សំណួរពីអ្នកអាន
តើនរណាជាភ្នាក់ងាររក្សាវិហាររបស់សាសនាយូដា? តើពួកគេមានភារកិច្ចអ្វី?
ក្នុងចំណោមពួកលេវីដែលមិនមែនជាសង្ឃ អ្នកខ្លះបំពេញភារកិច្ចដែលស្រដៀងនឹងប៉ូលិស។ ភារកិច្ចនេះនៅក្រោមបង្គាប់របស់មេកងរក្សាវិហារ។ អ្នកនិពន្ធជនជាតិយូដាម្នាក់ឈ្មោះភីឡូ បានរៀបរាប់អំពីភារកិច្ចរបស់ភ្នាក់ងារទាំងនេះថា៖ «ពួកលេវីខ្លះទាំងនេះ គឺជាអ្នកយាមទ្វារនៅច្រកចូលវិហារ។ អ្នកខ្លះទៀតជាអ្នកយាមនៅមុខវិហារ។ ពួកគេធ្វើឲ្យប្រាកដថាបុគ្គលដែលគ្មានសិទ្ធិស្របច្បាប់មិនបានចូលក្នុងវិហារ ទោះជាដោយចេតនាឬអចេតនាក្ដី។ ភ្នាក់ងារខ្លះដើរក្រវែលជុំវិញវិហារដើម្បីការពារវិញ។ ពួកគេដាក់វេនគ្នាធ្វើការនៅពេលថ្ងៃនិងពេលយប់»។
ក្រុមប្រឹក្សាជាន់ខ្ពស់អាចសុំភ្នាក់ងារទាំងនោះឲ្យជួយពួកគេ។ រដ្ឋាភិបាលរ៉ូមអនុញ្ញាតឲ្យតែក្រុមភ្នាក់ងាររបស់សាសនាយូដាមួយនេះប៉ុណ្ណោះ មានប្រដាប់អាវុធ។
បណ្ឌិតគម្ពីរម្នាក់ឈ្មោះយ៉ូអាឃីម យេរេមាស រៀបរាប់ថា៖ «នៅពេលលោកយេស៊ូបានត្រូវចាប់ខ្លួន លោកបានមានប្រសាសន៍ថាលោកធ្លាប់បង្រៀននៅក្នុងវិហាររៀងរាល់ថ្ងៃ តែគ្មានអ្នកណាមកចាប់លោកឡើយ។ (ម៉ាថ. ២៦:៥៥) ពាក្យស្តីបន្ទោសនេះរបស់លោកយេស៊ូអាចយល់កាន់តែច្បាស់បាន បើអ្នកដែលមកចាប់លោកគឺជាភ្នាក់ងាររក្សាវិហារ»។ បណ្ឌិតដដែលនោះគិតថាពួកអ្នកដែលបានត្រូវបញ្ជូនឲ្យមកចាប់លោកយេស៊ូនៅលើកមុននោះ ក៏ជាភ្នាក់ងាររក្សាវិហារដែរ។ (យ៉ូន. ៧:៣២, ៤៥, ៤៦) ក្រោយមក ភ្នាក់ងាររក្សាវិហារនិងមេកងរបស់ពួកគេ បានត្រូវក្រុមប្រឹក្សាជាន់ខ្ពស់បញ្ជូនឲ្យទៅចាប់ពួកសាវ័ករបស់លោកយេស៊ូមកឲ្យពួកគេ ហើយពួកអ្នកទាំងនោះក៏ទំនងជាអ្នកដែលបានចាប់ប៉ូលអូសទៅក្រៅវិហារដែរ។—សកម្ម. ៤:១-៣; ៥:១៧-២៧; ២១:២៧-៣០
លោកអ្នកក៏ប្រហែលជាចូលចិត្តដែរ
ទស្សនាវដ្ដី
សំណួរពីអ្នកអាន ខែកក្កដា ឆ្នាំ២០២២
ទស្សនាវដ្ដី
សំណួរពីអ្នកអាន ខែមេសា ឆ្នាំ២០២២
បើគ្រិស្តសាសនិកណាម្នាក់លែងលះប្រពន្ធគាត់ដោយគ្មានមូលដ្ឋានលើគម្ពីរ ហើយក្រោយមករៀបការជាមួយបុគ្គលផ្សេង តើក្រុមជំនុំមានទស្សនៈយ៉ាងណាចំពោះអាពាហ៍ពិពាហ៍ពីមុន និងអាពាហ៍ពិពាហ៍ថ្មី?
ទស្សនាវដ្ដី
សំណួរពីអ្នកអាន ខែមីនា ឆ្នាំ២០២២
ទស្សនាវដ្ដី
សំណួរពីអ្នកអាន ខែធ្នូ ឆ្នាំ២០២១
ទស្សនាវដ្ដី
