1. Qanoq qanimut ikin­ngutigiiler­toqar­tar­pa?

KINALUUN­NIIT qanimut ikin­ngutigilis­sagaan­ni pif­fis­saqarfigineqar­tariaqar­poq. Eq­qarsaatisi misigis­sutsisilu pil­lugit oqaloqatigiin­nis­sin­ni ikin­ngutigiilis­saasi. Jiisusimul­li qanimut ikin­ngutaaler­nis­saq unam­miniar­nar­toqar­poq. Taak­kua ilaat suup­pat?

2. Unam­miniagas­sar­put siul­leq suua?

² Unam­miniagas­sar­put siul­leq tas­saavoq Jiisusimik naapitsisiman­ngin­ner­put. Kristumiut siul­liit amerlasuut as­singusumik unam­miniagaqar­put. Taamaak­kaluar­toq apustili Petrusi ima al­lap­poq: ‘Taan­na takusiman­ngik­kaluarlugu asavarsi, isigin­ngik­kaluarlugu maan­na up­perfigaarsi.’ (1 Petr 1:8) Tas­sa Jiisusi naapin­nikuun­ngik­kaluarlugu qanimut ikin­ngutigilersin­naavar­put.

3. Unam­miniagas­sat­ta aap­paat suua?

³ Unam­miniagas­sat­ta aap­paat tas­saavoq Jiisusimik oqaloqatigin­nis­sin­naan­ngin­nerput. Qinugaangat­ta Jehova oqaluut­tar­par­put. Soorunami Jiisusip aq­qani qinusar­pugut, taan­nali toq­qaan­nar­tumik oqaluun­neq ajor­par­put. Jiisusim­mi im­minerminut qinusaq­qun­ngilaatigut. Sooq? Qinuneq pal­lorfigin­nin­nermut ilaam­mat Jehovalu kisiat pal­lorfigisus­saagatsigu. (Matt 4:10) Jiisusili asal­lugu suli ersersis­sin­naavar­put.

4. Unam­miniagas­sat­ta pingajuat suua, al­laaserisamilu suut sam­mis­savavut?

⁴ Unam­miniagas­sat­ta pingajuat tas­saavoq Jiisusimik peqateqar­sin­naan­ngin­nerput.  Qilam­miik­kaluar­torli taan­na pil­lugu suli ilik­kagaqangaarsin­naavugut. Jiisusimik ikin­nguteqar­nit­ta nakus­satsin­nis­saanut iluaqutaasin­naasut sisamat sam­mis­savavut. Siul­ler­tut misis­soriar­tigu Jiisusimut ikin­ngutaal­luar­nis­saq sooq taama pingaaruteqar­tigisoq.

5. Sooq Jiisusimut ikin­ngutaaler­tariaqar­pugut? (Aam­ma ungalusat “ Jiisusimik ikin­nguteqar­neq Jehovamik ikin­nguteqaler­nermik kinguneqas­saaq” aam­ma “ Jiisusi eq­qor­tumik isigin­nit­taaseqarfigiuk” takuk­kit).

⁵ Aatsaat Jiisusimut ikin­ngutaaler­nik­kut Jehova qanimut at­taveqar­figisin­naavar­put. Sooq taamaap­pa? Pis­sutaasut marluk eq­qarsaatigik­kit. Siul­ler­tut, Jiisusi ajoqersuk­kaminut ima oqar­poq: ‘Ataatap nam­mineq asavaasi, asagas­singa.’ (Joh 16:27) Aam­ma ima oqar­poq: “Uak­kuin­naq Ataatamut pisoqarsin­naavoq.” (Joh 14:6) Jiisusimut ikin­ngutaal­luaq­qaar­nani Jehovamut qanimut at­taveqaler­niar­nerup as­sigiin­nar­paa matuk­koor­nani il­lumut iser­niarsarineq. Jiisusi as­singusumik as­sersuusiorluni im­minut ‘savanut iser­tarfiunerar­poq’. (Joh 10:7) Aap­paat­tut, Jiisusi angusisarluin­nar­poq. Ajoqersuk­kaminut ima oqar­poq: “Uan­nik takun­nit­tup Ataataq takuaa.” (Joh 14:9) Jehova ilisarisimal­lualerumal­lugu Jiisusip inuunerata misis­soq­qis­saar­nis­saa pingaaruteqar­poq. Jiisusi ilisarisimanerulerutsigu asanerulis­savar­put. Taas­sumalu ikin­ngutigil­lualer­neratigut Ataatamut asan­nin­ner­put nakus­satsis­savar­put.

6. Suna al­la pil­lugu Jiisusi ikin­ngutigiler­tariaqar­par­put? Nas­suiaruk.

⁶ Qin­nutivut akineqas­sap­pata Jiisusimut ikin­ngutaal­luar­tariaqar­pugut. Tas­sa Jiisusip aq­qani qinuneq naam­man­ngilaq.  Aam­ma paasisariaqar­par­put Jehovap qin­nutit­ta akinerini Jiisusi qanoq ator­tar­neraa. Jiisusi apustilinut ima oqar­poq: ‘Sunaluun­niit uanga atik­kut qin­nutigigus­siuk naam­mas­sis­savara.’ (Joh 14:13) Jehovap qin­nutivut tusarlugil­lu akisar­pai, piumasaminil­li naam­mas­sin­nit­tus­satut Jiisusi akisus­saaf­filer­paa. (Matt 28:18) Qin­nutivut akitin­nagit Jehovap maluginiar­tar­paa Jiisusip peq­qus­sutai maleruar­nerivut. As­sersuutigalugu Jiisusi ima oqar­poq: ‘Inuit unioq­qutitsinerinik isumak­keerfigigus­sigit, taava Ataatas­si qilam­miit­tup aam­ma ilis­si isumak­keerfigis­savaasi. Inuil­li isumak­keerfigin­ngik­kus­sigit, taava aam­ma Ataatas­si unioq­qutitsinis­sin­nik isumak­keerfigis­san­ngilaasi.’ (Matt 6:14, 15) Jehovap Jiisusil­lu uagutsin­nut ajun­ngisaar­tar­nerat ilaarlugu al­lanut ajun­ngisaar­tar­nis­sar­put pingaaruteqangaarami!

7. Jiisusip uter­titsis­sutitut pil­liutaa kik­kut iluaqutigis­savaat?

⁷ Jiisusimut ikin­ngutaal­luar­tut kisimik taas­suma uter­titsis­sutitut pil­liutaa tamak­kiisumik iluaqutigis­savaat. Qanoq nalun­ngilar­put? Jiisusip ersersip­paa ‘ikin­ngutini pil­lugit inuunini akigiumaarlugu’. (Joh 15:13) Inuit Jehovamut kif­far­tor­tut Jiisusip nunarsuarmiin­nera sioq­qul­lugu inuusimasut, soorlu Aaperaat, Sara, Mosesi Rahabilu, makititaagunik Jiisusi ilin­niar­tariaqarlugulu asaler­tariaqar­paat. Aatsaat Jiisusimut ikin­ngutaalerunik naas­saan­ngitsumik inuusin­naalis­sap­put. – Joh 17:3; ApS 24:15; Hebr 11:8-12, 24-26, 31.

8-9. Johan­nesi 15:4, 5-imilu nas­suiar­neqar­tutut Jiisusimut ikin­ngutaagut­ta susin­naavugut, taman­nalu sooq pingaaruteqar­pa?

⁸ Guutip naalagaaf­fia pil­lugu tusagas­sanik nuan­nersunik oqaluus­sinitsin­ni ilin­niar­titsinitsin­nilu Jiisusip suleqatiginera nuan­naarutigaar­put. Jiisusi nunarsuarmiin­nermini ilin­niar­titsisar­poq. Qilam­mul­lu uter­nermi kingor­na ilagiin­ni niaquusutut nunarsuarmi suliatsin­nik aqutsivoq. Nam­mineq pil­luni Ataatanilu pil­lugu ilungersorlutit inun­nik ilin­niar­titsinerit malugalugulu pingaar­tip­paa. Aatsaat Jehovamit Jiisusimil­lu ikior­neqarut­ta suliar­put naam­mas­sisin­naas­savar­put. – Johannesi 15:4, 5 atuakkit.

⁹ Biibilimi ersersin­neqar­poq Jehovamit iluarisaas­sagut­ta Jiisusimut asan­nin­ner­put soraan­ngisaan­nar­tariaqar­toq. Jiisusimut ikin­ngutaajumal­luta iliuuserisin­naasavut sisamat maan­na sam­meriar­tigit.

10. Jiisusimut ikin­ngutaalerumal­luta iliuuserisas­sar­put siul­leq suua?

¹⁰ (1) Jiisusi ilisarisimaleruk. Biibilimi iivangkiiliut sisamat atuar­nerisigut taamaaliorsin­naavugut. Jiisusip inuunera pil­lugu Biibilimi al­las­simasut eq­qarsaatigeq­qis­saar­til­lugit inun­nut asan­nit­tulior­tar­nera kil­lin­neqaatigalugu ataq­qilerlugulu asalis­savar­put. As­sersuutigalugu ajoqersuk­kaminut naalagaagaluarluni taak­kua inus­siatut pineq ajor­pai. Paarlat­tuanik eq­qarsaatini misigis­sutsinilu oqalut­tuarisar­pai. (Joh 15:15) An­niaateqaraangata aliasuuteqaraangatalu misigin­neqatigisar­pai. (Joh 11:32-36) Al­laam­mi akerlilersor­taasa nas­suerutigaat tusarlius­saanik akuerin­nit­tut taas­sumun­nga ikin­ngutaaler­tar­tut. (Matt 11:19) Jiisusip ajoqersuk­kaminut pis­susilersoriaasia ilaarutsigu al­lanut at­taveqarluar­nerulis­saagut. Taava nuan­naar­nerulerluta Jiisusi ataq­qinerulerlugulu asanerulis­savar­put.

11. Jiisusimut ikin­ngutaalerumal­luta iliuuserisas­sat­ta aap­paat suua, taman­nalu sooq pingaaruteqar­pa?

 ¹¹ (2) Jiisusitut eq­qar­sar­lutil­lu iliuuseqar­tarit. Taas­suma eq­qarsar­taasia ilisimanerulerlugulu ilaaraangatsigu qanin­nerusumik ikin­ngutigiler­tar­par­put. (1 Kor 2:16) Jiisusi qanoq ilaarsin­naavar­put? As­sersuuteqariar­ta. Jiisusip ilorrisimaar­nis­sani pin­nagu al­lanik ikiuinis­sani pingaar­nerutip­paa. (Matt 20:28; Rom 15:1-3) Taamaat­tumik im­minut pil­liutigeriaan­naal­lunilu isumak­keerfigin­nit­tar­poq. Al­lanit oqaluuserinerlun­neqaraangami ajual­lapal­lat­tan­ngilaq. (Joh 1:46, 47) Aam­ma inuup sior­natigut kuk­kus­sutigisimasai eq­qarsaatigiuar­neq ajor­pai. (1 Tim 1:12-14) Jiisusi ima oqar­poq: “Asaqatigiik­kus­si tamatumuuna tamarmik paasis­savaat ajoqersugarigis­si.” (Joh 13:35) Im­minut ima aperigit: ‘Qatan­ngutik­ka eq­qis­seqatigiumal­lugit tamaviaar­nik­kut Jiisusip maligas­siaa ilaar­para?’

12. Jiisusimut ikin­ngutaalerumal­luta iliuuserisas­sat­ta pingajuat suua, qanorlu taamaaliorsin­naavugut?

¹² (3) Kristusip qatan­ngutai taper­ser­suk­kit. Tanitanut iliuuseqar­nivut Jiisusip im­minerminut iliuuseqar­ner­tut isigisar­pai. (Matt 25:34-40) Tapersersueriaatsit­ta pingaar­ner­paar­taraat Jiisusip peq­qusineratut Naalagaaf­fik pil­lugu sapin­ngisatsin­nik oqaluus­sinermi ilin­niar­titsinermilu peqataaneq. (Matt 28:19, 20; ApS 10:42) Kristusip qatan­ngutai nunarsuaq tamak­kerlugu oqaluus­sinermik maan­na ingerlan­neqar­tumik naam­mas­sin­nis­sin­naap­put aatsaat ‘savanit al­lanit’ ikior­neqarunik. (Joh 10:16) Il­lit savanut al­lanut ilaaguit oqaluus­seqataasar­nik­kut tanitanut Jiisusimul­lu asan­nin­nerit ersersis­sin­naavat.

13. Jiisusip siun­nersuutaa Lukasi 16:9-mi al­las­simasoq qanoq maleruarsin­naavar­put?

¹³ Aam­ma Jehovamut Jiisusimul­lu ikin­ngutaalersin­naavugut ‘Mam­monimik’, tas­sa aningaasanik, tunis­suteqarluta suliamik taak­kua siulersugaan­nik tapersersuinik­kut. (Lukasi 16:9 atuaruk). As­sersuutigalugu nunarsuaq tamak­kerlugu suliniar­nermut tunis­suteqarsin­naavugut. Taamaalior­nik­kut avin­ngarusimasuni oqaluus­sinermik, il­lunik pal­lorfigin­nit­tarfin­nik sanaar­tor­nermik aserfal­latsaaliuinermil­lu, kiisalu ajunaar­nersuaqar­til­lugu ikiuiniar­nermik tapersersuis­saagut. Aam­ma ilagiit­ta aningaasar­tuutaan­nut tapiis­suteqarsin­naavugut ikior­tarialin­nil­lu nalun­ngisaqarut­ta ikiuil­luta. (Uss 19:17) Taamaalil­luta Kristusip qatan­ngutai tapersersus­savavut.

14. Efesosimiut 4:15, 16-imilu ersersin­neqar­tutut Jiisusimut ikin­ngutaalerumal­luta iliuuserisas­sat­ta sisamaat suua?

¹⁴ (4) Jehovap peqatigiis­sor­tai taper­ser­suk­kit. Jiisusimut, ilagiin­nut niaquusumut, ikin­ngutaal­luar­nerusin­naavugut taas­suma uagutsin­nik isumagin­nit­tus­satut toq­qagaasa suleqatiginerisigut. (Efesosimiut 4:15, 16 atuakkit). As­sersuutigalugu maan­na naalagaaf­filersaarfiit tamaasa sapin­ngisamik atorluar­niar­tar­pavut. Taamaat­tumik ilagiit ilaat kat­tutsitaasimap­put oqaluus­sif­figisar­tagas­satul­lu kil­lilius­sat al­lan­ngor­tin­neqarlutik. Taamaalior­nik­kut Jehovap peqatigiis­sor­tai aningaasanik tunis­sutigineqar­tunik sipaangaatsiarsin­naasimap­put. Taman­nali aam­ma oqaluus­sisar­tunut sun­niuteqar­poq, taak­kumi pis­sutsinut nutaanut sungius­siniar­tariaqarsimap­put. Oqaluus­sisar­tut aalajaatsut taak­ku ukior­pas­suar­ni ilagiin­ni aalajangersimasuni kif­far­torsimap­put qatan­ngutitil­lu ilageeqatigisimasatik  ikin­ngutigil­lualersimal­lugit. Ilagiin­nul­li al­lanut nooq­quneqarsimap­put. Jiisusip ajoqersuk­kami ilumoorfigin­nit­tut taak­kua tapersersuinerat nuan­naarutigingaarsimas­savaa!

15. Qanoq siunis­sami Jiisusi ikin­ngutigil­luar­nerulis­savar­put?

¹⁵ Tanitat Jiisusip naas­saan­ngitsumik najuler­nis­saanik Guutil­lu naalagaaf­fiani kif­far­toqatiginis­saanik neriuuteqar­put. Taak­kua Kristusi takusin­naas­savaat, oqaloqatigisin­naas­savaat ilagisarlugulu. (Joh 14:2, 3) Al­lal­li nunarsuarmiin­nis­samin­nik neriuuteqar­tut aam­ma Jiisusimit asaneqarlutil­lu pingaar­tin­neqas­sap­put. Jiisusi takusin­naan­ngik­kaluarlugu ikin­ngutigil­luar­nerulis­savaat inuunerlu Jehovap Jiisusil­lu ajor­narun­naarsitaat nuan­naarutigalugu. – Es 9:5, 6.

16. Jiisusimut ikin­ngutaaner­put qanoq pil­luaq­qus­sutisias­sar­taqar­pa?

¹⁶ Jiisusimut ikin­ngutaalerut­ta pil­luaq­qusaangaas­saagut. As­sersuutigalugu asan­nin­nera tapersersuineralu maan­nangaaq misigisin­naavar­put naas­saan­ngitsumil­lu inuunis­samut periarfis­sin­neqarluta. Pil­luaq­qus­sutis­sarli an­ner­paaq tas­saavoq Jehovamik, Jiisusip Ataataanik, ikin­nguteqaler­neq. Ilumum­mi Jiisusimut ikin­ngutaaneq ataq­qinaataangaar­poq!