Mogageru Jack le mosadi wage Marie-Line ba thomme mmereko wa nako ka moka ka 1988. Ke batho ba go kgona go yamogela seyemo se sengwana le se sengwana so ba gahlanang naso, byalo ba yye ba dumela go ye berekela Guadeloupe le ku French Guiana. Re bolabola re yi tsa, dipoleke tsone ka dipedi di wokamela ke Lekala la ku France. Tla re butsiseneng Jack le Marie-Line diputsiso tse dingwana ša.

King so se makiyeng gore o kene ga mmereko wa nako ka moka?

Marie-Line: Nakwela ke sa gola ke dula ku Guadeloupe, ke mo ke dula ke tšhomayela letšatši ka moka ke na le mmane waka wa gore ke mo a le Hlatse ya gore yi na le matšato. Batho ke ba nyaka ka matla, sosone se makiye gore mo ke fetsa sekolo ka 1985, ke nape ke thomisa go ba mošupatsela.

Jack: Mo ke sa le ye monyana, ke mo ke dula ke na le magageru ya gore ma maka mmereko wa nako ka moka, fote ke mo ba kwana le tšhomo ka matla. Mo dikolo di kwala, ke mo ke kena ga mmereko wa go ba mošupatsela wa go gelepa. Ka Mokibela le Lesonto, ke mo re fela re kalama bhese re ye bereka tšhomo ye nngwana le mašupatsela ya phutegong ye nngwana. Ke mo re tšhomayela letšatši ka moka, ke mokane ka malobana re ya lewatle. Ke mo go jabodisa wa tšiba!

Ka nthago ga gore ke tseye Marie-Line gore yi be mosadi waka ka 1988, ke yye ka tiputsisa gore, ‛Anthe re šitisa king go berekela Modimo go feta ka mokgo re mmerekelang ka gona gana byalo?’ Ke yye ka thomisa go phayona le Marie-Line. Ka nthago ga mongwaga, ke mo yi se botala re tšwa sekolong sa mašupatsela mo re kgopediwa gore re be mašupatsela ya go hlawolega. Mo re soko bane re kgopediwa gore re rure ku Guadeloupe gore re ye French Guiana, re yye ra jabodisa ke mebereko ya go tlala yo ne re neyiwwe yona mo re sa le ku Guadeloupe.

Ga mengwaga ya go fela, le yye la tšhentšhatšhentšha mmereko. Le gelepiye king gore le tlwayelane le seyemo se sengwana le se sengwana sa nyuwane?

Marie-Line: Magageru ya Bethele ya ku French Guiana ke mo ma tšiba lengwalo la ka ho Baebeleng lo ne re kwana nalo ka matla la Jesaya 6:8. Byalo, mo ba re bitsa ba re butsisa gore, “Nje le sa le gopola lengwalo lela le kwanang nalo ka matla?” Mo ba butsisa putsiso yone, ke mo re šele re di tšiba tsa gore ba nyoko re kgopela gore re make mmereko wo mongwana,  byalo re nyoko re, “Ke Rune Bowa! Rumaneng Rune!”

A re kwane natso tsa go lebelela gore mmereko wo ne re wo maka ku botala wo fapana ka ying le wo re wo makang gana byalo, ka taba la gore tsosone di ka maka gore re sa jabolele wa gana byalo. Re leketsa ka matla go nghanelana le magageru ya re gahlanang nawo mo re kene re le ga mmereko wo re neyiwweng wona.

Jack: Ku nthago, magageru ya mangwana ke mo ma sa nyake gore re rure mone ga poleke yone ne re le ga yona, ka taba la gore ke mo ma nyaka gore re dule re le nawo. Mara nakwela re rura ku Guadeloupe, mogageru ye mongwana wa monna o yye a re gopotsa mantsu ya Jeso ya ma leng ga Matewu 13:38 ya gore: “Tšhomo ke lefase.” Byalo, mo re neyiwa mmereko wo mongwana re dula re tigopotsa gore re sa na re bereka tšhomo yenela le mo re ka ba re le kaye. Gabutšibutši, dilo tse dikgolo tso re tshwaneleng re di tseyele hlogong ke batho le tšhomo!

Mo re segela ga tšhomo ye nngwana, re di bona gabutši gore batho ba mone ba tiketliye fote ba jabodiye. Fote re leketsa le go phela go tshwana nabo. Tsa go ja tso ba di jang di ka fo ba di sa tshwane le tso rune re di tlwayeleng, mara re ja tso ba di jang fote re nwa le tso ba di nwang re kene re maka gore re dula re philegiye mmeleng. Re karakara ka matla gore re dule re na le selo sa go jabodisa so re ka se bolabolang ka mmereko wo mongwana le wo mongwana wo re neyiwang wona.

Marie-Line: Re tšhuta le dilo tsa go tlala ga magageru ya ma dulang magayeng. Ke gopola la mathomo mo re sa tšo segela French Guiana. Pula ke mo yi na ka matla, byalo ke mo re nagana gore re ko yi yemela gore yi khule gore re thogo ya go ye tšhomayeleng. Mara mogageru ye mongwana wa mosadi o yye a mputsisa gore, “Re ka sepela?” Ke yye ka mo fetola ke makele ka re, “Byang?” Yene a re, “Tseya seyambholele sago, re ko sepela ka dibhayisikila tsa rune.” Byalo ke tšhutiye go tshwara seyambholele nkene ke trapela bhayisikila. Wa tšiba hala ke sa tšhuta, gana byalo nke ke sa yi gwe tšhomayeleng ka dinako tsa pula!

Se le ruriye ga yi 15 dipolekeng tsa mohlobohlobo. King so le ka se botsang motho ye mongwana ka taba ya go rura-rura?

Marie-Line: Taba ya go rura-rura ka nakwenngwana yi ka ba ntshitshire. Mara di gabutši ka matla go kraya poleke yo o ka reng ke gaye mo o tšwa tšhomong.

Jack: Ke fela ke penta mutši wa rune wa nyuwane. Magageru ya mangwana ya go tšwa gana hala lekaleng la Bethele ke mo ma mpona ke penta ma kene ma tšiba gore go se botalanyana ke nyoko rura, ke mo ma fela ma re, “Jack, anthe o sa pentela ying!”

 Mo di tla ga taba ya go paka, Marie-Line ke segele! O tšhela dilo ka mokana ga tsona tsa gore di ya kena ka teng ga mabhokisi ke mokane a ma ngwale gore “kamara ya go hlapela ga yona,” “kamara ya go yetsela” le “khišing.” Mo re segela mutšing wa rune wa nyuwane, ke mo re beya mabhokisi yala go ya ka mokgo mosadi waka a ma ngwadiyeng ka gona. O maka letheto la dilo tso a di tšhediyeng ka teng ga lebhokisi le lengwana le le lengwana gore re thogo tšhetšhisa re kraya selo se sengwana le se sengwana so re se nyakang.

Marie-Line: Re kgona go ya tšhomong gabutši ka taba la gore re titšhutisiye go lukisa dilo tsa rune gabutši.

Le yi beya-beyanya byang nako ya lune gore le thogo “yeketsa ga mmereko wa lune wa go tšhomayela”?—2 Thim. 4:5.

Marie-Line: Ka Mosopologo wo mongwana le wo mongwana, re ya khutsa fote re lukiselela megahlano. Go thoma ka Labobedi, re ya tšwa re ya tšhomong.

Jack: Le mo yi le gore re kgonne go segelela diawara tso di nyakegang, re ba re sa sa lebelele tsona. Go tšhomayela ke selo so re se yetisang mahlong. Mo re tloga gaye re ya tšhomong le mo re boya, re karakara ka matla gore re tsame re tšhomayelela ye mongwana le ye mongwana ye re gahlanang naye.

Marie-Line: Mo ke beyisa, mo re tintsha ke dula ke tshwere dikgatiso. Batho ba bangwana ba tla mo re leng gona ba kgopela dikgatiso le mo re sa ba botsa gore ke rune Dihlatse tsa Jehova. Nka taba lo di nyakang gore re lebelele ka mokgo re yaparang le ka mokgo re titshwarang ka gona. Batho baa di lebelela dilo tsone.

Jack: Mo re tshwara bayagelani ba rune gabutši, ba thogo di bona gore re Dihlatse. Ke kotela maphephe, ke lahla dithila fote ke hareka matlakala ya mo re dulang gona. Bo re yagelanneng nabo baa di bona dilo tsone, fote ka nakwenngwana ba butsisa gore, “A o na Baebele ya gore o ka nneya?”

Se le tšhomayele ga dipoleke tsa mohlobohlobo. Ayitsano go sa na le dilo tso le di gopolang tsa go jabodisa ga dipoleke tsone?

Jack: Ku Guiana go na le dipoleke tsa gore a go lula go di segelela. Di ro nyaka re sepela 600 ya dikhilomitha ka beke ga pata ya gore yi na le dighindlighindli. Mo ne re vakašiye gona ku St. Élie ya lešahleng la Amazon go na le tsa go tlala tso di re jabodisiyeng tsa gore a di lebalege. Re tsere diawara tsa go tlalanyana gore re segele hone, re sepela ka koloyi ya gore yi kgona go sepela ga pata ya go sa yemega gabutši le ka sekepe. Batho ba go tlala ba ne ba dula mone ga poleke yone, ke mo ba bereka mmayini. Ba bangwana ba yye ba neyela ka digholdi tsa gore ke tse dinyananyana, ba re ba leboga dikgatiso tso re ba neyyeng tsona! Ka malobana wa letšatši lolone, re yye ra ba kganela ye nngwana ya dividiyo tsa mokgahlo. Go yye gwa tla batho ba go tlala.

Marie-Line: Go se botalanyana, ba yye ba kgopela Jack gore a tle a neye polabolo ya Segopotso ku Camopi ga gore ke magayeng. Gore re thogo segela mone ga poleke yone, re yye ra sepela 4 ya diawara ka sekepe nokeng ya Oyapock. Ke mo di jabodisa ka matla.

Jack: Mo meetši ya noka yowa ma segela mola ga gore maa taboga, ma kotsi. Ke go botsa nnete ke re a yi go jabodisa ga tsona go lebelela meetši ya noka mo ma taboga sekepe se kene se sepela. Morene ne a drayiva sekepe sela ke mo a tšiba ditaba tsage. Tsotsone di njabodisiye ka matla. Bo ne ba tlile ba gore ke Dihlatse ke mo go le 6 ya bona, mara batho ka mokana ga bona bo ne ba tlile Segopotsong sone ke mo go le 50 ya bona le mong Maamerindiya!

Marie-Line: Bo ba gore ba sa gola ba ka kraya dilo tsa go jabodisa tsa go tshwana le tsowa, mo ba ka fo berekela Jehova ka matla. Di nyaka o tshepe Jehova mo o le ga seyemo sa mošaga wonone fote le tumelo yago yi nyoko tiya ka matla. Re dula re bona ka mokgo Jehova a re gelepang mo re mmerekela.

Le tšhutiye mebolabolo ya go tlala. Nje ne di le lula?

Jack: Awwa. Ke yi tšhutiye ka taba la gore ne ke nyaka go gelepa. Ne di nyaka ke tshware Setšhuto sa Sewokamelo ka Sranantongo * ka nako yone ne ke soko bane ke neyiwa polabolo ya go balela phutego Baebele! Ke butsisiye mogageru ye mongwana gore nje Sewokamelo ne se kwagala. O yitseri, “Tse dingwana a ra di kwa, mara o se tshwere gabutši.” Bananyana ba yye ba gelepa ka matla. Mo ke sa bolabola tsona ke mo ba mpotsa, mara batho ba bagolo ne ba fo re tse. Ke tšhutiye tsa go tlala ga bananyana bowa.

 Marie-Line: Ga tšhomo ye nngwana ne ke na le bo ke tšhutang nabo ka Sefora, Sepotokisi le Sranantongo. Mogageru ye mongwana wa mosadi o yitseri ke thomise ka go tšhuta mmolabolo wa go thathafa ke mokane ke feleletse ka wa gore wo lula. Sosone se yye sa n’gelepa ka matla.

Tšatši le lengwana ke yye ka tšhuta Baebele le ye mongwana ka Sranantongo ke mokane ye mongwana ka tšhuta naye ka Sepotokisi. Mo ke šele ke tšhuta le wa bobedi, mogageru wa mosadi ye ne ke sepela naye o yitseri, “Marie-Line, nkare go na le bothathanyana!” Ne ke bolabola le mosadi wa go tšwa Brazil ka Sranantongo go na le gore ke bolabole naye ka Sepotokisi.

Magageru ya le berekiyeng nawo ma le nyaka ka matla. Le makiye byang gore le thogo ba le senghana sa gabutši nawo?

Jack: Diyema 11:25 yi re: “Motho wa go sa konane o nyoko jabola.” Ne re dula re le nabo le go ba makela dilo. Mo go pasopiwa Holo ya Mmušo ba bangwana ne ba mpotsa gore: “Wone ke mmereko wa batšhomayedi.” Ke mokane ka re: “Le nna ka tšhomayela. Ke dula ke le gona mo go na le mmereko.” Ka dinako tse dingwana, re ka fo kwa re sa nyake go ba gare batho, mara di nyaka re sa lesetse gore di re šitise go makela batho dilo tsa gabutši.

Marie-Line: Di nyaka re make se sengwana gore re thogo šupetsa magageru gore re na le taba nawo. Mo re maka ka mokgonone, re kgona go bona mo ba hloka motho wa go dula le bana ba bona kela go ba lata sekolong. Ke mokane ra thisa ga tse dingwana gore re thogo gelepa. Mo re maka sosone senghana sa rune se napa se tiya.

Jehova o le rufiye byang ga mmereko wo le wo makiyeng?

Jack: Mmereko wa nako ka moka wo makiye gore lephelo le jabodise ka matla. Ne re dula re bona dilo tsa mohlobohlobo tso Jehova a di makiyeng. Le mo nkare re gahlanne le tsa go re ghula, re dula re bebiye ka taba la gore re ya tšiba gore batho ba Modimo ba nyoko dula ba re thegeletsa go gongwana le go gongwana mo re ka yang gona.

Nakwela ke sa le mosogana, ke yye ka tshwariwa ku French Guiana ka taba la go sa kenakene tso tsa dipolotiki. Ne ke sa nagane gore ka le lengwana la matšatši nko boyela gona ke le morumiwa le gore ke nyoko vakašela batho jele ke ye ba tšhomayeleleng. Ka nnete Jehova wa rufana!

Marie-Line: Selo sa gore se njabodisa ka matla ke go makela ba bangwana dilo. Go berekela Jehova gwa re jabodisa. Fote go re makiye gore re dule re mamarelanne. Mo go na le monna le mosadi wage ba gore ba kgongwetsiye ke tse dingwana, Jack ne a fela a mputsisa gore ayitsano re ka ba mema gore ba tle ba je le rune. Ga go tlala ne ke fetola ka gore, “Le nna ne ke nagana ka mokgonone!” Ga go tlala re nagana go tshwana.

Jack: Gana byalo ke kenne ke khensa ya banna. Marie-Line aa kwane le mantsu yawa mara ke yye ka re: “Mogatšaka, le mo nka kgwa ka motshwana, nko ba ke sa ‘tsofala ka matla.’ Mara nko kgwa ke kgotsofele ka taba la gore ke berekele Jehova lephelo laka ka mokana ga lona.”—Gen. 25:8.

Marie-Line: Jehova o re thulele mašuba ya go tlala fote re nagana gore o re dumelele go maka le dilo tsa gore ne re sa di nagana. Lephelo la rune le tlele ka dilo tsa go jabodisa ka matla. Ka taba la gore re tshepa Modimo ka matla, go gongwana le go gongwana mo mokgahlo wage wo re kgopelang gore re ye gona, re nyoko ya!