Jacki tsî Marie-Line hâra ge 1988ǁî kuruba xu ǀoasa ǁaeb aoǁnâ sîsen-e ra dī. ǃHaese ra xūna ra ǁnaedi ǃkhais ǃaroma ra ge ǂgui aiǂhanuga Guadeloupeb tsî Frans Guianab tsîn ǃnâ ge ǃkhōǃoa. Hoa ǃkhaikha ge Fransi ǁnâub beros mûǂams ǃnāga hâ. Hā re i da Jacki tsî Marie-Line hâra dî ǃnâ.

Tae-e ge ǂkhâǃnâ ro ǀoasa ǁaeb aoǁnâ sîsenni ǃnâ ǁhaosa?

Marie-Lines: ǀGôaros ase ta ge Guadeloupeb ǃnâ ge kai tsî ǃnāsa ǁaeba ti ǁgûs hîna aoǁnâ sisenna ge ǀnam is ǀkha hoa tsēsa gere aoǁnâ. ǁÎs ge nēsa ge ǀnam i. Tita ge khoena a ǀnam tsî skoli ǀkha ta ge 1985ǁî kuru toa o, o aimâba-ao sîsenni ǀkha ge tsoatsoa.

Jack: ǃGaoǀgôab ase da ge ǀoasa ǁaeb aoǁnâ-aon hîna aoǁnâ sîsenna ǀnaman ǂnamipe ge kai. Skoli sâǁaegu ǁaeb ǃnâ ta ge huiǃnâra aimâba-ao sîsen-e gere dī. Wekheb tsēdi ǀams ai da ge audosa ū tsî nau ǂharidi aimâba-aon ǀkha ǁîn ǂhari di ǃnâ sī gere sîsen. Hoa tsēsa da ge gere aoǁnâ tsî hurib dawa sī gere ǀamǂoa. ǁNā tsedi ge kaise ge ǃgâi i.

1988ǁÎ kurib ǃnâ ta ge Marie-Lines ǀkha a ǃgame toa o, o ta ge ge mîbasen, ‘ǂGui ǁaebam ge ūhâ tae-i ǃaromam aoǁnâ sîsenni ǃnâ ǃnāsase dī tama hâ?’ Marie-Linesa ta ge aimâba-ao sîsenni ǃnâ ge ǁhao. Kurib khaoǃgâ aimâba-aon skola ǁhaoǃnâ toa tsîm ge ǀō-aisa aimâba-aose ge ǁgaumâihe. ǁKhoaxa ǁgaumâidem ge Guadeloupeb ǃnâ ge ūhâ i Frans Guianaba ǃoam nî ǁkhauhes aiǃâ.

ǂGui ǃkharagagu ǁgaumâide ro ge kurin ǃnâ ge ǃkhōǃoa. Tae-e ge huiro ǀasa ǀkharaǀkharan ǃnâ mâǀgaisa?

Marie-Lines: Frans Guianab di betels ǃgâsan ge sima kaise gere mâǂoaba xoas Jesajab 6:8 disa ge ǂan i. Nēs ǃaroman ge ǁkhaumin ga o, o ǀhururase gere dî mî, “Saro di ǂoaǂamsa Elobmîs xoasa ro ra ǂâihō?” Nēsan ga mî o, om ge ge ǂan i ǀasa ǁgaumâisam go hōsa. Tsîm ge gere mî, “nēm ge a, sî mî re.”

 ǃKharu ge ǁaeb ǁgaumâidi tsî ǀasa ǁgaumâidi tsîna ǀgōpeǀnōsa xum ge gere ǂgōsen nēs ǃgôaǃgâsiba ǀasa ǁgaumâisa omkhâibasa xu nî ǁkhaemî xu-i ao. Tsîm ge ǁaeba gere ū sim di ǃgâsan ǀkha ǂangusa kurusa.

Jack: ǃKharu ge ǁaeb ǃnân ge sim ǃgâi ǀhōsan ǀnîna gere ǁkhae mî îm tā ī ǁîn sim nî bē ǃkhaisa ge ǂgao tama hâ i amaga. Xawem ge Guadeloupeba xu a ī o, ob ge ǀgui ǃgâsaba Jesub mîdi xa ge ǂâiǂâiǃnâ mî hîna Mateub 13:38 ǃnâ hâde: “Tsî ǃhanab ge ǃhūbaiba.” Nēs ǃaromam ge ǀasa ǁgaumâidem gere hō o, o gere mî noxobam ge ǁkhā ǃhanab ǃnâ ra sîsen ti. ǂHaris ǃnâ hâ khoen ge a ǂhâǂhâsa.

ǀAsa ǂharis ǃnâm ga hā o, om ge gere mû khoen ǃgâise ra ûisa. Tsîm ge gere dītsâ ǂharis ǃnâ hâ khoen khami ûisa. ǂÛn gere ǃkharaga xawem ge ǁîn gere ǂû ǂûna ǂû tsî ǁîn gere ā xūna gere ā, sîm di ǂurusiba ǃoa ra kōse. Mâ ǁgaumâis hoas xa ǃgâise ǃhoasam ge gere dītsâ.

Marie-Lines: ǂGui xūnam ge ǃgâsana xu gere ǁkhāǁkhāsen. ǂÂihō ta ge ra ǂgurom ge Frans Guianab ǃnâ a sī ǁaeb xa. Kaise ǀgaisase i ge gere ǀapi tsîm ge gere ǂâi ǀnanub nî toa ǁaebam ge nî ǃau di, aoǁnâ ǃgûs ǃaroma. Xawes ge ǃgâsasa ge dî te, “aoǁnâ sîsenna ǃoam ra ī?” Buru hâse ta ge ge dî, “mati?” ǁÎs ge ǃeream tsî ge mî, “sa ambrelas tsî ǀurihāb tsîna ū re.” Tita ge ǀurihāb tsî ambrelasa tsîna ǀgui ǁaeb ai sîsesen-ūsa ge ǁkhāǁkhāsen. ǂÂi ta ge ge hâ i ǀnanub ǃnâ ta aoǁnâ tide ti.

15 ǃNāde ro ge gere doemâ. ǃGâsan hîna nēsa ra dī ǂgaonaro mati a ǂkhâǃnâ ǁkhā?

Marie-Lines: Does ge a ǃgom ǁkhā. Xawe i ge a ǂhâǂhâsa sâ du nî ǃkhai-e ūhâsa aoǁnâ sîsenna xu du ga ǀkhī o.

Jack: Tita ge hoaǁae oms ǂganagaba gere paint. ǁNâub beros ǃgâsagu ge ǁaen ai ge ǂan i gaxusem nēpa hâ tidesa tsî gere mî, “Jack tā dītsâs tsîna hî nē ǃkhaiba paint-unusa.”

Marie-Lines ge kaise ge ǃgâi i xūna sâubes ǃnâ. ǁÎs ge mâ xū-i hoe-e boksis ǃnâ ǂgā tsî ǀonde gere xoa-ai “batkamers”, “ǁgoeǃnâ ǃnā-oms” tsî “kombais.” Nēs ge gere hui mî ǀasa ǃkhai-i tawam ga ǀkhī o, o mâ boksis hoasa hâs nîse i ǃkhaib ai mâisa. ǁÎs ge boksidi  ǃnâ hâ xūn hoana gere xoakhâi nēs ge xūna supuse hōs ǀkha gere hui.

Marie-Lines: ǃGâise aiǂhōmîsen sam ge ǁkhāǁkhāsen amagam ge sim di aoǁnâ sîsenni ǀkha ǃhaese ge tsoatsoa ǁkhā i.

Mati ro saro ǁaeba ra ǀgoraǂgā i ro ‘ǃgâiǂhôas di ǃoabasa dīǀoaǀoa?’​—2Tim. 4:5.

Marie-Lines: Mandaxtsēdi aim ge sâ tsî ǀhaodi ǃaroma ra aiǂhomisen. Tsîm ge Dinstaxtsēsa xu aoǁnâ sîsenni ǃnâ ra ǂoa.

Jack: Māǂgām nîse ge i ǁaebam ge ge ūhâ i xawem ge sim ǂâisa ǁnāpa ge ǂnûi tama hâ i. Aoǁnâ sîsenni ge kaise a ǂhâǂhâsa. Omsa xum aoǁnâs ǃgao ra īsa xum ge oaǀkhîm dis kōse khoen ǀkha ra ǃhoa.

Marie-Lines: ǂÛǃgû ǂoam ga o, o ta ge hoaǁae ǂkhaniroga aoǁnâs ǃgao ra ūsao. ǀNî khoen ge sim tawa ǀkhī tsî ǂkhanina ra ǂgān Jehovab di ǀHûǀguitimî-aom a tim mîba nî tama hâ hîna. Nēs ǃaromam ge hoaǁae sîm ana ǀgauba ra kōǃgâ. Khoen nē ǃnôa xūna ǃoa ra kō amaga.

Jack: Sim ǀgūkhoena ǃgâi xūna dības ǃnâ-ūs tsînam ge ra aoǁnâ. Tita ge oms ǂnamipe ra ǁgoemâ ǂkhanina ūkhâi, ǀapona axū tsî ǃhanaba ra ǃanu. Sim ǀgūkhoen ge nē xūna mû tsî ǁaen ai ra dî, “Elobmî-e du ūhâba da tama hâ?”

ǂKhari ǂharidi ǃnâ ro ge hoaǁae ra aoǁnâ. ǂHâǂhâsa xū-e nē ǃnariǂoadi xa ra mâǂoaba ro?

Jack: Guianab ǃnâ ǀnî ǂharidi dawa sīs ge kaise a ǃgom. ǃNāsa ǃnādem ge 600 km wekhega ǃgâi tama daogu ai ra ǃnari. Sim saris St. Élies hîna Amazon forest ǃnâ ǁgoes dis ge kaise ge ǂoaǂamsa i. ǁNāpasis ge ǁaeba ge a ū tsîm ge ǃhū daogu amsi a kurusa aodos tsî ǂgaus tsîna ge sîsen-ū. ǃNāsa khoen ǁnāpa ra hân ge xaud mâins ǃnâ ra sîsen. Sada ǂkhaninan ra gangan ǃkhaisa ǁgaus ǃaroman ge ǂkhari ǃârodi xaudna māsenxa mādi ase gere mā. ǃUikarab aim ge ǀapeǂhomis vidio-e gere ǁgau nî. ǂGui khoen ge nēsa ǃoa gere hā.

Marie-Lines: Jacky ge Camopib ǃnâ Jesub ǁōb ǂÂiǂâisen ǃhoasa māsa ge ǂgān-e. ǁNāba sis ǃaromam ge haga īrga Oyapoki ǃāb ǃnâ ǂgaus ai ge ǃnari. Nēs ge kaise ge ǁkhoaxa i.

Jack: ǃĀb ge ǂam i ba i ge ǁgam-e ǀgaisase gere dâu tsîs ge nēsa ge ǁkhōǁkhōsa i. Nē ǀgaisase ra dâu ǁgam-e mûs ge ge ǁkhoaxa i. ǂGau ǃnari-aob ge ǃgâise ǃnarisa nî ǂan. Xawe nēs ge kaise ge ǃgâi i. 6 Aoǁnâ-aon ǀguin ge ǁnāpa hâ i xawen ge 50 khoen tsî ǀnî Amerindian khoen tsîna Jesub ǁōb ǂÂiǂâisensa ge ǁhaoǃnâ.

Marie-Lines: Nē ǃnôa ǃgâi ǁaegu ge ǂkhamkhoen hîna ǁîn ûiga Jehovaba ra mā ǂgaona ǃâuhâ. Jehovab ǃnâ du ge ǃgomǁaegu ǃnâ nî ǂgomaiǂnûi tsî sadu ǂgomsa nî ǀgaiǀgai. ǃNāsa ǁaegam ge Jehovab ǃoma sîm sîsenni ǃnâ ra mû.

ǀNî gowana ro ge ge ǁkhāǁkhāsen. Gowaga ǁkhāǁkhāsens ǃnâ ro a ǃgâi?

Jack: Hî-î. Tita ge nē gowaga ge ǁkhāǁkhāsen kai ǂhâsib ge hâ i amaga. Tita ge Watchtowerba Sranantongo * gowab ǃnâ ge dī Elobmîs khomaisa ta noxoba dī tama hâ hîna. ǃGâsaba ta ge ge dî mati ta go dī. ǁÎb ge ge ǃeream, “ǀNî mîde da ge ge ǁnâuǃā tama hâ i xawets ge kaise ǃgâise go dī.” ǀGôaron ge kaise ǃgâise gere hui. Dīsa ta gere o, on ge gere hui te xawe kai khoen ge nēsa ge dī tama hâ i. ǂGui xūna ta ge ǀgôarona xu ge ǁkhāǁkhāsen.

Marie-Lines: ǀGui ǂharis ǃnâ ta ge Frans gowab, Portegues gowab, tsî Sranantongo gowaba ra ǃhoa khoena Elobmîsa gere ǁkhāǁkhā. ǀGui ǃgâsas ge ge mî ǃgom gowab ǀkha tsoatsoa tsî ta supu gowab ǀkha nî ǀamsa tita ge nēsa dīsa ge ǀu-i. Xawe ta ge ega ge ǁnâuǃā ǁîs tae-e nēsa ge a mîbasa.

ǀGuitsē ta ge ǀgam khoena Elobmîsa Sranantongo gowab tsî Porteguesi ǃnâ gere ǁkhāǁkhā. ǀGamǁî Elobmîs ǁkhāǁkhāsa ta ge  tsoatsoa o, os ge hâ-ū ta ge ī ǃgâsasa ge mî, “Marie-Line ǃgomsiro-em ge ūhâ.” Mûǂan ta ge ge Brazilianǁî khoes ǀkha ta Sranantongo gowab ǃnâ gere ǃhoasa Portegues gowaba ta nî sîsen-ūse ge ī hîna.

Sîsen-ū ro gere khoen ge kaise a ǀnamro. Mati ro saro ǃgâsan ǀkha ǀgū ǀhōsagusisa ge om?

Jack: ǂKhoamîdi 11:25 ge ra mî: “ǀKhae ra ǀoms ge nîra kau.” ǁAeba ǃgâsan ǀkha ūhâ tsî huinisa xum ge ǃkhō-aosen tama hâ. Gaosib ǀHû-omma dī-unus ǃnân ge ǀnîna ge mî: “An nau aoǁnâ-aona nēsa dī re di.” Xawe da ge ǃeream tsî ge mî: “Tita tsîn ge a aoǁnâ-ao.” Dī-e nî sîsenni ga hâ o, o ta ge tita tsîna ra hui ǂgao. Hoa da ge ǁaeba ǂhâ hâ xawem ge hoaǁae gere mîbasen ǁaeba sim ǃaroma ǁamaǂûisa as tā ǃgâsana huisa xu ǁkhaemi.

Marie-Lines: Sim ǃgâsan ǃnâ ǃgâiǃgâibasensa ǁgaus aim ge ra sîsen. Nē ǀgaub ǃnâm ge ge ǂan i ǂhâsib ǃnân ga hâ o tamas ka ion ga ǀgôana skoli ai si ūba-esa ǂhâ o. Sim di xūna ǀnî ǁaeba ǃoa ǂhā tsîm ge ǁîna gere hui. Tsîm ge nēs ǀkha ǀgū ǀhōsagusisa ǁîn ǀkha ge om tsî hoaǁae huinis amsi ge ǂhanu i.

Tae ǀkhaega ro ǂhâsib hâba sī huisa xū ge ǃkhôǃoa?

Jack: ǀOasa ǁaeba aoǁnâ sîsenni ǃnâ ǃâs ge ǂkhîba ūhâs ǀkha ge hui mî. ǃNasa ǁaebam ge īsa kurus xūn xa ǀoa hâ ǃkhaigu tawa sī gere hâ tsî Jehovab kurusa xu ǂkhîba gere hō. ǃGomsinam gere hōǃnâ xawem ge ǂkhîba ge ūhâ i Elob khoen ǂkhâǃnâsam ūhâ ǃkhaisam ge ǂan i amaga.

ǂKham khoeb ase ta ge Frans Guianab ǃnâ ǀkha-e ǁhûi tamas īs ǃaroma ge ǃkhō-e. Nē ǃāsa ǃoa ta sîsabe-i ase oasī tsî ǃkhōsis ǃnâ hâ khoena nî si aoǁnâba ǃkhaisa ta ge ge ǂgom tama hâ i. Jehovab ge ǀkhaega māsa xu ū-oasen tama hâ.

Marie-Lines: Kai ǂkhîb hîna ta ge tita a ǃkhōǃoab ge ti ǁaeba nau khoena māsa. Jehovab ǃoabas ǃnâ hâsa xum ge ǂkhîba ra hōǃâ. Nēs ge khoe-aogum ases tsînam ge ǀgūǀgū mi. ǁAen aib ge Jacka ra dî ǂkhabu ǂâi hâ khoe-aoguram ǂûǀhaos ǃaroma ǁkhau tsî a ǂkhâǃnâ ǁkhāsa. ǃEream tsî ta ge ǃnāsa ǃnâde ra mî, “Tita tsîn ge ǁkhā xū-i xa goro ǂâi.” Nētim ge ǁaen ai ǀgui xū-i xa gere ǂâi.

Jack: Aore khoe ǃgaib ǃnâ ra hō-e kankersa (prostate cancer) ta ge ge hō. Marie-Lines nēsa ǁnâus xa ǃgâibahe tama ha xawe ta ge ra mîba si: “Ti khoese, ǁari ta ga ǁō o, o ta ge ‘kairasib’ xa ǁō tide. Xawe ta ge ǂkhîse nî ǁō, hoa xūn hîna ta ge dī ǁkha i na ta gagasi ûiba ūhâs ǃnâ ge dī amaga.”​—Gen. 25:8.

Marie-Lines: Jehovab ge ǃâubasen tamam ge hâ i dao-amde ge ǁkhowa-am ba mî tsî tātsēm dīhō tide di gere ǂâi xūna ge dīhō kai mî. Sim ûigu ge ǂgui ǃgâi xūn xa ge ǀoa hâ i. ǀGaisa ǂgoms hînam Elob ǃnâ ūhâs ge ra hui mî, îm ǀapeǂhomis ra sî mî ǃkhai-i hoa-e ǃoa ī.