ဂံၢ်ဟ့ၣ်ဘါအီၤန့ၣ် အဝဲတဘၣ်ယိၣ်ဝဲလၢ ပှၤကထံၣ်အီၤ ဒ်ပှၤလၢအဂံၢ်စၢ်ဘါစၢ်န့ၣ်ဘၣ်. ဖဲစီၤပီလူး ကွဲးလံာ်ဆူ စီၤဖံၤလ့မိၣ်အအိၣ်အခါ အဝဲတဲဝဲလၢ “ယသူၣ်ခုယသးခု, ယသူၣ်မုာ်ယသးမုာ်လၢ နတၢ်အဲၣ်တၢ်ကွံအဃိ ဒိၣ်မးလီၤ.” (ဖံၤလ့မိၣ် ၇) စီၤပီလူးပာ်ဖျါထီၣ် ဒီပုၢ်ဝဲၢ်တဘျုးဂၤလၢ အဟ့ၣ်ဂံၢ်ဟ့ၣ်ဘါအီၤ ဖဲအဝဲထံၣ်ဘၣ်ဒီး တၢ်ကီတၢ်ခဲ အဆၢကတီၢ်န့ၣ်လီၤ. (ကလီးစဲ ၄:၇-၁၁) ပမ့ၢ်သ့ၣ်ညါလီၤပသးလၢ ပလိၣ်ဘၣ် တၢ်ဟ့ၣ်ဂံၢ်ဟ့ၣ်ဘါန့ၣ် ပဒီပုၢ်ဝဲၢ်မုၣ်ခွါတဖၣ် ကမၤစၢၤပှၤ လၢတၢ်သးခုအပူၤလီၤ.
၁၅. ဖဲစီၤပီလူး သူၣ်ကိၢ်သးဂီၤတၢ် ဒိၣ်မးအခါ အဝဲမၤဝဲ ဒ်လဲၣ်.
ရိမ့ၤ ၁၅:၄) ဒီးအဝဲသ့ၣ်ညါ စ့ၢ်ကီးဝဲလၢ လၢလံာ်စီဆှံပူၤန့ၣ် အဝဲကဒိးန့ၢ်ဘၣ် တၢ်ကူၣ်သ့ လၢကလဲၤခီဖျိဝဲ တၢ်မၤကွၢ်အဂီၢ်လီၤ. (၂ တံၤမသ့း ၃:၁၅, ၁၆) ဖဲစီၤပီလူး လီၤဘၣ်လၢ ရိမ့ၤအဃိာ်ပူၤ ခံဘျီတဘျီအခါ အဝဲသ့ၣ်ညါဝဲလၢ အကဘၣ်သံ ဘူးထီၣ်လံန့ၣ်လီၤ. ဖဲန့ၣ်အဆၢကတီၢ် စီၤပီလူး မၤဝဲတၢ်မနုၤလဲၣ်. အဝဲမၢစီၤတံၤမသ့း ဟဲလၢအအိၣ်ချ့ချ့ ဒီးဟဲစိာ်န့ၢ်အီၤ “လံာ်ဧိၤလဲၢ်ဧိၤ” မ့တမ့ၢ် လံာ်ထူတဖၣ်လီၤ. (၂ တံၤမသ့း ၄:၆, ၇, ၉, ၁၃) ဘၣ်မနုၤအဃိလဲၣ်. လီၤဂာ်လၢ လံာ်ထူတဖၣ်အံၤန့ၣ် ကမ့ၢ်ဝဲ လံာ်စီဆှံလၢ ဧ့ၤဘြံၤကျိာ်တကတြူၢ် လၢစီၤပီလူး ကသူဝဲလၢ အနီၢ်ကစၢ် တၢ်မၤလိလံာ်စီဆှံအဂီၢ်လီၤ. ပမ့ၢ်ကွၢ်လိမၤဒိး စီၤပီလူး ခီဖျိပမၤနီၢ်ကစၢ် တၢ်မၤလိလံာ်စီဆှံထီဘိန့ၣ် ပမ့ၢ်ထံၣ်ဘၣ်ဒီး တၢ်ကီတၢ်ခဲ ဒ်လဲၣ်ဂ့ၤဒ်လဲၣ်ဂ့ၤ ယဟိဝၤယွၤ ကမၤမုာ်ထီၣ်ပှၤ လၢလံာ်စီဆှံအဆၢတဖၣ်လီၤ.
၁၅ ဒိးသန့ၤနသးလၢ ကစၢ်ယွၤအကလုၢ်ကထါ. စီၤပီလူး သ့ၣ်ညါဝဲလၢ လံာ်စီဆှံအဆၢတဖၣ် ကမၤမုာ်ထီၣ်အသးလီၤ. (ပန့ၢ်ဘၣ်တၢ်မၤလိလၢ စီၤပၤဒၤဝံးအအိၣ်ဒ်လဲၣ်
ဒ်ပမၤလိဘၣ် စီၤဒၤဝံးအဂ့ၢ်အသိး ပမ့ၢ်မၤဘၣ် တၢ်ကမၣ်ဖးဒိၣ်န့ၣ် တၢ်မနုၤမၤစၢၤပှၤသ့လဲၣ် (ကွၢ်လံာ်အဆၢ ၁၆-၁၉)
၁၆. ဖဲစီၤဒၤဝံး မၤဘၣ်တၢ်ကမၣ်ဖးဒိၣ်အခါ အဝဲတူၢ်ဘၣ်ဝဲ ဒ်လဲၣ်.
၁၆ စီၤဒၤဝံး မၤဘၣ်တၢ်ကမၣ်ဖးဒိၣ် တမံၤလီၤ. အဝဲ မၤကမၣ်မုၣ်ကမၣ်ခွါဒီး နီၢ်ဘၤသၡ့ဘၤ ဒီးရဲၣ်လီၤကျဲၤလီၤဝဲလၢ ပှၤကမၤသံ ပိာ်မုၣ်တဂၤအံၤအဝၤ တကးဒံးဘၣ် အဝဲဂုာ်ကျဲးစၢး ပာ်ခူသူၣ် အတၢ်ကမၣ်လီၤ. (၂ ၡမူၤအ့လး ၁၂:၉) လၢအခီၣ်ထံးန့ၣ် စီၤဒၤဝံး ကွၢ်ကပာ်ကွံာ် အသးလၢအသ့ၣ်ညါဒၣ်တၢ်လီၤ. လၢတၢ်န့ၣ်အဃိ အတၢ်ရ့လိာ်သးဒီးယဟိဝၤယွၤဘၣ်ဒိ တကးဒံးဘၣ် အသူၣ်ကိၢ်သးဂီၤဒိၣ်မး ဒီးအအိၣ်တဆူၣ်ဘၣ်န့ၣ်လီၤ. (စံးထီၣ်ပတြၢၤ ၃၂:၃, ၄) ဒ်သိးစီၤဒၤဝံး လဲၤခီဖျိဝဲ တၢ်သူၣ်ကိၢ်သးဂီၤအံၤ ကန့ၢ်အဂီၢ် တၢ်မနုၤ မၤစၢၤအီၤလဲၣ်. ပဝဲသ့ၣ်တဖၣ်စ့ၢ်ကီး ပမ့ၢ်မၤဘၣ်တၢ်ကမၣ်န့ၣ် ပကဘၣ်မၤ ဒ်လဲၣ်.
၁၇. စီၤဒၤဝံး အသူၣ်အုးသးအုး သပှၢ်ကတၢၢ်လၢ အတၢ်ကမၣ်အဃိန့ၣ် စံးထီၣ်ပတြၢၤ ၅၁:၁-၄ ပာ်ဖျါထီၣ်ဝဲဒ်လဲၣ်.
၁၇ ဃ့ဘါထုကဖၣ်လၢ နတၢ်ကမၣ် ကပျၢ်ကွံာ်အဂီၢ်တက့ၢ်. စီၤဒၤဝံး ဃ့ဘါထုကဖၣ်ဆူ ယဟိဝၤယွၤအအိၣ်လီၤ. မ့ၢ်လၢအဝဲ ပီၢ်ယၢ်လီၤအသးနီၢ်ကီၢ် ဒီးအသးအုးဒိၣ်မးအဃိ အဝဲတဲဘၣ်ယဟိဝၤယွၤလၢ တၢ်လၢအမၤဝဲ ခဲလၢာ်လီၤ. (ဖး စံးထီၣ်ပတြၢၤ ၅၁:၁-၄ တက့ၢ်.) လၢတၢ်န့ၣ်အဃိ အဝဲသးမုာ်ထီၣ်က့ၤလီၤ. (စံးထီၣ်ပတြၢၤ ၃၂:၁, ၂, ၄, ၅) နမ့ၢ်မၤဘၣ် တၢ်ကမၣ်ဖးဒိၣ်န့ၣ် တဘၣ်ဂုာ်ကျဲးစၢး ပာ်ခူသူၣ်အီၤတဂ့ၤ. လၢတၢ်န့ၣ်အလီၢ် ဃ့ဘါထုကဖၣ်ဆူ ယဟိဝၤယွၤအအိၣ် ဒီးတဲဘၣ်အီၤ တၢ်လၢနမၤအီၤ ကိးမံၤဒဲးန့ၣ်တက့ၢ်. နမ့ၢ်မၤဒ်န့ၣ်န့ၣ် နသးကမုာ်ထီၣ်က့ၤ ဒီးနတတူၢ်ဘၣ် လၢနတၢ်ကမၣ် အိၣ်လၢၤဘၣ်. ဘၣ်ဆၣ် နမ့ၢ်အဲၣ်ဒိးမၤဂ့ၤထီၣ်က့ၤ နတၢ်ရ့လိာ်သးဒီး ယဟိဝၤယွၤန့ၣ် နကဘၣ်ဃ့ဘါထုကဖၣ် တကးဒံးဘၣ် နကဘၣ်မၤ တၢ်လၢအဂၤ အိၣ်ဒံးလီၤ.
၁၈. ဖဲစီၤဒၤဝံး ဘၣ်တၢ်သိၣ်က့ၤသီက့ၤအီၤအခါ အဝဲမၤဝဲ ဒ်လဲၣ်.
၂ ၡမူၤအ့လး ၁၂:၁၀-၁၄) ပမ့ၢ်မၤဘၣ် တၢ်ကမၣ်ဖးဒိၣ်န့ၣ် ပကဘၣ် လဲၤတဲတၢ်ဒီး ပှၤလၢယဟိဝၤယွၤ ဃုထၢထီၣ်ဝဲလၢ အကွၢ်ထွဲပှၤန့ၣ်လီၤ. (ယၤကိာ် ၅:၁၄, ၁၅) ဒီးပတကြၢး တဲပူၤဖျဲးပသးဘၣ်. ပမ့ၢ်တူၢ်လိာ် ဒီးမၤထွဲ တၢ်သိၣ်က့ၤသီက့ၤ လၢအဆိအချ့န့ၣ် ပသးကမုာ်ထီၣ် ဒီးသးခုထီၣ်က့ၤ လၢအဆိအချ့လီၤ.
၁၈ တူၢ်လိာ် တၢ်သိၣ်က့ၤသီက့ၤတက့ၢ်. ဖဲယဟိဝၤယွၤ ဆှၢလီၤဝဲ ဝံနၤသၣ်ဆူ စီၤဒၤဝံးအအိၣ် ဒီးပာ်ဖျါထီၣ် စီၤဒၤဝံး အတၢ်ကမၣ်အခါ စီၤဒၤဝံး တတဲပူၤဖျဲးအသး ဒီးတတဲဝဲလၢ တၢ်လၢအမၤဝဲန့ၣ် တမ့ၢ်တၢ်လၢအအၢအသီ ဒိၣ်ဒိၣ်န့ၣ်ဘၣ်. တဘျီဃီန့ၣ် အဝဲတူၢ်လိာ်ဝဲလၢ အမၤကမၣ် နီၢ်ဘၤသၡ့ဘၤ ဒီးအဝၤ တကးဒံးဘၣ် လီၤဆီဒၣ်တၢ် အမၤကမၣ်ဘၣ် ယဟိဝၤယွၤလီၤ. အဃိ စီၤဒၤဝံးတူၢ်လိာ် ယဟိဝၤယွၤ တၢ်သိၣ်က့ၤသီက့ၤ ဒီးယဟိဝၤယွၤ ပျၢ်ကွံာ်အတၢ်ကမၣ်လီၤ. (၁၉. ပကြၢးပာ်လီၤပသးလၢ ပကမၤမနုၤလဲၣ်.
၁၉ ပာ်လီၤနသး ဒ်သိးနတမၤဘၣ်ကဒါက့ၤ တၢ်ကမၣ် ဒ်အလီၢ်လီၢ် တဂ့ၤအဂီၢ်တက့ၢ်. စီၤပၤဒၤဝံး သ့ၣ်ညါဝဲလၢ ဒ်သိးအတမၤဘၣ်က့ၤ တၢ်ကမၣ် ဒ်အလီၢ်လီၢ် တဂ့ၤအဂီၢ် အလိၣ်ဘၣ် ယဟိဝၤယွၤ အတၢ်မၤစၢၤလီၤ. (စံးထီၣ်ပတြၢၤ ၅၁:၇, ၁၀, ၁၂) ဖဲယဟိဝၤယွၤ ပျၢ်စီၤဒၤဝံးအတၢ်ကမၣ် ဝံၤအလီၢ်ခံ စီၤဒၤဝံးပာ်လီၤအသးလၢ အကဟးဆှဲး တၢ်ဆိကမိၣ်လၢ အကမၣ်တဖၣ်လီၤ. လၢတၢ်န့ၣ်အဃိ အဝဲအသးမုာ်ထီၣ်က့ၤလီၤ.
၂၀. ခီဖျိလၢ ယဟိဝၤယွၤ ပျၢ်ပတၢ်ကမၣ်အဃိ ပပာ်ဖျါထီၣ်လၢ ပစံးဘျုးစံးဖှိၣ်အီၤ ကသ့ဒ်လဲၣ်.
၂၀ ပမ့ၢ်ဃ့ပျၢ် ပတၢ်ကမၣ်, တူၢ်လိာ်တၢ်သိၣ်က့ၤသီက့ၤ ဒီးဂုာ်ကျဲးစၢး ဒ်သိးပသုတမၤဘၣ်ကဒါက့ၤ တၢ်ကမၣ် ဒ်အလီၢ်လီၢ်တဂ့ၤအဂီၢ်န့ၣ် မ့ၢ်ဒၣ်ပပာ်ဖျါထီၣ်လၢ ပစံးဘျုးစံးဖှိၣ် ယဟိဝၤယွၤ ခီဖျိလၢ အပျၢ်ပတၢ်ကမၣ်အဃိလီၤ. ပမ့ၢ်မၤဒ်န့ၣ်န့ၣ် ပသးကမုာ်ထီၣ်က့ၤလီၤ. ဒီပုၢ်ဝဲၢ်ခွါ ကၠ့စ်လၢအမၤဘၣ် တၢ်ကမၣ်ဖးဒိၣ်တဂၤန့ၣ် တူၢ်ဘၣ်ဝဲ ဒ်န့ၣ်လီၤ. အဝဲတဲဝဲလၢ “ဖဲယတဲဖျါထီၣ် ယတၢ်ကမၣ်လၢ တၢ်အိၣ်ဖှိၣ်သးပှၢ်တဖၣ် အအိၣ်အခါ ယတူၢ်ဘၣ်လၢ ယတၢ်ဝံတၢ်ယိးလၢအဃၢ လီၤတဲာ်ကွံာ်လၢ ယဖံဘၣ်ခိၣ် ဒီးယသးမုာ်ထီၣ်က့ၤလီၤ.” လံာ်စီဆှံ တဲဝဲလၢ “ယွၤအိၣ်ဘူးဒီး ပှၤလၢအသူၣ်ကၢ်အသးလီၤ, ဒီးပှၤလၢအပီၢ်ယၢ်လီၤက့ၤအသးန့ၣ် အုၣ်က့ၤခီၣ်က့ၤဝဲလီၤ.” (စံးထီၣ်ပတြၢၤ ၃၄:၁၈) မ့ၢ်လၢပသ့ၣ်ညါဘၣ် ဒ်အံၤအဃိ ပသးခုဒိၣ်မးလီၤ.
၂၁. ပပျဲလၢ ယဟိဝၤယွၤ မၤမုာ်ထီၣ်ပှၤ ကသ့ဒ်လဲၣ်.
၂၁ တၢ်အကတၢၢ် ဘူးထီၣ်လံအဃိ ပကထံၣ်ဘၣ် တၢ်လၢအမၤသူၣ်ကိၢ်သးဂီၤပသး အါထီၣ်အါထီၣ်လီၤ. ဖဲနသူၣ်ကိၢ်သးဂီၤတၢ်အခါ ဃ့ဘါထုကဖၣ် လၢယဟိဝၤယွၤအအိၣ် တဘျီဃီတက့ၢ်. မၤလိလံာ်စီဆှံ ဆူၣ်ဆူၣ်တက့ၢ်. ကွၢ်လိမၤဒိး နီၢ်ဃးနၤ, စီၤပီလူး ဒီးစီၤဒၤဝံးတက့ၢ်. ဃ့ပပၢ်အိၣ်လၢမူခိၣ် လၢအကမၤစၢၤနၤ ဒ်သိးနကသ့ၣ်ညါလၢ ဘၣ်မနုၤအဃိ နသူၣ်ကိၢ်သးဂီၤတၢ်လဲၣ်န့ၣ်တက့ၢ်. (စံးထီၣ်ပတြၢၤ ၁၃၉:၂၃) ပျဲလၢအကဝံစၢၤ နတၢ်ဝံ လီၤဆီဒၣ်တၢ် တၢ်ဝံလၢ နဘၣ်ဝံအီၤ ကီကီခဲခဲ မ့တမ့ၢ် နဝံအီၤတန့ၢ်ဘၣ်တဖၣ်န့ၣ်တက့ၢ်. နမ့ၢ်မၤဒ်န့ၣ်န့ၣ် နကလီၤဂာ်ဒ် ပှၤကွဲးထါစံးထီၣ်ပတြၢၤ လၢအသးဝံၣ်စံးထီၣ်ပတြၢၤ ယဟိဝၤယွၤလၢ “လၢယဆိကမိၣ် တၢ်အါမံၤအကျါန့ၣ် နမၤမုာ်ထီၣ်က့ၤတၢ်တဖၣ် ဒုးသူၣ်ဖှံသးညီယသးလီၤ.”—စံးထီၣ်ပတြၢၤ ၉၄:၁၉.
တၢ်သးဝံၣ် ၄ ယဟိဝၤမ့ၢ် ယပှၤကွၢ်သိ
^ လံာ်အဆၢ. 5 ပဝဲခဲလၢာ်န့ၣ် တဘျီတခီၣ် ပသူၣ်ကိၢ်သးဂီၤတၢ် ဘၣ်ဃးဒီး တၢ်ကီတၢ်ခဲလၢ ပထံၣ်ဘၣ်အီၤ တဖၣ်န့ၣ်လီၤ. တၢ်မၤလိတခါအံၤ ပာ်ဖျါထီၣ်ဝဲ ယဟိဝၤယွၤ အခ့အပှၤလၢပျၢၤ သၢဂၤလၢအထံၣ်ဘၣ်ဒီး တၢ်ကီတၢ်ခဲအါမံၤ အဂ့ၢ်လီၤ. ဒီးကပာ်ဖျါထီၣ်စ့ၢ်ကီးဝဲ ယဟိဝၤယွၤ မၤမုာ်ထီၣ် အဝဲသ့ၣ် ဒ်လဲၣ်န့ၣ်လီၤ.
^ လံာ်အဆၢ. 1 တၢ်ကတိၤအခီပညီ– တၢ်သူၣ်ကိၢ်သးဂီၤ န့ၣ်အခီပညီမ့ၢ်ဝဲ နသးကနိး မ့တမ့ၢ် နဘၣ်ယိၣ်တၢ်တမံၤမံၤလီၤ. ခီဖျိလၢ ကျိၣ်စ့အတၢ်ကီတၢ်ခဲ, တၢ်အိၣ်ဆူၣ်အိၣ်ချ့ တဂ့ၤဘၣ်, ဟံၣ်ဖိဃီဖိ အတၢ်ကီတၢ်ခဲ မ့တမ့ၢ် နီၢ်ကစၢ် အတၢ်ကီတၢ်ခဲအဃိ ပသူၣ်ကိၢ်သးဂီၤတၢ်သ့လီၤ. ဒီးဘၣ်သ့ၣ်သ့ၣ် ပကသူၣ်ကိၢ်သးဂီၤတၢ် ခီဖျိလၢ ပတၢ်ကမၣ်လၢအပူၤကွံာ်အဃိ မ့တမ့ၢ် တၢ်ကီတၢ်ခဲလၢ ပကထံၣ်ဘၣ်အီၤလၢ ခါဆူညါအဃိလီၤ.