Levik­kut palasiun­ngitsut suliar­pas­suisa ilagaat politiit suliaan­nut as­singusumik suliaqar­tar­neq. Taak­kua suliaat naalaf­fim­mi nak­kutil­liisut naalagaan­nit nak­kutigineqar­tar­put. Filon, atuak­kior­toq juutiusoq, naalaf­fim­mi politiit suliaat pil­lugit ima al­lap­poq: “Taak­kua [Levik­kut] ilaat naalaf­fiup isaaf­fiinik paarsisuusar­put al­lal­lu il­ler­nar­tuutip eq­qaani paarsisuusarlutik. Qulak­keer­niar­tar­paat inuup kial­luun­niit iseq­qusaan­ngitsup naalaf­fim­mut isin­ngin­nis­saa, aam­ma piaarinani iseriaraluar­pat. Ilaat naalaf­fiup silataani alaper­naarsuil­lutik angalasar­put ul­luk­kul­lu un­nuak­kul­lu nikit­taat­tarlutik.”

Politiitut sulial­lit taak­ku Kil­lisiuisoqatigiin­nit ator­neqariaan­naap­put. Juutini kisiar­taal­lutik sak­koqar­nis­samin­nut Romamiut naalak­kersuisuan­nit akuerineqarsimap­put.

Biibilimik ilisimatooq, Joachim Jeremias, nas­suiaavoq Jiisusip tigusaanermini politiit taak­ku aperisimagai sooq naalaf­fim­mi ilin­niar­titsinermini tigusarisiman­ngik­kaan­ni. Taama aperisimanavian­ngilaq nak­kutil­liisut taak­ku naalaf­fim­mi politiiusiman­ngik­kaluar­pata. (Matt 26:55) Ilisimatooq taan­na aam­ma isumaqar­poq tamatuma sior­natigut ‘nak­kutil­liisut’ Jiisusi tigusareq­qul­lugu aal­lar­tin­neqar­tut tas­saasimas­sasut naalaf­fim­mi politiit. (Joh 7:32, 45, 46) Kingor­natigut politiit taak­ku naalagar­tik peqatigalugu Kil­lisiuisoqatigiin­nit peq­quneqar­put apustilit tigusariar­tus­sagaat. Aam­ma ilimanar­poq apustilimik Paulusimik naalaf­fim­mit anisitsisut tas­saasimas­sasut naalaf­fim­mi politiit. – ApS 4:1-3; 5:17-27; 21:27-30.