Jack aam­ma Marie-Line 1988-imiil­li pif­fis­saq tamaat kif­far­toqatigiis­simap­put. Sungius­sisin­naaner­tik ilisimaneqaatigalugu Guadeloupemi aam­ma Fransk Guyanami as­sigiin­ngitsor­pas­suar­nik sulias­sin­neqarsimap­put. Sumiif­fiit taak­ku marluk maan­na Frankrigimi im­mik­koor­tor­taqarfim­mit nak­kutigineqar­put. Jack aam­ma Marie-Line apersulaariar­tigit.

Sooq piffissaq tamaat kiffartulerpisi?

Marie-Line: Guadeloupemi peroriar­tor­nin­ni anaanaga, Nalunaajaasuusimasoq aal­lus­sil­luar­toq, ul­loq tamaat oqaluus­seqatigisar­para. Inuit asavak­ka, taamaat­tumik 1985-imi atuar­nera naam­mas­sigak­ku pionerisut kif­far­tuler­punga.

Jack: Meeraal­lunga pif­fis­saq tamaat kif­far­tor­tunik oqaluus­sinermik nuan­narisaqar­tunik ilagisaqar­tuaan­nar­punga. Aasak­kut atuan­ngif­fim­mi ikior­ti-pionerisut kif­far­tor­tar­nikuuvunga. Weekendini bus­serluta pionerit oqaluus­siar­toqatigisar­pavut ul­lorlu tamaat oqaluus­sereeraangat­ta sis­saliaqatigisarlugit. Ul­lut taak­ku nuan­ner­taqaat!

1988-imi Marie-Line katereerlugu ima eq­qarsar­punga: “Pisus­saaf­fip­pas­suaqan­ngilagut. Kif­far­tor­nermi iliuuseqar­nerusin­naavugut?” Marie-Line pionerisut kif­far­toqatigiler­para, aap­paaguanilu pionerinut ilin­niarfim­meereerluta specialpioneritut kif­far­tor­tus­san­ngor­tin­neqar­pugut. Guadeloupemi nuan­nersor­pas­suar­nik suliaqareerluta Fransk Guyanamut nuus­sin­naanersugut aperineqar­pugut.

Piffissap ingerlanerani as­sigiin­ngit­sunik sulias­sin­neqar­tar­simavusi. Pis­sutsinut nutaanut sungius­sinis­samut suut iluaqutigisimavisigit?

Marie-Line: Fransk Guyanami Betelimi qatan­ngutit nalun­ngilaat al­las­simaf­fik nuan­nariner­paasar­put tas­saasoq Esaja 6:8. Taamaat­tumik sianeraangamik qungujun­nar­tumik ima oqarajup­put: “Al­las­simaf­fik nuan­nariner­paasarsi eq­qaamavisiuk?” Paasisar­par­put nutaamik sulias­sin­neqalerluta. Imalu akisaraavut: “Piareersimavugut, aal­lar­titsigut!”

Uagutsin­nut sulias­siis­sutigineqar­toq sior­natigut suliarisimasatsin­nut sanil­liun­naveersaar­tar­par­put taamaalius­sagut­tami maan­nak­kut suliar­put nuan­naarutigin­ngitsoorsin­naagatsigu. Aam­ma qatan­ngutit ilisarisimaler­niarsarisar­pavut.

 Jack: Ilaan­ni anersaak­kut qatan­ngutinit ajun­ngitsumik isumaqar­tunit nuun­nis­samut nangar­tar­neqar­pugut. Guadeloupeli qimak­katsigu qatan­ngutip ataatsip eq­qaavai Jiisusip oqaasii Mat­thæusi 13:38-mi al­las­simasut: “Narsaat tas­sa silarsuaq.” Taamaat­tumik nutaamik sulias­sin­neqaraangat­ta im­mitsin­nut eq­qaasit­tar­pugut sumiik­kaluarut­taluun­niit suli ‘narsaam­miil­luta’. Tas­sami inun­nut oqaluus­sisin­naaneq pingaar­ner­paavoq!

Sumiif­fim­mut nutaamut nuuk­kaangat­ta takusar­par­put tas­saniit­tut nuan­naarlutik inuusin­naasut. Taak­kunatut inuuniar­tar­pugut. As­sersuutigalugu nerisas­sat al­laanerusin­naap­put, nerisar­tagaal­li nerisar­pavut imer­tagaal­lu imer­tarlugit, sulilu eq­qiluisaar­nis­saq isumagalugu. Suliatsin­nik ajun­ngitsumik eq­qar­tuisar­nis­saq eq­qumaf­figisar­par­put.

Marie-Line: Aam­ma qatan­ngutit nuuf­figisatsin­niit­tut ilin­niarfigisaqaavut. Eq­qaamavara Fransk Guyanamut nooq­qam­merluta sial­lersuaarmat isum­mer­tugut oqaluus­sitin­nata sial­lerun­naarsiiniarlugu. Qatan­ngutil­li ima aperivaanga: “Oqaluus­siar­tus­saagut?” Tupaal­lal­lunga ima aperaara: “Qanoq?” Ima akivoq: “Alan­ngit­taatit tigoriarlugu sik­kilis­saagut.” Taamaalil­lunga alan­ngit­taaserlunga sik­kiler­nis­sara ilik­kar­para. Ilik­karsiman­ngitsuuguk­ku sial­lersarfin­ni oqaluus­sisas­san­ngik­kaluar­punga.

15-it missilior­lugit nuus­simavusi. Qanoq siun­ner­suisin­naavisi?

Marie-Line: Nuun­neq ilungersunarsin­naavoq. Pingaaruteqar­porli oqaluus­sereer­nermi toq­qis­sisimaf­figisin­naasamik angerlarfis­saqar­nis­saq.

Jack: Initaat­ta ilua uanga qalipat­tar­para. Im­mik­koor­tor­taqarfim­mi qatan­ngutit ilimagigaangamik­ku sivisuumik tas­saniin­navian­ngitsugut ima oqarfigisar­paan­nga: “Jack, qalipaasariaqan­ngilatit!”

Marie-Line poor­tuil­laq­qit­tupilus­suuvoq! Pigisavut tamaasa karsinut inis­sititer­tar­pai karsil­lu al­lagar­talersorlugit, soorlu “uf­farfik”, “sinit­tarfik”, “igaf­fik” as­sigisaal­lu. Initaatsin­nut nuun­nitsin­ni pigisatsin­nik inis­sis­suipal­lan­nis­samut taman­na iluaqutigisar­par­put. Karsit imaasa suuneri al­lat­tor­tar­pai pigisavut nas­saaripal­las­sin­naanias­sagatsigit.

Marie-Line: Aaq­qis­suus­sil­luar­neq ilik­karsimagatsigu oqaluus­sineq ingerlaan­naq aal­lar­tis­sin­naasar­par­put.

 ‘Kiffartuutersi naam­mas­siumal­lugu’ qanoq piler­saarusior­tarpisi? – 2 Tim 4:5.

Marie-Line: Ataasin­ngor­nik­kut qasuersaar­tarlutalu ataatsimiin­ner­nut piareersar­tar­pugut. Taava marlun­ngor­nerit aal­lar­nerfigalugit oqaluus­sisar­pugut.

Jack: Nalunaaqut­tap-akun­neri aalajangersimasut angusarisas­savut pin­nagit oqaluus­sineq pingaar­ner­paatip­par­put. Aninitsin­niit angerlar­nis­sat­ta tungaanut sapin­ngisamik naapitavut tamaasa oqaloqatiginiar­tar­pavut.

Marie-Line: As­sersuutigalugu taquarluta asiaraangat­ta naqitaaq­qanik nas­sar­tar­punga. Inuit Jehovamik Nalunaajaasuunitsin­nik oqarfiginikuun­ngik­kaluarlugit ilaan­nik­kut saaf­figaluta aperisar­paatigut Biibililersaaruteqar­nersugut. Taamaat­tumik atisalersoriaaser­put pis­susilersoriaaser­pul­lu eq­qumaf­figisar­pavut, inuim­mi tamak­ku maluginiar­tar­paat.

Jack: Aam­ma eq­qaamiutsin­nut ajun­ngitsulior­tar­nik­kut nalunaajaasar­pugut. Eq­qagas­sat nunamiit­tut katersor­tar­pak­ka, eq­qaaviit imaajar­tar­pak­ka naatsiivil­lu il­lut­ta silataaniit­toq isumagalugu. Sanilit­ta taman­na maluginiarlugu ilaan­nik­kut ima aperisar­paan­nga: “Uan­nut tun­nius­sin­naasan­nik Biibiliuteqar­pit?”

Avin­ngarusimasunut oqaluus­siar­tor­tar­simavusi. Angalasar­nis­sin­ni im­mik­kuul­laris­sumik eq­qaamasaqar­pisi?

Jack: Guyanami sumiif­fiit ilaat tikik­kuminaap­put. Sapaatip-akun­neranut kilometerit 600-t aq­qul­lut­tuk­kut angalasariaqar­tarsimavugut. Saint-Éliemut Amazonip or­pip­pas­suaaniit­tumut tikin­ner­put puiunaap­poq. Nalunaaqut­tap-akun­ner­pas­sui biilinik umiatsiaaq­qamil­lu tikin­niaaluusaar­pugut. Inuit taakani najugal­lit amerlanerit kuultisior­tuup­put. Biibililersaarutivut qujamasuutigalugit ilaasa tunis­sutitut kuultiminer­nik tunivaatigut. Un­nuk­kut tas­sani najugaqar­tut amerlasuut najuutsil­lugit Jehovap Nalunaajaasuisa filmiutaan­nik isigin­naar­titsivugut.

Marie-Line: Qanit­tuk­kut Jack aperineqar­poq Camopimi eq­qaaniaanermi oqalugiarsin­naanersoq. Apuuk­kumal­luta nalunaaqut­tap-akun­neri sisamat Oyapockip kuus­suatigut umiatsiaaq­qamik angalasariaqarsimavugut. As­sut pis­sanganaqaaq.

Jack: Kuus­suaq ik­kal­ligaangat navianarsin­naasar­poq. Kuus­suul­li sarfaasa qap­pior­ner­paaf­fii qanil­liar­torlugit tupin­nar­taqaaq. Aqut­toq aqul­laq­qit­tariaqar­poq. As­sul­li nuan­ner­taqaaq. Eq­qaaniaanermi najuut­tut 50-it mis­saan­niip­put, aali Nalunaajaasut arfiniliin­naagaluar­tut. Najuut­tul­lu ilaat indianeriup­put.

Marie-Line: Inuusut­tut Jehova pil­lugu iliuuseqar­nerorusut­tut taamatut nuan­nersunik misigisaqarsin­naap­put. Pisuni taamaat­tuni Jehovap tatiginis­saa pisariaqar­poq, up­per­nik­kul­lu taman­na nakus­satsin­nar­poq. Jehovap uagutsin­nik ikiuinera misigisar­par­put.

Allamiut oqaasiinik arlalin­nik ilin­niar­simavusi. Ilikkajavisi?

Jack: Naamerluin­naq. Pisariaqar­titsisoqar­nera pis­sutigalugu oqaatsinik taak­kunin­nga ilin­niar­punga. Ataasiarlunga oqaatsit sranantongo * atorlugit Napasuliaq Alapernaarsuiffik-mik atuaq­qis­saaqatigiin­nermi aqutsisus­san­ngor­tin­neqar­punga, uf­falu suli oqaatsini taak­kunani ataatsimiin­nermi Biibilimik atuf­fas­sinanga! Kingor­na qatan­ngut angut aperaara qanoq ingerlasimanersoq. Ima akivoq: “Ilaan­nik­kut paasiuminaatsilaar­tar­patsigit, kisian­ni ajun­ngeqaaq.” Meeq­qat ikiuutaasaqaat. Inersimasut as­siginagit taak­kua kuk­kugaangama naq­qit­tar­paan­nga. As­sut ilin­niarfigeqaak­ka.

Marie-Line: Ilaan­ni Franskisut, Por­tugalimiutut oqaatsil­lu sranantongo atorlugit Biibilimik atuaq­qis­saaqateqar­tar­punga. Qatan­ngutip ar­nap siun­nersor­paanga oqaatsit saper­nar­tin­ner­paasak­ka atorlugit atuaq­qis­saaqateqaq­qaar­tas­sasunga, ajor­nan­ngin­ner­paal­lu kingul­liul­lugit. Tamatuma siun­nersuutitsialaanera paasiler­para.

Taamaal­lunga oqaatsit sranantongo atorlugit atuaq­qis­saaqateqarsin­narlunga Por­tugalimiutut atuaq­qis­saaqateqar­punga. Taava qatan­ngutip ar­nap oqaluus­seqatima ima oqarfigaanga: “Marie-Line,  arlaan­nik ajor­toqar­pasip­poq.” Sunaaf­fa ar­naq Brasiliamioq Por­tugalimiutut oqaluut­tus­saagaluarlugu oqaatsit sranantongo atorlugit oqaluuk­kiga!

Kiffartoqatigisimasas­sin­nit asaneqangaar­pusi. Qanoq ilil­lusi qatan­ngutit qanitariler­tar­pisigit?

Jack: Us­satit 11:25-mi ima al­las­simasoqar­poq: “Tuk­kusooq nam­mineq tuman­nguersar­neqas­saaq.” Al­lat pif­fis­saqarfiginis­saat ikior­nis­saal­lu nangaas­sutigineq ajor­par­put. Naalagaaf­filersaarfim­mi aserfal­latsaaliuinermut tun­ngatil­lugu ilaasa ima oqarfigaan­nga: “Oqaluus­sisar­tunut taman­na suliaritin­niaruk.” Imali akivara: “Uanga aam­ma oqaluus­sisar­tuuvunga. Taamaat­tumik sulias­saqar­til­lugu ikiuuk­kusup­punga.” Tamat­ta kisimiin­nis­sar­put pisariaqar­tit­taraluarlutigu im­mitsin­nut eq­qaasit­tar­pugut taman­na al­lanut ajun­ngitsulior­nis­samut aporfigerusun­natigu.

Marie-Line: Qatan­ngutit soqutigin­nin­nermik ersersitsiviginis­saan­nut iliuuseqar­tar­pugut. Taamaalior­nik­kut paasisin­naasar­par­put pisariaqar­titsisoqar­nersoq, as­sersuutigalugu meeq­qamin­nik paarsisus­sanik atuareeraangatalu aal­ler­tus­sanik. Taava ikiuisin­naajumal­luta pilersaarutivut al­lan­ngor­tilaar­tar­pavut. Taamaasil­luta qatan­ngutit qanitariler­tar­pavut pisariaqar­titsigaangatalu ikioriaan­naasarlugit.

Pisariaqar­titsif­fiunerusuni kif­far­toras­si qanoq pil­luaq­quneqar­simavisi?

Jack: Pif­fis­saq tamaat kif­far­torat­ta pil­luaqaagut. Jehovap pin­ngor­titarsuata alutorsaatiginis­saanut periarfis­sar­pas­suaqarsimavugut. Naak unam­minar­toqar­taraluar­toq sumiik­kaluarut­taluun­niit Guutip in­nut­taanit tapersersor­neqarumaar­ner­put qamuuna eq­qis­sis­sutigaar­put.

Inuusut­tuul­lunga sak­kutuujujuman­ngin­nama Fransk Guyanami par­naarus­saavunga. Takorloorsiman­ngisaan­nar­para arlaan­ni ajoqersuiar­tor­titatut par­naarus­sanut oqaluus­siar­torsin­naatitaas­sal­lunga. Ilumum­mi, Jehovap tuk­korluni pil­luaq­qusisar­nera tupin­naqaaq!

Marie-Line: Sapin­ngisan­nik al­lanik ikiuisar­neq nuan­naarutiginer­paavara. Jehovamut kif­far­tor­ner­put nuan­naarutigaar­put. Aam­ma aap­pariit­tut qanin­nerulis­sutigaar­put. Ilaan­nik­kut Jackip aperisar­paanga aap­pariit nikal­lungasut neriar­toq­qus­sanerlutigit. Ima akisar­para: “Taamatut eq­qarsarut­torlunga!” Eq­qarsaatitsigut isumaqatigiit­taqaagut.

Jack: Qanit­tuk­kut paasitin­neqar­punga qinersik­kut nakatsuma paavaniit­tuk­kut kræfterlunga. Naak Marie-Linep tusas­sal­lugu nuan­narin­ngik­kaluaraa ima oqarfiginikuuara: “Asak, aqagu toqus­sagaluaruma ‘utoq­qarsuan­ngorlunga’ toqus­san­ngilanga. Nuan­naarlungali toqus­saanga, nalunagu inuunera pingaarutilim­mut, tas­sa Jehovamik kif­far­tor­nermut, atorsimal­lugu.” – 1 Mos 25:8.

Marie-Line: Jehovap ilimagin­ngisatsin­nik sulias­sis­simavaatigut takorloorsin­naan­ngisaan­nak­katsin­nil­lu iliorsin­naatil­luta. Inuuner­put ajun­ngitsor­pas­suar­nik im­mer­neqarsimavoq. Guuti tatigil­luin­naratsigu taas­suma peqatigiis­sor­taasa sumul­luun­niit aal­laq­qup­patigut uagut piareersimajuas­saagut!