1. ¿Ti tsojkëp niˈamukë nduˈunëm?

¿MBËYËˈKIJPXYËYÄˈÄNËP mijts pën mnijäˈäwëp ko mtsiptäˈäganxëp ets mas niˈigyë pën mbëjk mˈijxëp o të mˈanuˈkxënë? Seguurë ko kyaj. Perë apostëlë Pablo jyënany ko niˈamukë pënaty jyantsy pyanëjkxtëbë Jesus, duˈunxyëp extëm pyëyëˈkijpxyëdë (Eb. 12:1). Oy nuˈun ja xëëw jëmëjt nmëdäjtëm o ja jot mëjääw, tsojkëp niˈamukë nmadakëm axtë mä jyëjpkëxyë tyäˈädë jukyˈäjtën pën nˈaxäjëyäˈänëm ja premië diˈibë Jyobaa të xytyukwandakëm (Mat. 24:13, TNM).

2. Extëm jyënaˈanyë 2 Timotee 4:7, 8, ¿tiko netyë Pablo mbäät dyakyë tyäˈädë käjpxwijën?

² Komë Pablo të nety duˈun ttuny, pääty jyënany: “Dëˈënëts ëj extëmë jäˈäy diˈibë të pyëyëˈkjäˈty ko pyëyëˈkijxyëdë” (käjpxë 2 Timotee 4:7, 8). Per ¿tidën diˈibë Pablo myaytyäˈägan?

3. ¿Wiˈixën ja jäˈäy pyëyeˈeky diˈibë Pablo myaytyak?

³ Pablo myaytyakë ijxpajtën mä wiˈix ijtyë jäˈäy pyëyëˈkijpxyëdë jam Grecia. ¿Tiko? Parë xytyukniˈˈixëyäˈänëm diˈib mbäät xypyudëjkëm (1 Kor. 9:25-27; 2 Tim. 2:5). Yëˈë kanäkˈok ojts tˈijxkijpxyë Dios mëduumbë jyukyˈäjtën mëdë jäˈäy diˈib pëyëˈkijpxyëdëp (1 Kor. 9:24; Filip. 3:14; 2 Tim. 4:7). Tuˈugë jäˈäy ja ogäˈän pyëyëˈktsoony ko nyaywyandaˈagyëty mä Jyobaa ets ko nyëbajnë (1 Ped. 3:21, TNM). Ets ja pyëyëˈkjäˈty ko Jyobaa myoˈoyëty ja pryemië, jaˈa njënäˈänëm, ja jukyˈäjtënë winë xëëbë (Mat. 25:31-34, 46; 2 Tim. 4:8).

4. ¿Ti nˈixäˈänëm mä tyäˈädë artikulo?

⁴ Dios mëduumbë jyukyˈäjtën yëˈë mët yaˈijxkijpxyë ko jäˈäy pyëyëˈkijpxyëdë ets taaˈäjtp kanäk pëky tiko duˈun njënäˈänëm. Min jeˈeyë nˈokˈijxëm tëgëk pëky. Myëduˈuk, ko nbëyëˈkëm mä ja nëˈë tuˈu diˈib të yajniˈanaˈamë. Myëmajtsk, ko nbëjtakëm aduˈuk ja jot  winmäˈäny mä njäˈtäˈänëm, ets myëdëgëëk, ko nbëyëˈkˈadëtsëm oy nbatëmë amay jotmay.

5. ¿Diˈibë tuˈu mbäät nbanëjkxëm, ets tiko?

⁵ Parë tuˈugë jäˈäy tˈaxäjët ja premië, tsojkëp pyëyëˈëgët mä ja nëˈë tuˈu diˈib të yajniˈanaˈamë. Nanduˈun jyaty mët ëtsäjtëm, pën nˈaxäjëyäˈänëm ja premië, jaˈa njënäˈänëm, ja jukyˈäjtën diˈib winë xëëw winë tiempë, tsojkëp njukyˈäjtëm extëm yajniˈanaˈamë jyukyˈatët tuˈugë Dios mëduumbë (Hech. 20:24, TNM; 1 Peed. 2:21). Perë Satanás mëdë jyaˈay xytyukjëjpëˈyëˈktuˈudäˈänëmë tyäˈädë tuˈu ets yëˈë tsyojktëp parë mëët nbëyëˈkëm (1 Peed. 4:4). Ets jeˈeyë tnëxiˈik ttukxiˈiktë wiˈix ëtsäjtëm nyajnëjkxëmë jukyˈäjtën ets jyënäˈändë ko mas oy extëm yëˈë jyukyˈattë mët ko awäˈätstum yajpäättë. Perë tyäˈädë kyaj tyëyˈäjtënëty (2 Peed. 2:19).

6. ¿Ti xytyukniˈˈijxëmë yˈijxpajtënë Brian?

⁶ Pën tuˈugë jäˈäy pyanëjkxaampy ja nëˈë tuˈu diˈibë Satanásë jyaˈay yoˈoytyëp, tim tsojk tpëkäˈänyë kuentë ko kyaj myënëjkxäˈänyëty awäˈätstum, niˈigyën myëjtsuumbatäˈäny myëjwëˈëmbatäˈänyëty (Rom. 6:16). Min nˈokˈijxëm wiˈix jyajty tuˈugë nmëguˈukˈäjtëm diˈib xyëwˈäjtypy Brian. Ko myutskˈäjty, ojtsë tyääk tyeety tyukniˈˈixëdë wiˈix mbäät jyukyˈaty extëmë Biiblyë tniˈanaˈamë. Per ko yaˈkpëtsëëmy kyaj nyekyˈijty seguurë pën yaˈˈagujkˈat yajjotkujkˈatëdëp tijatyë nety të yajtukniˈˈixë. Ta tpëjtakyë wyinmäˈäny ko duˈun jyukyˈatäˈäny extëm jyukyˈattë jäˈäy diˈib tyuundëp ti Satanás tsyojkypy. Brian jyënaˈany: “Kyajts ndimwinmääy ko ja awäˈätstumˈäjtën diˈibëtsë njantsy yˈëxtaapy niˈigyëts xytyukpaˈoˈktëwäˈäny ja axëkˈäjtën”. Brian ta ojts tpaˈoˈktëëwnë ja droogë, ja nëë ets yˈijt tsyënääynyë oypyënëty mëët. Yëˈë yˈakjënaˈany: “Ko tiempë nyajxy, tats nyajtuunyë droogë mas mëkatypyë ets tats ojts nnaytyukwinˈëˈënënë. Axtë tëjkëts droogë toˈkpë parëts mbäät njuy diˈibëtsë nety të xyˈadëjkënë”. Ko tiempë nyajxy, ta Brian tpëjtakyë wyinmäˈäny ko tmëmëdowäˈänyë Jyobaa yˈanaˈamën. Ta dyajtëgäjtsyë jyukyˈäjtën ets nyëbejty mä jëmëjt 2001. Tyam, agujk jotkujk nyayjyawëty ko jyukyˈaty extëmë Biiblyë tniˈanaˈamë. *

7. Extëm jyënaˈanyë Matewʉ 7:13, 14, ¿näägë tuˈu jyaˈˈaty?

⁷ Jëjpˈam parë kyaj nmäjtsëmë wiink nëˈë wiink tuˈu. Perë Satanás xytyukjëjpëyëˈktuˈudäˈänëm ja nëˈë tuˈu diˈib yajnëjkxp mä “jikyˈäjtënë winë xëë winë tiempë” ets tsyojkypy parë yëˈë nmäjtsëm ja mëj tuˈu mä nimayë jäˈäy nyëjkxtë. Tyäˈädë mëj tuˈu kyaj tsyipëty, per jam yajjäˈtäˈäny “mä ja kutëgoˈoyën” (käjpxë Matewʉ 7:13, 14). Pääty, tsojkëp ndukˈijxpajtëmë Jyobaa ets nmëdoowˈijtëm wiˈix xyˈanmäˈäyëm parë kyaj xytyukjëjpˈyoˈoytyutëmë tyäˈädë tuˈu pënaty kyaj tmëmëdowdë Jyobaa yˈanaˈamën.

8. ¿Ti tyuundëbë jäˈäy diˈib pëyëˈktëp ko jam ti yajkunapëdë ets ko kyëdawdë?

⁸ Ko jäˈäy pyëyëˈkijpxyëdë kyaj mbäät wiinktsoo nyasˈix nyaskowëdë, aduˈuk mbäät ja tyuˈu tˈixtë, pes ko duˈun tkatundët, mbäät jam ti yajkunapëdë. Per oy jyanaygyuentˈatëdë, mbäät muum yˈawäˈknaxtë o mbäät yajkunapëdë ja myëguˈuktëjk diˈib jam nanduˈun pëyëˈktëp. Ets ko kyëdawdë, pëdëˈktëp jatëgok ets duˈunyëm pyëyëˈkˈadëˈëtstë. Kyaj tniwäˈkˈoyëdë ti të yajkunapëdë, jamyën ja jyot wyinmäˈäny tpëjtäˈäktë mä jyäˈtäˈändë ets mä ja premië diˈib yajmoˈoyandëp.

9. ¿Ti mbäät nduˈunëm pën kunajpëm?

⁹ Mä Dios mëduumbë tyam pyëyëˈëktë, mbäät kanäkˈok kyunapëdë mët ko jam wiˈix jyënäˈändë o jam ti ttuundëgoytyë, nan mbäät jam wiˈix tyunëdë tuˈugë nmëguˈukˈäjtëm etsë net dyajpoktë. Tyäˈädë kyaj mbäät wiˈix nmëdoˈowëm, pes niˈamukë pokyjyaˈay nyajpatëm ets jam nbëyëˈkëm mä axuˈutspë tuˈu diˈib xyyajnëjkxëm mä ja jukyˈäjtënë winë xëëbë. Pääty kuanë ko näˈäty nnaynyastij nnaynyaskojtëm. Apostëlë Pablo jyënaˈany ko näˈäty mbäät wiˈix xyjantsy tyuˈunëm ja nmëguˈukˈäjtëm parë net ndukjotˈambëjkëm (Kol. 3:13). Per oy ko nbëjtakëm ja jot winmäˈäny mä ja premië diˈib nˈawijx njëjpˈijxëm ets kyaj jyamëty mä diˈib të xyyajkunajpëm. Ets pën këdäˈäwëm, nˈokpëdëˈkëm ets nbëyëˈkˈadëtsëm, kyaj tiko net nmëwëgäjknäˈäyëm ja tsip akë, pes ko duˈun nˈadëtsëm kyaj nëjkx njäjtëm mä yajganaratäˈäny ja premië. Ets axtë mbäät nyajnëˈëˈadujk nyajtuˈuˈadujkëm ja nmëguˈukˈäjtëm diˈib nanduˈun tyuundëbë mëjääw parë pyëyëˈëktë mä ja axuˈutspë tuˈu diˈib yajnëjkxp mä jukyˈäjtënë winë xëëbë.

10. ¿Ti mbäät nduˈunëm pën kyaj nyajkunapëyäˈänëm ja nmëguˈukˈäjtëm?

¹⁰ Pën kyaj nyajkunapëyäˈänëm ja nmëguˈukˈäjtëm diˈib mëët nbëyëˈkëm, oy ko nˈijxëm pën mbäät nˈawäˈktutëm ets kyaj ndim tukpëtsëˈëmëm ja nwinmäˈänyˈäjtëm (Rom. 14:13, 19-21; 1 Kor. 8:9, 13). Mä Dios mëduumbë pyëyëˈëktë kyaj dyuˈunëty extëm ko jäˈäy pyëyëˈkijpxyëdë. ¿Tiko? Yëˈko mä jäˈäy pyëyëˈkijpxyëdë tyuundëbë kompetensyë ets ak madäˈägandëp, ets nipën tkamëmay tkamëdäjˈyë myëguˈuktëjk. Pääty, mbäät tnastij tnaskotëdë nëgooko nyaxtë jëjpˈam. Per ninuˈun nDiosmëduˈunëm, kyaj nduˈunëmë kompetensyë mëdë nmëguˈukˈäjtëm (Gal. 5:26; 6:4). Diˈib të nduknibëjtakëm, yëˈë nbudëkëyäˈänëm  niˈamukë parë jyäˈttët mä yajˈyakäˈäny ja premië: ja jukyˈäjtënë winë xëëbë. Pääty nduˈunëmë mëjääw parë nbanëjkxëm ja käjpxwijën diˈibë Pablo yäjk ko jyënany ets kyaj yëˈë nˈëxtäˈäyëm diˈibë këˈëm ndukˈoyˈäjtëm, yëˈë duˈun “diˈibë tyukˈoyˈattëp ja wiinkpëty” (Filip. 2:4).

11. ¿Mä tpëjtäˈäktë wyinmäˈäny pënaty pëyëˈktëp, ets tiko?

¹¹ Mä jäˈäy pyëyëˈkijpxyëdë kyaj jeˈeyë aduˈugë nyëˈë tyuˈu tˈixtë, jamën nanduˈun ja jyot wyinmäˈäny tpëjtäˈäktë mä jyäˈtäˈändë. Ets oy tkatimˈixtë wiˈix jam jyäˈttë, pyawinmääytyëp wiˈix tˈaxäjëdë ja premië. Tyäˈädë yëˈë pudëjkëdëp parë pyëyëˈkˈadëˈëtstët.

12. ¿Ti Jyobaa xyˈawäˈänëm mët ko xytsyojkëm?

¹² Mët ko Jyobaa xytsyojkëm, ta jyënaˈany ko seguurë tmoˈoyaˈany ja pryemië niˈamukë pënaty pëyëˈkjäjttëp, jaˈa njënäˈänëm, ja jukyˈäjtënë winë xëëbë, mbäät jam tsäjpotm o yä Naxwiiny ko nety të jyëmbity jantsy tsuj. Biiblyë nyimaytyakypy wiˈixën yˈixˈatäˈäny ja premië, duˈuntsoo mbäät nbawinmäˈäyëm wiˈix yˈixˈatäˈäny jantsy oy jantsy tsuj ja jukyˈäjtën diˈib nˈawijx njëjpˈijxëm. Ko ja jot winmäˈäny nyaˈijtëm mä diˈibë Jyobaa të xytyukwandakëm, yëˈë xypyudëkëyäˈänëm parë nmadakëm mä nbëyëˈkëm.

13. ¿Ti ëtsäjtëm nmëdäjtëm diˈib kyaj tmëdattë pënaty pëyëˈkijpxyëdëp?

¹³ Ja jäˈäyëty diˈib ijty pëyëˈkijpxyëdëp jam Grecia, myëmadaktëp ijty oy të jyaˈˈanuˈkxëdë ets oy ti jyajat jyakëbatëdë. Per yëˈëyë tyukˈijxpajttë ja kyëˈëm jyot kyëˈëm mëjääw ets wiˈix yajtukniˈˈijxëdë pyëyëˈëktët. Ëtsäjtëm nanduˈun nyajtukniˈˈijxëm wiˈix mbäät nibëyëˈkëm ja jukyˈäjtën. Per mä tyëgatsyëty, yëˈë ko ja njotˈäjt nmëjääwˈäjtëm kyaj kyugëxë, pesë Jyobaa yëˈë diˈib xymyëjääwmoˈoyëm. Pën ndukˈijxpajtëm, yëˈë wyandakypy ko kyaj jeˈeyë xytyukniˈˈixëyäˈänëm wiˈix nbëyëˈkëm, yëˈëjën diˈib xymyoˈoyäˈänëm ja jot mëjääw (1 Ped. 5:10, TNM).

14. ¿Wiˈix xypyudëjkëmë 2 Korintʉ 12:9, 10 parë nwinguwäˈkëmë amay jotmay?

¹⁴ Apostëlë Pablo kanäk pëkyë amay jotmay twinguwäˈkë. Yajwingäjpx yajjëjpkäjpx, nibëdëˈkë jäˈäy ets näˈäty yajnayjyäˈäwë amääy amutsk ja amay jotmay diˈib pyat, pääty jyënany: “Jëtuˈun pyiky yˈatony maajës niniˈkxën ijxtëm äpynyën” (2 Cor. 12:7, TY). Perë tyäˈädë amay jotmay kyaj tyukmastutë Jyobaa tyuunk, niˈigyën wyinmääy ko jaajën mä mbäät dyajnigëxëˈëky ko tyukˈijxpejtypyë Jyobaa (käjpxë 2 Korintʉ 12:9, 10). Päätykyëjxmënë Jyobaa xëmë pyudëjkë.

15. ¿Ti nëjkx nduˈunëm pën nbanëjkxëmë Pablo yˈijxpajtën?

¹⁵ Extëm jyajtyë Pablo, waˈan nanduˈunë jäˈäy xywyingäjpx xyjyëjpkäjpxëm o xynyibëdëˈkëm mët ko nmëduˈunëmë Jyobaa. Nan waˈan jam nmëmadakëm tuˈugë yuu päˈäm o jam ti xyyajkëjx xyyaˈˈanuˈkxëm. Per pën nbanëjkxëmë Pablo yˈijxpajtën, mbäät njäˈäwëm ko xytsyojkëmë Jyobaa ets ko xypyudëjkëm mä nwinguwäˈkëm tuˈuk tuˈugë jotmay.

16. ¿Ti mbäät ttundë nmëguˈukˈäjtëm axtë diˈib kyaj oy mëk yajpäättë?

¹⁶ Per ¿wiˈixë net njënäˈänëm mä ja nmëguˈukˈäjtëm diˈib yajpatnëdëp wëëtykyijxy mabajngëjxy o mä siyë de rueedë? ¿O ja diˈib kyaj kyëˈë tyeky yˈokˈoyˈäjn yˈokmëkˈäjnë o kyaj oy yˈokˈijxnë? ¿Mbäät pyëyëˈkˈadëˈëtstë mët ja ënäˈktëjk diˈib oy mëk? Tiko këdii. Pes nimayë nmëguˈukˈäjtëm diˈib të myëjjäˈäyëndë ets diˈib pëjk ijxëndëp, tnibëyëˈkˈadëˈëtstë ja jukyˈäjtën, per kyaj duˈun ttundë mët ja kyëˈëm jot kyëˈëm mëjääw, yëˈë duˈun mët ko Jyobaa pyudëkëdë. Yajtukmëdoowˈijttëp mä telefënë tijaty näjxp mä reunyonk o yˈijxtëp diˈib të yajgrabaraty. Ets tyukmëtmaytyaktëbë Diosë yˈayuk ja jyiiky myëguˈuk, ja doktoorëty etsë enfermeerëty.

17. ¿Wiˈixë Jyobaa wyinmay mä ja nmëguˈukˈäjtëm diˈib nayjyäˈäwëdëp ko kyaj ti nyekymyayëdë?

¹⁷ Pën tyam kyaj mbäädë Jyobaa xynyekymyëduny extëm xyjatsojkënyëˈaty o mwinmay ko kyaj pën tjaygyukë extëm myaˈixy myajpääty,  mijts duˈunyëm pëyëˈkˈadëˈëts mä ja nëˈë tuˈu diˈib mënëjkxp mä ja jukyˈäjtën. Jyobaa mtsojkëp mët ko xymyëdaty ja mëbëjkën ets mët ko jeky kujk xymyëduny. Tyamën mas niˈigyë xyyajtëgoyˈatyë nyaybyudëkë ets yëˈë ninäˈä mgamastuˈudäˈänyëty (Sal. 9:10). Mas niˈigyë Jyobaa mëwingonäˈänyëty. Min nˈokˈijxëmë yˈijxpajtën tuˈugë nmëguˈukˈäjtëm diˈib yuumëët päˈämmëët, yëˈë jyënaˈany: “Kom niˈigyëts ja nˈyuu nbäˈäm myëjtaknë, kyajts mayë jäˈäy nekyˈixy parëts ndukmëtmaytyäˈägëdë Diosë yˈayuk. Per nnijäˈäwëbëts ko agujk jotkujkë Jyobaa yajnayjyawëty oyëts yiˈin waanë nduny ja mëjääw. Tyäˈädë yëˈëts diˈibë agujk jotkujk xyyajnayjyäˈäwëp”. Ko mnayjyawëdët mon tuk, jamyats ko Jyobaa yajpääty mët mijts. Pawinmayë apostëlë Pablo yˈijxpajtën ets ja yˈääw yˈayuk ko jyënany: “Agujk jotkujkëts nnayjyawëty kots tiiyëm mëët nyajpääty amääy amutsk [...]. Yëˈko mas niˈigyëts nmëdatyë jot mëjääw kots nyajpääty amääy amutsk” (2 Cor. 12:10, TNM).

18. ¿Tijaty jotmay pyattëp näägë nmëguˈukˈäjtëm?

¹⁸ Per ta ja tuk pëkyë amay jotmay diˈib pyattëbë nmëguˈukˈäjtëm diˈib nanduˈun pëyëˈktëp mä ja nëˈë tuˈu diˈib yajnëjkxp mä jukyˈäjtën. Tyäˈädë Dios mëduumbëty yajnäjxtëbë amay jotmay diˈib kyaj pën tpëkyë kuentë ets mbäät kyaj pën tjaygyukë, extëm ko tmëdattë mëk moˈon mëk tujkën o ko pyäädëdë tuˈugë päˈäm mët ko tijaty tjantsy myëmay tjantsy myëdäjtë (ansiedad). ¿Tiko njënäˈänëm ko ayoˈon pyattëbë tyäˈädë nmëguˈukˈäjtëm? Yëˈko ja jäj jëmuˈumën diˈib yajkëjx yajnäjxtëp kyaj kyëxëˈëky, japyë tmëdattë jyodoty wyinmäˈänyoty. Kyaj dyuˈunëty extëm ko tuˈugë jäˈäy kyëdëjy tyekytyëjy o diˈib yajpatp mä siyë de rueedë, pes niˈamukë nbëjkëmë kuentë ets axtë nˈawäˈänëmë naybyudëkë. Per ja jäj jëmuˈumën diˈib yajnäjxtëbë nmëguˈukˈäjtëm diˈib myëdäjttëbë mëk moˈon mëk tujkën o diˈib myëdäjttëp ja päˈäm mët ko tijaty tjantsy myëmay tjantsy myëdäjtë, duˈun pyeky yˈadony extëm ko tuˈugë jäˈäy kyëdëjy tyekytyëjy. Ets kom kyaj yaˈixy, mbäädë net kyaj pën tsyokëdë ets kyaj pën yˈijxˈit kyuentˈatëdë.

19. ¿Ti xytyukniˈˈijxëmë yˈijxpajtënë Mefibóset?

¹⁹ Pën mijts mnayjyäˈäwëp ko kyaj mbäät ti xyˈoktuunë ets ko kyaj pën tjaygyukë extëm myaˈixy myajpääty, yˈijxpajtënë Mefibóset mbäät mbudëkëty (2 Sam. 4:4). Yëˈë kyaj nety oy mëk yajpääty ets nan myëmadak ko Rey David axëëk tyuunë mët ko yajniwäämbejty. Mefibóset kyaj nety yëˈë të tˈëxtäˈäy nituˈugë tyäˈädë amay jotmay, per kyaj tnasˈijxë parë axëëk yajnayjyawëdët. Niˈigyë dyajtsobaty tijatyë nety myëdäjtypy, ets kyuˈëˈëw kyugäjpxë ko David yˈoyjyaˈaytyaky mët yëˈë (2 Sam. 9:6-10). Pääty ko David tyuunë axëëk, Mefibóset kyaj jamyë ja jyot wyinmäˈäny tpëjtaky mä wiˈixë nety të tyunyëty. Nan kyaj tnasˈijxë etsë tyäˈädë axëëk yajnayjawëdët ets ni tkapokyˈijxyë Jyobaa. Pyuwäˈkë David diˈibë netyë Jyobaa të wyinˈixyëty parë tyunët rey (2 Sam. 16:1-4; 19:24-30). Jyobaa ojts dyajwëˈëmë  jääybyety mä Biiblyë ja yˈijxpajtënë Mefibóset parë mbäät xypyudëjkëm (Rom. 15:4).

20. ¿Wiˈix wyimbëtsëmy ko näägë nmëguˈukˈäjtëm yudun pyäˈämdunëdë ko nëgooyë tijaty tmëmääy tmëdäjnëdë, per mä ti mbäät yˈittë seguurë?

²⁰ Mët ko näägë nmëguˈukˈäjtëm yudun pyäˈämdunëdë ko nëgooyë tijaty tmëmääy tmëdäjnëdë, ta tyuktëkëdë tsëˈëgë ets kyaj oy nyayjyawëdë ko yajpäättë mëdë jäˈäy tuˈuk tuˈugë xëëw. Waˈan kyaj tmaˈkxtë mayjyaˈay, per duˈunyëm nyëjkxtë reunyonk ets asamblee. Nan tsiptakxëdëp tmëtmaytyäˈäktëdë jäˈäy diˈib kyaj tˈixyˈattë, per nëjkxtëp ëwäˈkx käjpxwäˈkxpë. Pën duˈun mijts mjaty, it seguurë ko nanduˈun nimayë nmëguˈukˈäjtëm jyattë. Per jamyats ko Jyobaa agujk jotkujk nyayjyawëty ko xytyunyë mëjääw nuˈun mmadaˈaky. Ets ko xymyëduunˈadëˈëtsy, ja yajpëkyë kuentë ko yëˈë mgunuˈkxëp ets ko mmooyëp ja jot mëjääw diˈib myajtëgoyˈajtypy * (Filip. 4:6, 7; 1 Peed. 5:7). Pën mmëduunˈadëtsypyë Jyobaa oy wiˈix mnayjyawëty ets oy wiˈix mjaty mgëbety, mbäät mˈity seguurë ko agujk jotkujk xyjantsy yajnayjyawëty.

21. ¿Ti mbäät niˈamukë nduˈunëm mët ko Jyobaa xypyudëjkëm?

²¹ Extëm të nˈijxëm, taaˈäjtpë tëgatsyˈäjtën mä jäˈäy pyëyëˈkijpxyëdë ets mä Dios mëduumbë pyëyëˈëktë diˈibë apostëlë Pablo myaytyak. Ko ijtyë jäˈäy pyëyëˈkijpxyëdë, jeˈeyë niduˈuk diˈib gyanaräjtypy ja premië. Per mä Dios mëduumbë pyëyëˈëktë, niˈamukë pënaty madaktëp yˈaxäjëdëp ja premië, o ja jukyˈäjtënë winë xëëbë (Fwank 3:16). Ets niˈamukë pënaty ijty pëyëˈkijpxyëdëp, tsojkëbë nety yajpäättët oy mëk, per kyaj nety tyim seguurëty pën madaktëp. Per nimayë Dios mëduumbëty pëyëˈkˈadëtstëp oy kyayajpäättë oy mëk (2 Cor. 4:16, TNM). Mët ko Jyobaa xypyudëjkëm, mbäät niˈamukë nbëyëˈkjäjtëm mä të nitsoˈonëm.