Ziī yɛɛ pya tam lo pya gā Livai a naale pya wɔp zɔɔ wee si na lo esitam bu eku doodoo pya nɔ̄. Lo tam ama wee lu ebaɛbee tɛ̄mabah nɛɛ a zaāsī tɔkaɛ. Ziī nɛɛ Juu a wee ɛm kpa a kura Philo bee baatɛ̄ tam pya lo nɔ̄ ama wee si: “Wee lu esere pio pya [Livai] ama nudee tɛ̄ma nyima doodoo pya baɛloo, e pio aba wee le [bu tɔkaɛ] deesī kɛ̄ alu kaɛ, lo ekpega nɛɛ a naa bɔloo kɔ a yii lo kɛ̄ sɔ̄ a naa suā ale sɔ̄ a suā. Pio aba wee kiāŋa bu eku eku sa baɛloo, siga eku bu sɔ̄ lɔɔrɛ e siga sɔ̄ uunɛ.”

Pya lo nɔ̄ wee sitam nɛ pya Sanhedrin. Aba pya lo eku baɛloo ama na pya bɛbɛɛ Rom bee lɛɛbaloo kɔ ba a aara nu nɔ̄ a.

Dookɛ̄ nɛɛ enɔā kpa a kura Joachim Jeremias bee kɔ doo, “ue Jizɔs bee kɔ nɛ pya nɛɛ dee a bee lu e’aa ye lo a kɔ, aā ziī dee yii ziī m wee le bu tɔkaɛ gaa tɔgɛnu e buii mɛ aa, bee lu edābeeloo leere kɔ a dap lu pya nɔ̄ a wee le tɔkaɛ na a bee lu wee aa ye a.” (Mat 26.55) Lo nɛɛ ama yiga nage kɔ pya a wee lu eyere gbɛnɛ-edo sɔ̄ kɔ ba a aa Jizɔs wee le pya nɔ̄ a le tɔkaɛ. (Jɔn 7:32, 45, 46) Sɔ̄ esaa pya lo nɔ̄ le wa nɛɛ zaāsī bee lunage eyere kɔ ba a su pya a wee nyɔɔnɛ dumɛ Jizɔs nua kɛ̄sī pya Sanhedrin, sa a bee dap nage lu alaba na a bee zuura nɛɛ lɛɛratam Pɔɔl lɛɛ bu tɔkaɛ a.—Doonu pya Nɛɛ lɛɛratam 4:1-3; 5:17-27; 21:27-30.