ARTIKLU GĦALL-ISTUDJU 21
Tapprezza Int l-Affarijiet Tajbin li Tak Alla?
“Int għamilt ħafna affarijiet, iva, għemejjel taʼ l-għaġeb, O Ġeħova Alla tiegħi, u ħsibijietek huma dwarna.”—SALM 40:5.
GĦANJA 5 L-għemejjel meraviljużi t’Alla
ĦARSA BIL-QUDDIEM *
1-2. Fi qbil maʼ Salm 40:5, Ġeħova liema rigali tana, u għala se niddiskutuhom f’dan l-artiklu?
ĠEĦOVA huwa Alla ġeneruż. Aħseb dwar ftit mir-rigali li tana; id-dinja mill-isbaħ li hija post perfett għalina; il-moħħ, li huwa ddisinjat b’mod meraviljuż; u l-Kelma prezzjuża tiegħu, il-Bibbja. Minħabba li Ġeħova tana dawn it-tlett rigali aħna għandna post fejn ngħixu, nistgħu naħsbu u nikkomunikaw m’oħrajn, u għandna t-tweġibiet għall-iktar mistoqsijiet importanti li jistaʼ jkollna.—Aqra Salm 40:5.
2 F’dan l-artiklu se niddiskutu dawn it-tliet rigali. Iktar ma nimmeditaw fuq dawn ir-rigali, iktar se napprezzawhom. U se nkunu rridu nferrħu lill-Ħallieq tagħna Ġeħova. (Riv. 4:11) Ukoll, aħna se nkunu iktar effettivi meta nitkellmu maʼ dawk li ġew imqarrqin u jemmnu bl-evoluzzjoni.
IL-PJANETA UNIKA TAGĦNA
3. Id-dinja tagħna għala hi unika?
3 Meta naraw kif Alla ħalaq id-dinja, nitgħallmu kemm hu għaref. (Rum. 1:20; Ebr. 3:4) Hemm pjaneti oħra li jduru max-xemx, imma d-dinja tagħna hi unika għax għandha dak kollu li l-bnedmin għandhom bżonn biex jgħixu.
4. Kif nistgħu naraw l-għerf t’Alla mill-mod kif hu ħalaq l-art? Spjega.
4 Aħna nistgħu nqabblu d-dinja fl-univers maʼ dgħajsa f’oċean. Imma hemm differenza bejn dgħajsa mimlija bin-nies
u d-dinja tagħna. Pereżempju, immaġina li n-nies taʼ fuq id-dgħajsa ma jistgħux jipproduċu l-ossiġnu, l-ikel, l-ilma u ma jistgħu jarmu xejn barra mid-dgħajsa. Kemm taħseb li se jdumu ħajjin? B’kuntrast, id-dinja kapaċi żżomm lil biljuni taʼ nies u annimali ħajjin. Hi tipproduċi l-ossiġnu, l-ikel, u l-ilma li għandna bżonn. U minkejja li l-iskart kollu jibqaʼ fid-dinja, hi tibqaʼ sabiħa u tajba biex ngħixu fiha. Dan kif inhu possibbli? Għax Ġeħova ħalaq l-art b’mod li l-iskart jistaʼ jiġi mibdul f’xi ħaġa li tistaʼ terġaʼ tintuża. Aħna se niddiskutu kif l-għerf taʼ Ġeħova jidher fil-mod tal-għaġeb kif jaħdmu ċ-ċiklu tal-ossiġnu u ċ-ċiklu tal-ilma.5. X’inhu ċ-ċiklu tal-ossiġnu, u dan xi prova jagħti?
5 L-ossiġnu huwa gass li l-bnedmin u l-annimali għandhom bżonn biex jgħixu. Hu kkalkulat li ħlejjaq ħajjin jużaw mitt biljun tunnellata taʼ ossiġnu fis-sena. Dawn l-istess ħlejjaq ħajjin jipproduċu gass li jissejjaħ dijossidu karboniku. Però, dejjem ikun hemm iktar ossiġnu milli dijossidu karboniku. Dan kif inhu possibbli? Għax Ġeħova ħalaq pjanti differenti u taʼ kull daqs li jiġbdu d-dijossidu karboniku u jarmu l-ossiġnu. Minħabba li dan iċ-ċiklu jipproduċi l-arja li għandna bżonn, aħna naqblu mal-kliem f’Atti 17:24, 25 li jgħid: “Alla . . . jagħti lil kulħadd il-ħajja u n-nifs.”
6. X’inhu ċ-ċiklu tal-ilma, u dan xi prova jagħti? (Ara wkoll il-kaxxa “ Iċ-Ċiklu tal-Ilma Hu Rigal Mingħand Ġeħova.”)
6 Fid-dinja jeżisti l-ilma likwidu għax il-pjaneta tagħna qiegħda ʼl bogħod mix-xemx b’distanza eżatta. Kieku kienet ftit eqreb, l-ilma kollu fid-dinja kien jevapora u d-dinja kienet tkun taħraq, xotta, u bla ħajja. Kieku d-dinja kienet ftit ’il bogħod mix-xemx, l-ilma kien jiffriża kollu u d-dinja ssir ballun kbir tas-silġ. Minħabba li Ġeħova poġġa d-dinja fil-post eżatt, iċ-ċiklu tal-ilma jistaʼ jsostni l-ħajja. Ix-xemx issaħħan l-ilma tal-oċeani u li hemm fuq wiċċ l-art u tevaporah biex jifforma sħab. Kull sena, ix-xemx tevapora ilma li tistaʼ timla tank għoli, wiesaʼ, u fond kważi 80 kilometru. Dan l-ilma jibqaʼ fl-atmosfera għal madwar għaxart ijiem qabel jinżel bħala xita jew borra. B’dan il-mod, l-ilma jerġaʼ jmur lura fl-oċeani jew xmajjar, u dan ċ-ċiklu jibqaʼ jirrepeti ruħu. Ġeħova għamel dan iċ-ċiklu biex fid-dinja dejjem ikun hemm l-ilma. Dan jagħti prova li Ġeħova hu għaref kif ukoll qawwi.—Ġob 36:27, 28; Ekk. 1:7.
7. X’inhuma xi modi li juru li aħna napprezzaw ir-rigal li nsibu f’Salm 115:16?
7 X’jistaʼ jgħinna napprezzaw iktar il-pjaneta sabiħa tagħna u l-affarijiet tajbin li nsibu fiha? (Aqra Salm 115:16.) Mod wieħed hu billi nimmeditaw fuq l-affarijiet li Ġeħova għamel. Dan se jġegħelna nirringrazzjaw lil Ġeħova kuljum għall-affarijiet tajbin li jagħtina. Ukoll, nuru l-apprezzament tagħna billi nżommu fejn ngħixu nadif kemm jistaʼ jkun.
IL-MOĦĦ UNIKU TAGĦNA
8. Għala nistgħu ngħidu li l-moħħ hu ddisinjat b’mod tal-għaġeb?
8 Il-moħħ tal-bniedem hu ddisinjat b’mod tal-għaġeb. Meta int kont f’ġuf ommok, moħħok żviluppa skont il-mod li ġie ddisinjat, u eluf taʼ ċelluli ġodda fil-moħħ bdew jiffurmaw kull minuta! Riċerkaturi jikkalkulaw li moħħ taʼ adult fih madwar 100 biljun ċellula li jissejħu newroni.
Dawn iċ-ċelluli jifformaw il-moħħ li jiżen madwar kilo u nofs. Ikkunsidra xi ftit mill-abbiltajiet tal-għaġeb li għandu l-moħħ.9. X’jikkonvinċik li l-abbiltà tagħna li nitkellmu hija rigal mingħand Alla?
9 L-abbiltà li nitkellmu hi miraklu. Aħseb ftit dwar x’jiġri meta titkellem. Maʼ kull kelma li tgħid, il-moħħ jagħti sinjal lil madwar 100 muskolu fl-ilsien, fil-gerżuma, fix-xofftejn, fix-xedaq, u fis-sider. Biex int tkun tistaʼ tippronunzja l-kliem ċar, dawn il-muskoli jridu jaħdmu f’ordni preċiża. Rigward l-abbiltà li nitkellmu lingwi differenti, studju li ħareġ fl-2019, wera li trabi tat-twelid jistgħu jagħrfu u jirreaġixxu għal xi kliem. Dan l-istudju jsaħħaħ dak li jgħidu ħafna riċerkaturi, li aħna nitwieldu bl-abbiltà li nagħrfu u nitgħallmu l-lingwi. Bla dubju, l-abbiltà tagħna biex nitkellmu hija rigal mingħand Alla.—Eżo. 4:11.
10. Kif nistgħu nuru li napprezzaw ir-rigal li nitkellmu?
10 Mod wieħed kif nuru li napprezzaw ir-rigal li nitkellmu hu billi nispjegaw lil dawk l-uħud li jemmnu bl-evoluzzjoni għala aħna nemmnu li Alla ħalaq kollox. (Salm 9:1; 1 Pt. 3:15) Dawk li jħeġġu dan it-tagħlim jgħidu li d-dinja u l-ħajja ma kinux iddisinjati, imma ġew b’kumbinazzjoni. Jekk nużaw il-Bibbja u xi punti li ddiskutejna f’dan l-artiklu, aħna nistgħu niddefendu lil Missierna tas-sema u nispjegaw lil dawk li huma lesti li jisimgħu għala aħna konvinti li Ġeħova huwa l-Ħallieq tas-sema u l-art.—Salm 102:25; Is. 40:25, 26.
11. X’inhi raġuni waħda għala l-moħħ tagħna hu tal-għaġeb?
11 L-abbiltà tagħna li niftakru hi tal-għaġeb. Fil-passat, kittieb ikkalkula li moħħna għandu l-abbiltà li jiftakar informazzjoni daqs 20 miljun ktieb kbir. Però, issa jaħsbu li l-memorja tagħna tiflaħ ħafna iktar minn dan. X’abbiltà unika għandhom il-bnedmin?
12. Minħabba li nistgħu nitgħallmu kif għandna ngħixu, kif aħna differenti mill-annimali?
12 Mill-ħlejjaq kollha tal-art, il-bnedmin biss għandhom l-abbiltà li jitgħallmu kif għandhom jgħixu għax jistgħu jiftakru dak li ġara fil-passat. Minħabba dan, aħna nistgħu nitgħallmu jkollna morali tajbin u nbidlu l-mod kif naħsbu u ngħixu. (1 Kor. 6:9-11; Kol. 3:9, 10) Fil-fatt, aħna nistgħu nittrennjaw il-kuxjenza tagħna biex nagħrfu x’inhu tajjeb u x’inhu ħażin. (Ebr. 5:14) Nistgħu nitgħallmu nuru l-imħabba, il-mogħdrija u l-ħniena. U nistgħu nitgħallmu wkoll nimitaw il-ġustizzja taʼ Ġeħova.
13. Fi qbil maʼ Salm 77:11, 12, kif għandna nużaw ir-rigal tal-memorja?
13 Mod wieħed kif nuru li napprezzaw ir-rigal tal-memorja hu billi nagħżlu li Salm 77:11, 12; 78:4, 7) Mod ieħor hu billi niftakru u napprezzaw l-affarijiet tajbin li oħrajn jagħmlu għalina. Riċerkaturi sabu li nies li japprezzaw huma iktar ferħanin. Tajjeb ukoll li nimitaw lil Ġeħova u nagħżlu li ninsew xi affarijiet. Pereżempju, Ġeħova għandu memorja perfetta, imma jekk aħna nindmu, hu jagħżel li jaħfrilna u jinsa l-iżbalji li nagħmlu. (Salm 25:7; 130:3, 4) U hu jridna nagħmlu l-istess m’oħrajn meta huma jiddispjaċihom għax ikunu weġġgħuna bl-iżbalji tagħhom.—Mt. 6:14; Lq. 17:3, 4.
niftakru kull darba li Ġeħova għenna u inkuraġġiena fil-passat. Dan se jibni l-fiduċja tagħna li hu se jgħinna anke fil-futur. (AqraAħna nuru li napprezzaw ir-rigal tal-moħħ billi nużawh biex infaħħru lil Ġeħova (Ara paragrafu 14) *
14. Kif nistgħu nuru l-apprezzament għar-rigal meraviljuż tal-moħħ?
14 Aħna nistgħu nuru li napprezzaw ir-rigal meraviljuż tal-moħħ billi nużawh biex infaħħru lill-Wieħed li tahulna. Xi wħud, b’mod egoist jagħżlu li jużaw moħħhom biex jiddeċiedu għalihom infushom x’inhu tajjeb u ħażin. Imma peress li Ġeħova ħalaqna, bla dubju nistgħu nkunu ċerti li l-livelli tiegħu huma aħjar minn kwalunkwe livell li nistgħu nagħmlu għalina nfusna. (Rum. 12:1, 2) Meta nobdu lil Ġeħova, aħna jkollna l-paċi f’ħajjitna. (Is. 48:17, 18) Ukoll, nitgħallmu dak li hu jridna nagħmlu biex b’hekk infaħħruh u nferrħuh bħala l-Ħallieq tagħna u Missierna.—Prov. 27:11.
IL-BIBBJA RIGAL UNIKU
15. Ir-rigal tal-Bibbja kif juri l-imħabba taʼ Ġeħova għan-nies?
15 Il-Bibbja hi rigal bi mħabba mingħand Alla. Missierna tas-sema nebbaħ irġiel biex jiktbuha, għax iħobbna ħafna. Grazzi għall-Bibbja, Ġeħova jagħtina t-tweġibiet għall-iktar mistoqsijiet importanti li jkollna, bħal: Minn fejn ġejna? X’inhu l-iskop tal-ħajja? U x’hemm lest għalina fil-futur? Bħala wliedu, Ġeħova jridna nitgħallmu Il-Bibbja Issir Disponibbli f’Lingwi Afrikani.”
t-tweġibiet għal dawn il-mistoqsijiet, għalhekk hu uża wħud biex jittraduċu l-Bibbja f’ħafna lingwi. Illum, il-Bibbja kollha jew partijiet minnha huma disponibbli f’iktar minn 3,000 lingwa! Il-Bibbja hija l-iktar ktieb tradott u mqassam fl-istorja tad-dinja. Jgħixu fejn jgħixu u tkun xi tkun il-lingwa li jitkellmu, ħafna nies jistgħu jaqraw il-Bibbja fil-lingwa tagħhom.—Ara l-kaxxa “16. Skont Mattew 28:19, 20, kif nistgħu nuru li napprezzaw il-Bibbja?
16 Aħna nistgħu nuru li napprezzaw il-Bibbja billi naqrawha kuljum, nimmeditaw fuq dak li tgħallem, u nagħmlu l-aħjar li nistgħu biex napplikaw dak li nitgħallmu. Ukoll, aħna nuru l-apprezzament tagħna lejn Alla billi nagħmlu l-almu tagħna biex naqsmu l-messaġġ tagħha maʼ kemm jistaʼ jkun nies.—Salm 1:1-3; Mt. 24:14; aqra Mattew 28:19, 20.
17. Liema rigali ddiskutejna f’dan l-artiklu, u x’se niddiskutu fl-artiklu li jmiss?
17 F’dan l-artiklu ddiskutejna xi rigali li tana Alla bħalma huma d-dinja mill-isbaħ li hija post perfett għalina; il-moħħ, li huwa ddisinjat b’mod meraviljuż; u l-Kelma mnebbħa t’Alla, il-Bibbja. Imma Ġeħova tana wkoll rigali oħrajn li aħna ma narawhomx. Dawn ir-rigali li ma jidhrux se niddiskutuhom fl-artiklu li jmiss.
GĦANJA 12 Kbir Alla Ġeħova
^ par. 5 Dan l-artiklu ser ikabbar l-apprezzament tagħna għal Ġeħova u għal tliet rigali li tana. Se jgħinna wkoll biex nirraġunaw maʼ dawk li ma jemmnux li Alla jeżisti.
^ par. 64 X’TGĦIDILNA L-ISTAMPA: Oħt qed titgħallem lingwa barranija biex tkun tistaʼ tgħallem il-veritajiet tal-Kelma t’Alla lill-emigranti.