ΓΙΑ μπουτ μπρεσά, ο ντουσμάνια ι Γραφιάκε βακερένας ότι ο βασιλιάς Βαλτάσαρ, σο βακερέλα λέσκε ο βιβλίος Δανιήλ, να τζουβντιλό ποτές. (Δαν. 5:1) Πακιάνας-λες ανταβά επειδή ο αρχαιολόγοι ναστί αρακχένας πράγματα σο σικαβένας ότι τζουβντιλό. Ανταβά όμως αλλαξάλο κο 1854. Σόσκε;

Οντουβά μπρες, εκ Βρετανός, ο Τζον Τέιλορ, ροντιντάς κι πουρανί πόλη Ουρ, σο αντιβές ισί κο νότιος Ιράκ. Οτθέ, σε εκ μπαρό πύργος, αρακχλάς μπερεκέτι κύλινδροι σο ισινέ κερντέ τσικάταρ. Ο κύλινδροι σο τθερένα μήκος περίπου 10 εκατοστά ο κάθε εκ, ισινέ γραμμέ σε σφηνοειδή γραφή. Εκ ανταλένταρ τθερέλα εκ προσευχή για τι τζουβντιόλ μπουτ μπρεσά ο βασιλιάς Ναβονίδης ι Βαβυλωνάκο ντα λέσκο πιο μπαρό τσσαβό, ο Βαλτάσαρ. Ατζέ-ντα ο ντουσμάνια ι Γραφιάκε αγαντέ ότι ανταβά σο αρακχίντιλο σικαβέλα ότι ο Βαλτάσαρ τζουβντιλό μπαγιά.

Όμως, η Γραφή να βακερέλα σάντε ότι ο Βαλτάσαρ τζουβντιλό μπαγιά, αλλά ότι ισινέ βασιλιάς-ντα. Πάλι ο ντουσμάνια ι Γραφιάκε τθερένας αμφιβολίες. Για παράδειγμας, ο Γουίλιαμ Τάλμποτ, Άγγλος επιστήμονας σο τζουβντιόλας κο 19ος αιώνας, γραφιντάς ότι μερικοί πακιάνας ότι «ο Βελ-σαρ-ουσούρ [Βαλτάσαρ] ισινέ βασιλιάς πι νταντέσαρ, ι Ναβονιδίσαρ. Αλλά να τθεράσα καέκ πράγμας σο σικαβέλα-λες ανταβά».

Ο αντιρρήσεις τσσινάντιλε κάνα ο λάφια σε γιαβερά κύλινδροι σο ισινέ κερντέ τσικάταρ σικαντέ ότι ο ντατ ι Βαλτασαρίσκο, ο βασιλιάς Ναβονίδης, λειπίνελας κατά πρωτεύουσα μπουτ μπρεσά. Σο αβέλας-πες κάνα λειπίνελας; «Κάνα ο Ναβονίδης ισινέ γιαβερέ τθεμέστε», βακερέλα η Εγκυκλοπαίδεια Μπριτάνικα (Encyclopaedia Britannica), «ντινάς κο Βαλτάσαρ ι βασιλεία ντα ι πιο μπουτέ στρατιωτέν». Κι πραγματικότητα, ο Βαλτάσαρ αβιλό βασιλιάς πι νταντέσκε θεσιάτε κι Βαβυλώνα αζομάν. Οτθάρ, ο αρχαιολόγος ντα γλωσσολόγος Άλαν Μίλαρντ βακερντάς ότι σωστά «ο βιβλίος Δανιήλ βακερέλα ι Βαλτασαρίσκε “βασιλιά”».

Βέβαια, ι Ντεβλέσκε υπηρετόνγκε, ο πιο σημαντικός πράγμας σο σικαβέλα ότι ο βιβλίος Δανιήλ αβέλα κατά Ντεβέλ ντα μπορίνασα τι ντας λέσκε μπέσα αρακχάσα-λες αντρέ κι Γραφή.​—2 Τιμ. 3:16.